Mai te mea ē, ’O ’outou te hō’ē tei hāmani-’ino-hia

E aha te hāmani-’ino-ra’a

Te hāmani-’ino-ra’a, o te ha’apa’o-’ore-ra’a ïa ’aore rā, te rave-’ino-ra’a i te tahi ta’ata (mai te hō’ē tamari’i, te hō’ē ta’ata ru’au, te hō’ē ta’ata huma, ’aore rā, te tahi atu huru ta’ata ) ’e ’ino roa ’oia i te pae o te tino, te pae o te ferurira’a ’aore rā, i te pae ’āpenira’a. Tē pāto’i ra te reira i te mau ha’api’ira’a a te Fa’aora.

« Te ti’ara’a o te ’Ēkālesia, maori rā, e’ita e nehenehe e fāri’i i te mau huru hāmani-’ino-ra’a ato’a » (Buka Arata’i : te tāvinira’a i roto i te ’Ēkālesia a Iesu Mesia i te Feiā Mo’a i te Mau Mahana Hope’a nei [2020], 38.6.2). Tē ’ōfati nei te hāmani-’ino-ra’a i te mau ture a te Atua, ’e e nehenehe ato’a e riro ’ei ’ōfatira’a i te mau ture a te tōtaiete.

Te mau huru ta’a ’ē o te hāmani-’ino-ra’a

Hāmani-’ino-ra’a i te tino : Te peu hāmani ’ino a te hō’ē ta’ata i ni’a i te tahi atu ta’ata o tē fa’atupu i te pēpē i ni’a i te tino.

Hāmani-’ino-ra’a i te pae ’āpeni : Te ‘ohipa ’āpeni, ’aore rā, te tāpe’ape’ara’a hina’aro ore-hia, ’e te feiā overe o tē fa’a’ohipa i te pūai, o tē fa’ari’ari’a, ’aore rā, te rave-’ino-ra’a i te ta’ata ’aita e fāri’i. Te mau huru ’ohipa ’āpeni ato’a i rotopū i te hō’ē ta’ata pa’ari ’e te hō’ē tamari’i, e hāmani-’ino-ra’a te reira, noa atu te fāri’ira’a.

Te hāmani-’ino-ra’a nā roto i te reo ’aore rā, i te pae mānava : E hōho’a teie nō te hō’ē ta’ata e hāmani ’ino i te tahi atu ta’ata nā roto noa i te mau parau teimaha, te fa’ari’ari’ara’a, ’aore rā, te fa’aha’amāra’a. E fa’atupu te reira i te ha’afaufa’a-’ore-ra’a te hō’ē ta’ata iāna iho. Noa atu ē, ’e ’ere te hāmani-’ino-ra’a tino, e fa’a’ino rā teie huru hāmani-’ino-ra’a i te ferurira’a tā’āto’a o te hō’ē ta’ata ’e tōna maita’i i te pae mānava.

Nāhea ’ia fāri’i i te tauturu

Tē tīa’i nei te Fatu ia tātou ’ia rave i te mau mea ato’a e nehenehe ia tātou ’ia rave nō te arai i te hāmani-’ino-ra’a ’e nō te pāruru ’e nō te tauturu i te feiā tei hāmani-’ino-hia. ’Eiaha roa te hō’ē ta’ata ’ia fa’aruru i te peu hāmani-’ino-ra’a. Noa atu ē, nō teie nei te tupura’a ’aore rā, ’ua tupu a’e na, e ’itehia ia ’outou te mau rāve’a nō te tauturu ia ’outou i ni’a i te abuse.ChurchofJesusChrist.org.