Oktak ko an Doulul n̄an Kōkajoorļo̧k Jodikdik ro

Āinwōt m̧ōttan kijejeto eo n̄an kōtļo̧k an jodikdik ro an Kabun̄ in n̄an tōpar kwojarjar eo aer eaorōk, oktak kein ilo Doulul eo an Likao ro im Jiron̄ ro kar kōjjeļā ilo Oktoba 2019 kweilo̧k eo eļap jen Būreejtōn Russell M. Nelson (lale peij 38) im kar kōmeļeļe jen Elder Quentin L. Cook jen Doulul eo an Jon̄oulruo Rijilōk ro lale peij 40) im Sister Bonnie H. Cordon, Būreejtōn eo Eutiej an Doulul eo an Jiron̄ ro (lale peij 67).

Oktak kein ej kwaļo̧k bwe juon bisop, “kein kajuon eddo im aorōk tata ej n̄an kea kōn likao im jiron̄ ro ilo ward eo an,” Būreejtōn Nelson eaar ba. Oktak ko ekoba an jako ward būreejtōnji ko an Doulul eo an Likao ro. Bisoprik ro, āinwōt būreejtōnji eo an Priesthood eo an Aron, naaj jipan̄ jen rikakpilōklōk ro an doulul eo im jet rijipan̄. Būreejtōn eo an ward an Doulul eo an Jiron̄ ro naaj kajju ripoot n̄an bisop eo.

Būreejtōnji ko an Doulul im kūlaaj naaj mije jerbal in lo̧mo̧o̧r, ekoba membōr jerbal in mijinede, dāpij ro rekāāl, jerbal in dāpij, tampeļ im jerbal in menmenbwij, im kwaļo̧k gospel eo. Būreejtōn ro an doulul eo an Jodikdik im kūlaaj rej peek im kōjekiik kweilo̧k ko an Jabōt, būrojāāk ko, im m̧akūtkūt ko jet.

Makūtkūt ko an jodikdik ro ejako aer ņaetan “Mutual” ak maron̄ ņaetan “m̧akūtkūt ko an Jiron̄ Ro,” “m̧akūtkūt ko an doulul eo an Likao Ro ” ak “m̧akūtkūt ko an jodikdik ro.” Bajet ko n̄an m̧akūtkūt ko an jodikdik ro rej aikuj in ajeej jokon wōt juon ekkar n̄an kejemooj eo, ekkkar n̄an jete oraņ jodikdik ro ilo kajjojo doulul.

Mato eo an Jiron̄ Ro em̧ōj an oktak, im oraņ kūlaaj ko an Jiron̄ Ro eaikuj in ejaak ekkar n̄an oraņ im aikuj ko an jiron̄ ro. Kūlaaj naaj ņaetaer “Jiron̄ Ro,” ekkar n̄an iiō ko an ro rej pād ilo kūlaaj eo, āinwōt “Jiron̄ Ro 12–14” ak “Jiron̄ Ro” n̄e aolep rej kuk ippān doon. Āt ko “Beehive,” “Mia Maid,” im “Laurel” ban bar kōjerbali.

Juon membōr koonjeļ eo eutiej enaaj jerbal āinwōt būreejtōn an Likao Ro an stake, im Stake būreejtōnji eo an Likao Ro naaj jerbal ilo Stake Priesthood Aron–Jiron̄ Ro Kamiti ippānļo̧k būreejtōnji eo an Jiron̄ Ro, koonjeļ eo eutiej mej kar jitōn̄e n̄an Jiron̄ Ro, im koonjeļ eo eutiej kar jitōn̄e n̄an Būraimere.

Oktak ko jet, Kōrā Ro, Jiron̄ Ro, Likao Ro, Būraimere, im Jabōt Jikuul naaj ān̄inn̄in er “doulul ko” ijeļo̧kin “radik ko” im ritōl ro naaj ān̄inn̄in er “Opija ro Routiej” ilo aolepen Kabun̄ in im āinwōt “stake opija ro” im “ward opija ro” ilo ijo jikier.