Welkam long Namba Ia
Wol ia I Nidim Ol Fetful Woman
Pikja droing we i kam long Toni Oka
Stat long ol fas dei blong Mama Iv, ol woman oli bin plei wan impoten rol blong stap help blong mekem plan blong God blong ol pikinini blong Hem i hapen. Long manis ia, yumi gat janis blong lanem moa abaot sam long ol woman we oli bin ol paeonia long ol eli dei blong Restoresen blong gospel. Eksampol, long pej 16, yumi save rid abaot Jane Manning James mo eksampol blong hem blong gat strong tingting nomata long ol hadtaem. Taem yumi stadi long Doktrin mo Ol Kavenan 25, yumi harem ol toktok blong Lod i go long Ema Smit, we i stap askem hem blong krietem wan koleksen blong ol tabu hym.
Restoresen i gogohed long taem blong yumi, mo wol ia i nidim ol impoten kontribusen blong ol fetful woman naoia bitim oltaem. Long pej 12, yu save ridim olsem wanem yumi we yumi stap olsem Ol Jeneral Ofisa insaed long Jos, i bin luk paoa blong prishud i wok long laef blong yumi. Paoa blong prishud ia, i stap blong tugeta, ol man mo ol woman, i wanem we i letem wok blong God i gohed long wol.
Nomata se yumi man o woman, nomata long yia, kala blong skin, o ol nara situesen, yumi evriwan i ol pikinini blong God we Hem i lavem tumas, wetem tabu fasin blong save mekem moa we Hem i givim long yumi.
Wetem tru hat,
Presiden Joy D. Jones
Praemeri Jeneral Presiden