Ko e Tupulaki ʻa e Ngaahi Maʻuʻanga Tokoni Hisitōlia Fakafāmilí

ʻOku fakahaaʻi ʻe he tupulaki ʻo e ngaahi maʻuʻanga tokoni ʻo e hisitōlia fakafāmilí mo hono fakaʻaongaʻí, ʻa e toʻukupu takiekina ʻo e ʻEikí ʻi he ngāue mahuʻinga ko ʻeni ʻa e Siasí, pea ʻoku fakahaaʻi ai ʻEne ʻofa kiate kitautolu mo hotau ngaahi fāmilí—ʻi he ongo tafaʻaki fakatouʻosi ʻo e veilí.

1894: Kamata ʻe he Sosaieti Tohihohoko ʻo ʻIutaá (ʻoku ui he taimí ni ko e FamilySearch) hono laipelí ʻaki ha ngaahi tohi ʻe 300. Kuo maʻu ʻe he FamilySearch he taimí ni ʻha ngaahi tohi fakaʻilekitulōnika ʻe 503,000tupu.

1934: Naʻe laka hake e kau mēmipa ʻo e Kautaha Tohi hohoko ʻo ʻIutaá ʻi he toko 6,000 . ʻI he ʻaho ní, ʻoku laka hake ʻi he toko 18.7 miliona ʻa e niʻihi kuo lēsisita ke fakaʻaongaʻiʻa e FamilySearch.org.

1964: Naʻe kamata ai ke fokotuʻu ha ngaahi laipeli tohihohoko ʻi he ngaahi senitā fakasiteikí. ʻOku ʻi ai he taimí ni ha ngaahi senitā hisitōlia fakafāmili ʻe 5,200 tupu ʻi ha ngaahi fonua ʻe 145.

1999: Ko e kamata ʻa e FamilySearch ʻi he ʻinitanetí. ʻOku lava ke maʻu atu he taimí ni ʻi ha lea fakafonua ʻe 30, laka hake he kakai ʻe 150 milioná kuo hū ki he FamilySearch.org ke ʻilo lahi ange ki honau tukufakaholo fakafāmilí.

2010: Tuku atu ai e Fekumi Lekooti foʻou ʻa e FamilySearch.org ʻaki ha ngaahi hingoa ʻe piliona mo ha ngaahi ʻīmisi ʻe laui miliona. ʻOku ʻi ai he taimí ni ha ngaahi hingoa ʻe 8.4 piliona ke fekumi ai mo ha ngaahi ʻata fakaʻilekitulōnika ʻe 4.4 piliona kuo pulusi.

2017: Kamata e fakahū fakamatala ʻoku fakatefito ʻi he ʻInitanetí, hili ia ha taʻu ʻe 11 ʻo e fakahū fakamatala ʻi ha polokalama fakakomipiuta. Talu mei he 2017, kuo kau mai ha kau ngāue tokoni fakahū fakamatala ʻe 800,000 tupu.

2021: Naʻe laka hake ʻi ha kau ngāue hisitōlia fakafāmili loto vekeveke ʻe 1 miliona naʻe kau ʻi he RootsTech Connect.