Kar Loe Kōn Kajoor eo an Bok in Mormon
Aolep rej aikuj en̄jake im un̄ūr kōn kajoor in m̧ool ko ilo Bok in Mormon.
Ke ikar loļo̧k ro rej kab oktaktok, juon iaan kajjitōk ko ekkā aō kōnaan kajjitōk ippān rioktak ro rekāāl ej ekōjkan aer im baam̧le ko aer kar katak kōn Kabun̄ in im wāween aer kar itok n̄an peptaij. Ejjeļo̧k tokjen eļan̄n̄e juon armej ilo iien eo wōt ej juon membōr emourur ak ejjan̄in kar pād ilo iien jar ko an Kabun̄ in iumin elōn̄ iiō. Ejja uwaak eo wōt aolep iien: kōn juon mejen ettōn̄dikdik im paatokier emeram, rej jino kwaļo̧k bwebwenatoon ekōjkan aer kar jino lo er im katakin er. Ilo m̧ool, āinwōt bwe bwebwenato eo kōn oktak ej aolep iien bwebwenato eo kōn wāween kar lo kōj.
Jisōs Kraist E make ej Irooj in men ko rejako. Ej kea kōn men ko rejako. En̄in ej likkuun unin An kar katakin jilu būrabōļ ko jej lo ilo 15 jepta in Luk: būrabōļ eo an sheep eo ejābwābwe, m̧ōttan silver eo ekar jako, im āliktata, nejin eo ejōrwaan. Aolep bwebwenato kein ewōr juon aer pedped: Ejjeļo̧k tokjen etke rekar jebwābwe. Ejjeļo̧k tokjen barāinwōt eļan̄n̄e rekar jeļā ke rekar jebwābwe. Iien tōl eo eobrak kōn en̄jake in lan̄lōn̄ ej lamōj, “Kom̧in lan̄lōn̄ ippa; bwe Iar lo sip eo aō e kar jako.”1 Ilo jem̧ļo̧kin ļo̧k, ejjeļo̧k men ejako n̄an E.2
Kōtļo̧k aō kwaļo̧k ilo ālkin raelepan rainin ippami juon iaan men ko eļap aer aorōk ippa—bwebwenato eo kōn wāween aō kar oktak.
Moktaļo̧k wōt jān aō kar 15 iiō, kar kūr eo jān unlepa Manuel Bustos n̄an joļo̧k jejjo iien ippān im baam̧le eo an ijin ilo Amedka. Menin enaaj juon iien eo em̧m̧an n̄an n̄a n̄an katak jidik kajin Pālle. Eo nej jema ekar oktak tok n̄an Kabun̄ in elōn̄ iiō ko m̧oktaļo̧k, im ekar wōr ippān juon jetōb in mijenede ippān. En̄in ej bōlen unin an jinō, ilo ejjeļo̧k aō kar jeļā, kar kōnono ippān im kar ba bwe enaaj errā ilo kūr eo kōn juon un: bwe enjab kadeel eō bwe n̄an erōm̧ juon ro uwaan Kabun̄ eo An. Kōm kar riCatholic, im kōm kar wōt jān epepen ko, im ekar ejjeļo̧k unin n̄an oktak. Eo nej jema ekar lukkuun erre im kar dāpij naan ko an n̄an wāween eo me ekar jab kōņaan uwaake kajjitōk ko repidodo kōn Kabun̄ in.
Aaet, ta eo nej jema im kōra eo pāleen ejouj, Majorie, kar jab bōbrae kar mour in kwaļo̧k wōn er.3
Kar karōk eō n̄an juon ruum̧ eo me elōn̄ juon jikin bok ko eļap ie. Ikar maron̄ lo bwe ilo jikin bok in ekar wōr tarrin 200 kape in Bok in Mormon ilo kajin ko reoktak jān doon, 20 iaer ilo kajin Spanish.
Juon raan, kōn kōņaan jeļā, ikar bōk laļtak juon kape in Bok in Mormon ilo kajin Spanish.
Ekar juon iaan kape ko ippān juon kilin bok sky-blue epidodo, ippān pijaan juon enjeļ Moronai ilo m̧aan. Ke ikar kōpeļļo̧ke, ilo peij eo m̧okta kar je kallim̧ūr in: “Im n̄e kom̧ naaj būki men kein, ikōņaan kōketak kom̧ bwe kom̧in kajjitōk ippān Anij, Jemān Indeeo, ilo etan Jisōs Kraist, eļan̄n̄e men kein rej jab m̧ool; im eļan̄n̄e kom̧ naaj kajjitōk kōn juon bōro em̧ool, kōn lukkuun kōttōpar, im ewōr tōmak ilo Kraist, Enaaj kwaļo̧k m̧ool in n̄an kom̧, jān kajoor eo an Jetōb Kwōjarjar.”
