Jisōs ej Iakwe Ajri ro Nejid

Ij joļo̧k eļap iien im kōļmenļo̧kjeņ kōn ajri ro. Ij iakwe ajri ro ilo doulul eo aō āinwōt baam̧le im m̧ōtta. Kakkobaba, jerbal eo aō ippān māākjiin ko an Kabun̄ in ekoba ejaake im kobaik peij ko an ajri ro ipeļaakin laļ in. Ak jejjo iiō remootļo̧k, iaar kile bwe iaar jab jeļā ta eo jeje ko rekwojarjar rej kwaļo̧ke kōn ajri ro. Kōn menin iaar pepe bwe in riiti Kallim̧ur Ekāāl im Bok in Mormon im lukkuun lale ta eo imaron̄ in jeļā jān doulul jab in.

Ekar juon idajon̄jon̄ in mour! Ilubwiljin elōn̄ m̧ool ko iaar loi, men eo eaorōktata ekar juon jeļāļo̧kjeņ eo eļap kōn ewi jon̄an an Jisōs kea kōn ajri ro. Eaar jerbal in karejar n̄an ajri ro āinwōt juon doulul, kōjenolo̧k er jen ro jet, juon ilo̧k juon. Ekōjkan ad maron̄ ļoor waanjon̄ak eo An?

Ilo naan eo aō ilo peij 18 ej kwaļo̧k jet katak ko iaar būki jān eoon ko iaar en̄jaki, kar kobai ļōmņak ko im likūti ilo peba ko ewōr tokjāer kōn bōbrae jorrāān.

Ajri ro roarōk. Ij kōjatdikdik jemaron̄ jerbal ippān doon n̄an kōjparok ajri im kōkajoor er, kōm̧m̧an n̄an er āinwōt kar Jisōs!

Ilo iakwe,

Marissa Widdison