Destiny Eaorōk
Rijeje eo ej jokwe ilo France.
Ekkā an ro m̧ōtta m̧ōņōņō aolep iien. Ta eo emaron̄ kar kainepataik e?
Kōmeļeļe jān Reginald Swinney
Ij itok jān France, ak n̄a im sister eo aō kar joļo̧k juon iiō ilo eastern United States āinwōt rijikuuļ ro rej jānij. Ilo iien eo, kōm kar ioon elōn̄ armej, ak juon eo me kar lukkuun ļap im̧we ioō ekar juon leddik etan Destiny. Eaar erom̧ m̧ōtta eo em̧m̧antata. Kōmro eaar kōm̧m̧an aolep men ippān doon, ilo iien jikuuļ im ālkin jikuuļ im ippān sister eo aō. Destiny eaar aolep iien m̧ōņōņō. Eaar men eo me eaar em̧m̧an ippa kōn e.
Juon raan iaar lo an inepata me ijjan̄in kar loe m̧okta ippān. Iaar kajjitōk ewōr ta. Eaar ba ejjab kōņaan kōnono kake. Innām iaar lo juon peba ilo pein. Iaar bōke im riiti.
Eaar wōr juon eaar je men ko rejjab em̧m̧an n̄an e. Naan in kakitōtō ko raar ba ejetāān̄, ejjeļo̧k rekōņaan e, bwe ejejtokjeņ an mour, im bwe en etal im m̧an e make. Iaar jab tōmak ro jet remaron̄ kōm̧m̧an rot in n̄an e. Eaar lukkuun jelet eō kōn en̄jake eo ej en̄jake.
Jān iien eo, iaar kōm̧m̧ane juon kijejeto eļap bwe in m̧ōttan Destiny—ejjab pād wōt ippān, ak iien otemjej ej pād ippān, im ettā eļaptata. Iaar kōmeļeļeik e bwe ej juon jiron̄ nejin Anij, kar kōjeraam̧m̧an kōn juon paoktok ekwojarjar, erreeo n̄an nōbar n̄an bōk men ko reļļap.
Epen n̄an kajjieon̄ iakwe eok make n̄e ro jet ejjab em̧m̧an aer kōm̧m̧an n̄an eok im kōnanaik eok. Ke ij m̧ōttāik Destiny, iaar jeļā bwe juon iien eo em̧m̧antata n̄an jipan̄ ro jet ej n̄an iakwe er make im n̄an jipan̄ er jeļā wōn lukkuun er.
Ilo jem̧ļo̧kkin iiō eo, ke iaar ro̧o̧l n̄an France, Destiny eaar ba n̄an eō juon men inaaj aolep iien kaorōke. Eaar ba, “Emma,” “kwaar lo̧mo̧o̧ren eō. Mokta jen am̧ kar itok, iaar kōņaan bōk mour eo aō. Innām kwe im sister eo am̧ kar jipan̄ eō, ilo kea. Rainin ij iakwe eō make, im ij iakwe eok.”
Ekanooj lōn̄ ajri ro ilo jikuuļ ro rej kakitōtō, ro rejjab kōm̧m̧an em̧m̧an ak kōmatōr. Pukot juon wāween n̄an pukot er. Kōnono n̄an er, ļōmņak kōn er, im jouj n̄an er. Ej ta eo Rilo̧mo̧o̧r ekar kōm̧m̧ane, im jet iien ilo ba iakwe ak ettōn̄dikdik emaron̄ kōm̧m̧an oktak.