Elder Stevenson Ej Loļo̧k Chile

Rijilōk ro rej ito itak ipeļaak in laļ in n̄an kōm̧m̧an jerbal in karejar ippān armej ro im katakin er kōn Jisōs Kraist.

Elder Gary E. Stevenson im Sister Lesa Stevenson rekar ito itak ippān Būreejtōn Russell M. Nelson im Sister Wendy Nelson n̄an Chile n̄an juon iien eo eļap an aorōk. Juon tampeļ kāāl kar kōjeraam̧m̧ane ilo jikin eo Concepción!

Tampeļ aiboojoj in ej kein karuo Tampeļ n̄an kalōke ilo Chile im kein 18th tampeļ ilo South America.

M̧akūtkūt in laļ ko rellōn̄ ilo Chile. Concepción Chile Tampeļ eo ewōr juon an pedped im ekajoor n̄an kōjparoke jān an jorrāān eļan̄n̄e m̧akūtkūt ko an laļ rej waļo̧k.

Laura im Alicia O. kar jipan̄ likūt dōkā eo āliktata ilo namōj in tampeļ eo. Menin kar ņaetan dōkā in jabōn em̧ eo an tampeļ eo. Innām tampeļ eo ekar pojak n̄an aje.

Ajri ro rekar itok ippān ro jineer im jemāer n̄an ron̄jake an Būreejtōn Nelson leļo̧k juon jar eaorōk n̄an aje tampeļ eo.

Kiiō membōr ro rerreo an Kabun̄ eo an Jisōs Kraist im Armej ro Rekwojarjar ilo Raan-ko Āliktata remaron̄ etal n̄an lowaan n̄an liāpe er n̄an baam̧le ko aer im jerbal ilo aer kōm̧m̧ane kōkepetaij ko an tampeļ.

Enin ta eo Elder Stevenson ekar ba kon kojeramon eo.