ʻOku ʻI Heni ʻa e Siasí

Filītauni, Siela Leoné

Ngaahi faitā ʻa Christina Smith

Ko e kolomuʻa ʻo Siela Leoné mo hono kolo lahi taha ko Filītauní, ko ha fonua nofoʻanga ia ki ha kakai ʻoku laka hake ʻi he milioná. Ko e senitā mālohi foki ia ki he Siasí, mo e siteiki ʻe tolu, polokalama semineli mo e ʻinisititiuti, ngaahi senitā hisitōlia fakafāmili ʻe valu pea vavé ni mo ha temipale. Kuo ʻi Siela Leone ʻa e Siasí talu mei he 1988 pea ʻoku ʻi ai ha:

kāingalotu ʻe toko 22,787

ngaahi haʻofanga lotu ʻe 79

misiona ʻe 1

Ngaahi Hoa Ngāue Tuʻunga Tataú

ʻI he kolo ʻi lotofonua ko Kenemá, ʻoku kaungā fō fakataha ai ʻa e palesiteni siteikí, Sonatane Kōpina mo hono uaifí, ʻAmalasi Neka Kōpina. ʻOku pehē ʻe Sonatane, “ʻOkú ma fetokoniʻaki ko ha ongo hoa ngāue tuʻunga tatau. Ko e meʻa ia ʻoku akoʻi mai ʻe he ‘Ko e Fāmilí: Ko ha Fanongonongo ki Māmani’ ke tau fakahokó.”