“Ang Ginoo Mao ang Akong Magbalantay,” Liahona, Ago. 2022.
Dali, Sunod Kanako
Ang Ginoo Mao Ang Akong Magbalantay
Diha sa Iyang Pagbantay, ni Yongsung Kim, sa maayong kabubut-on sa Havenlight
Aron matabangan kita nga masabtan ang Ginoo, gitawag Siya diha sa Salmo 23 og usa ka magbalantay. Sa iyang pakigpulong sa kinatibuk-ang komperensiya nga “Tinuod nga mga Magbalantay sa Karnero,” si Presidente Thomas S. Monson (1927–2018) mihulagway sa usa ka magbalantay nga sa makausa iyang nakita didto sa Germany: “Nakakita ko og magbalantay sa karnero nga dunay gigunitan sa kamot, naggiya sa mga karnero. Ang mga karnero mosunod sila kaniya bisan asa siya moadto. Kon mobalhin siya sa wala, mobalhin sila sa wala. Kon mobalhin siya sa tuo, mosunod sila niana nga direksiyon.”1
Ikonsiderar ang pagbasa sa Salmo 23 aron makit-an ang mga tubag niining mga pangutana:
-
Sa unsang paagi ang Ginoo naggiya kanato?
-
Sa unsang paagi ang Ginoo mipabilin kanato nga luwas?
-
Sa unsang paagi ang Ginoo mihupay kaninyo sa dihang kamo mibati nga daw kamo anaa “sa ngitngit nga walog sa kamatayon”? (Salmo 23:4).
Bisan unsa pa man kalisod ang atong mga pagsulay “kita dunay mananaog, usa ka Manluluwas, nga milatas sa walog sa kamatayon alang kanato.”2