Im kar bar kobaik: “Im jān kajoor eo an Jetōb kwōjarjar kom̧ maron̄ jeļā m̧ool eo an men ko otemjeļo̧k.”4
Epen n̄an kōmeļeļeik en̄jaake eo me eoon kein rekar pād ilo kōļmenļo̧kijen eo aō im buruō. N̄an kwaļo̧k m̧ool, ikar jab kappukot “m̧ool eo.” Ikar juon jodikdik wōt, eo em̧ōņōņō kōn mour eo an, lan̄lōn̄ kōn m̧anit in ekāāl.
Mekarta, ippān kallim̧ūr in ilo ļo̧mņak, ikar jino riiti bok eo ilo ittiņņo. Ilo aō kar riit eļapļo̧k, ikar meļeļe eļan̄n̄e ikar lukkuun kōņaan bōk jabdewōt jān menin, ikar aikuj n̄an jino jar. Im aolepād jejeļā ilo ejjeļo̧k kalijōkļo̧k ta enaaj waļo̧k n̄e jej kāālet n̄an jab riit wōt bōtaab barāinwōt jar kōn Bok in Mormon. Ekwe, en̄in jejjōt in ta eo ekar waļo̧k n̄an eō. Ekar juon men eo eļap an aurōk im ļap an jenolo̧k—aet, ejjeļo̧k oktak jān ta eo em̧ōj an waļo̧k n̄an milien ro jet ipeļaakin laļ in. Ikar tok n̄an jeļā jān kajoor eo an Jetōb Kwojarjar bwe Bok in Mormon eo ekar m̧ool.
Innem ikar etal n̄an ippān eo nej jema n̄an kōmeļeļeik n̄an e ta eo ekar waļo̧k im bwe ikar pojak n̄an peptaij. Uncle eo aō ekar jab maron̄ dāpij an bwilōn̄. Ekar deļo̧n̄e wa eo waan, ettōr n̄an jikin baļuun eo, im ro̧o̧ltok kōn tikōt in baļuun eo aō n̄an ro̧o̧l n̄an m̧weo, ippān juon leta kar je n̄an m̧am̧a im kar likūt ilo tu kadu in, “ejjeļo̧k aō ilo menin!”
Ilo juon wāween ekar jim̧we. Em̧ōj lo eō kajju jān kajoor eo an Bok in Mormon.
Emaron̄ lōn ro em̧ōj kwaļo̧k n̄an e jān mijenede ro ad rem̧m̧an ipeļaakin laļ in, ilo aolep jekjek ko kōn kabwilōn̄lōn̄ ko, ak bōlen em̧ōj kar lo er kōn ro m̧ōttāer me Anij ekar karōk in likūt ilo iaļ ko aer. Ak bolen rekar oktak kōn ro m̧ōttaer me Anij ekar kōņaan me em̧ōj an likūt er ilo iaļ ko aer. It might even be that they have been found by someone from this generation or through one of their ancestEmaron̄ bwe em̧ōj kar lo ainitok er jān juon eo ilo epepen in ak kōn juon iaan jibwier im jim̧m̧aer ko etto.5 Jekdoonjekjek ta eo, n̄an eddōk m̧aanļo̧k n̄an juon oktak eo em̧ool an juon make, kiiō wōt ijjelo̧kin rūm̧wij, aolepār aikuj ioon im lo er jān kajoor eo an m̧ool ko rej pād ilo Bok in Mormon. Ilo ejja iien eo wōt, rej aikuj make kālet n̄an kōm̧m̧an juon kallim̧ūr n̄an Anij bwe renaaj kate er kōjparok kien ko An.
Ke ikar jepļaakļo̧k n̄an Buenos Aire, jinō ekar kile bwe ikar m̧ool in kōņaan peptaij. Kōnke ikarjuon jetōb in jum̧ae, ijjelo̧kin an jjum̧ae eō, ekar lukkuun ilo melōtlōt errā ippa. Im ilo ejjeļo̧k an jeļā kake, ekar kōm̧m̧ane intōpiu in peptaij eo aō. Em̧ool, ij tōmak bwe intōrpiu eo an ekar ļapļo̧k an m̧wilaļ jān ko me mijenede ro ad rej kōm̧m̧ani. Ekar ba n̄an n̄a, “Eļan̄n̄e kwoj kōnaan peptaij, inaaj jutak likūm̧. Bōtaab m̧okta ij tōn kajjitōk ippam̧ jejjo kajjitōk ko, im ikōņaan bwe kwon lukkuun buuļ ļōmņak im uwaake eō ilo m̧ool. Kwoj ke wūjlepeļo̧k n̄an etal n̄an jar aolep Jabōt?
