Juon Idajon̄jon̄ kōn Tampeļ

Jān Sister Joy D. Jones

Būreejtōn eo Eutiej an Būraimere

“Im e naaj kalōlō ilo būruōn ro nejier kallim̧ur ko kar kōm̧m̧ani n̄an ro jim̧m̧aer, im būruōn ro nejier renaaj oktakļo̧k n̄an ro jemāer.” (Katak im Bujen Ko 2:2).

Juon Jabōt rikakpilōklōk eo aō im n̄a kom̧ro kar etal n̄an juon kweilo̧k an Kabun̄. Kōm̧ kar kōnono kōn tampeļ im men ko raorōk im rej waļo̧k ie. Ālkin kweilo̧k eo, juon ļaddik 12 iiō rūttoon etan Colby ekar itok n̄an im idik peiū. Kōmro kar bwebwenato kōn tampeļ eo. Innām ikar idajon̄jon̄ e n̄an pukot juon et jān baam̧le eo an im bōke n̄an tampeļ eo.

Ilo juon iien ekadu, ikar bōk juon leta jān Colby. En̄in ta eo Colby ekar ba n̄an n̄a:

“Ikar ro̧o̧l n̄an m̧weo im̧ō im loe juon āt kāāl. Ekar waļo̧k ke ikar loe etan jemān jim̧m̧aō!

“Jidik iien tokālik ikar etal n̄an tampeļ eo im kar peptaij n̄an e. Ekar ļap an aorōk kōnke ļaddik eo jeiū ekar peptaiji n̄a im jema ekar kapen e n̄an e.

“Ekar juon en̄jake eo em̧m̧an itolowa me ekar bōktok aenōm̧m̧an. Ij en̄jake ke ta eo ikar kōm̧m̧ane n̄an jim̧m̧aō ekar lukkuun em̧m̧an kōnke kiiō emaron̄ in etal n̄an laļ an celestial im mour ippān baam̧le eo an. Ilo aolepān raan eo, ekar em̧m̧an aō en̄jake itulowa.

“Ikar bar bōk jeļā ke ejjeļo̧k ejeļā wōn ro jinen im jemān jim̧m̧aō, kiiō imaron̄ in kapukot etaer im bōke er n̄an tampeļ eo barāinwō!”

Colby ej juon waanjon̄ak eļap an em̧m̧an! Jekdo̧o̧n ewi jon̄an am̧ rūttto, komaron̄ bar waanjon̄ak n̄an baam̧le eo am̧ im ro m̧ōttam. Komaron̄ kwaļo̧k kake gospel eo n̄an aolep ro kōjeļā kajjeer—aaet rūtto ro jibūm̧ im jim̧m̧aam̧ em̧ōj aer jako!