Nā te mau metua

Te i’oa o te ’Ēkālesia ’e te fare o Ziona

E te mau metua here ē,

E nehenehe ’outou e fa’a’ohipa i te mau parau pāpa’i i muri nei ’e i te mau hōho’a nō te tātara i te ’āparaura’a ’e tō ’outou ’utuāfare, ’e nō te tauturu ia rātou ’ia māramarama i te mau tumu parau faufa’a mai te fa’a’ohipara’a i te i’oa ti’a o te ’Ēkālesia ’e te fare o Ziona.

Te i’oa ti’a o te ’Ēkālesia

E tai’o ’ei ’utuāfare i te tahi mau ’ā’amu nō roto mai i te parau pāpa’i a te peresideni Eyring « nō te mea ’o teie te i’oa e topahia i ni’a i tā’u ’Ēkālesia », ha’amata i te ’api 8. ’A feruri i te hi’o-fa’ahou-ra’a i te a’ora’a a te peresideni Nelson nō ni’a i teie tumu parau i roto i te ’āmuira’a rahi nō ’Ātopa 2018. E mea nāhea ’outou ’e tō ’outou ’utuāfare i te ha’amaita’ira’ahia ’a rave ai ’outou i te mau tauto’ora’a nō te fa’a’ohipa i te i’oa ti’a o te ’Ēkālesia—Te ’Ēkālesia a Iesu Mesia i te Feiā Mo’a i te mau Mahana Hope’a nei ?

Te fare o Ziona

E ani i tā ’outou mau tamari’i, i tō rātou mana’o e aha te aura’a Ziona. I muri iho, e fa’a’ohipa i te parau pāpa’i a Elder Gerrit W. Gong « Fa’ati’a mai ia Ziona » i te ’api 12, nō te tauturu ia rātou ’ia ha’api’i hau atu mai nō ni’a i te aura’a o Ziona i tahito ra ’e i teie mahana. ’A feruri i te ’āparau nō ni’a i te mau rāve’a e nehenehe ai tō ’outou ’utuāfare e tauturu ’ia patu ia Ziona i’ō ’outou ’e i roto i tō ’outou orara’a huira’atira.

Mai, pe’e mai te mau tauturu nō te tuatāpapara’a

Hi’o te ’api 26 nō te mau parau pāpa’i nō ni’a i te mau tumu parau ta’a ’ē i roto i te Mai, pe’e mai nō te pāturu i tā ’outou tuatāpapara’a i Te Parau Ha’api’ira’a ’e te mau Parau Fafau i teie ’āva’e.