Ikar ba n̄an e, “Aaet, ilo m̧ool inaaj kōm̧m̧ane menņe.”
“wojeļā ke eo aitok in iien jar eo?”
“Aaet, Ijeļā,” Ikar ba.
Liin ba, “Ekwe, n̄e kwopeptaij, inaaj lukkuun lale bwe kwon pād.” Innem ekar kajjitōk ippa eļan̄n̄e ij lukkuun m̧ool n̄an jāmin daak dānin kadōk ak kōbataat.
Ikar uwaak e, “Aaet, ilo m̧ool inaaj ekkeijelļo̧k ippān menņe bar.”
N̄aan eo ekar kakobaba, “N̄e kwopeptaij, inaaj lukkuun lale bwe en̄in ej jekjek eo.” Im ekar wōnm̧aanļo̧k wōt ilo wāween eo ippān eitōn aolepān kien ko.
Eo unlepa ekar ko̧o̧ļe jinō im ba n̄ane n̄an jab inepata, bwe inaaj bōjrak jān menin m̧ōttan jidik. Emān iiō ko tokālik, ke ikar bōk aō kūr n̄an jerbal ilo Uruguay Montevideo Mission, jinō ekar kūr unlepaim kajjitōk ippān lukkuun n̄āāt eo inaaj kar bōjrak jān aolepān men kein. Mool eo ej bwe jān iien eo ikar pepataij, jinō ekar juon m̧am̧a eo eļapļo̧k an mōņōņō.
Ikar itok n̄an jeļā bwe Bok in Mormon eo ekar ļap an aorōk ilo jerbale oktak eo jān jeļā m̧okta kallim̧ūr eo me “juon armej enaaj epaakeļo̧k Anij jān an mour ekkar n̄an katak ko ie.”6
Nipai ekar kōmeļeļeik un eo dilepen Bok in Mormon ilo wāween in:
“Bwe kōmij niknik jerbal n̄an jeje, n̄an karreel būruōn ro nejim, im barāinwōt ro jeiūm̧ im jatūm̧, n̄an tōmak ilo Kraist, im n̄an jepļaaktok n̄an Anij. …
“Im [āindein] jej kōnono kōn Kraist, jej m̧ōņōņō ilo Kraist, jej kwaļo̧k kōn Kraist, jej kanaan kōn Kraist, … bwe ro nejid ren maron̄ jeļā n̄an ia rej maron̄ reiļo̧k n̄an jeorļo̧k jero̧wiwi ko aer.”7
Aolepān Bok in Mormon eobrak kōn ejja un eo ekwojarjar.
Kōn un in, jabdewōt ro rej riit ro rej kallim̧ur in lukkuun m̧ool in ekkatak kake, kōn jetōb in jar, naaj jab ekkatak wōt kōn Kraist ak naaj ekkatak jān Kraist—eļaptata eļan̄n̄e rej kōm̧m̧an kālet “kajjion̄ jelōt ewānōk an naan in Anij.”8 im jab kōwaane ilo jajeļo̧kjeņ kōn wōt jab tōmak9 jān ta eo ro jet rekar ba kōn men ko rekar jan̄in riiti.
Būreejtōn Russell M. Nelson ekar kōļmenļo̧kjeņ : “N̄e ij ļōmņak kōn Bok in Mormon eo, ij ļōmņak kōn naan eo kajoor. M̧ool ko kōn Bok in Mormon elōn̄ ie kajoor n̄an kōmour, kaenōm̧m̧an, kōjepļaaktok, jipan̄, kōkajoorļo̧k, kōjebwebweik, im kam̧ōņōņōik jetōb ko ad.”10
Kūr eo aō ilo rālepen rainin n̄an kajjojo iaad, jekdoon ewi aitokin ad juon uwaan Kabun in, ej n̄an kōtļo̧k kajoor eo an m̧ool ko ilo Bok in Mormon n̄an pukot kōj im atbo̧kwoj kōj bar juon alen, im raan ālikin raan ilo ad tiljek kappukot n̄an revelsōn ko an juon make. Enaaj kōm̧m̧an āindein eļan̄n̄e jenaaj kōtļo̧k e.
Ij lukkuun kam̧ool bwe Bok in Mormon eo elōn̄ ie tarlep in gospel eo an Jisōs Kraist im bwe Jetōb Kwojarjar eo enaaj kalikkar m̧ool eo an iien ālkin iien n̄an aolep ro, elōn̄ ippāer juon bōro em̧ool, ej kappukot jeļāļo̧kjeņ n̄an mour indeeo an jetōb ko aer.11 Ilo etan Jisōs Kraist, Amen.