Dali, Sunod Kanako

Salmo 51

Unsa ang Ikatudlo sa Salmo 51 Kanato kabahin sa Paghinulsol?

Unsa ang atong makat-onan kabahin sa paghinulsol pinaagi sa pagtuon sa mga pagpangamuyo ni David diha sa Salmo 51? Siya miangkon sa iyang sala (mga bersikulo 3–4) ug nag-ampo alang sa kalooy (bersikulo 1), makapalimpyo (bersikulo 2), ug “masinugtanon nga espiritu” (bersikulo 10). Siya miila sa kaimportante sa “kasingkasing nga mapaubsanon ug mahinulsolon” (bersikulo 17). Siya nagtinguha sa “[pagtudlo sa] mga makasasala sa mga sugo [sa Ginoo]” (bersikulo 13).

Hunahunaa kini nga importanting mga aspeto sa paghinulsol:

• Hugot nga Pagtuo diha sa Langitnong Amahan ug ni Jesukristo

• Kaguol tungod sa sala

• Pagkumpisal

• Pagbiya sa sala

• Restitusyon

• Matarong nga pagpuyo

Pagpasaylo

“Kon kita maghinulsol, kon kita mokumpisal ug mobiya sa atong mga sala, ang Ginoo nag-ingon nga Siya dili na mahinumdom niini [tan-awa sa Doktrina ug mga Pakigsaad 58:42–43]. Dili ingon nga Siya makalimot; hinoon, sa talagsaong paagi, kini ingon og nagpili Siya nga dili na mohinumdom niini, ni kita kinahanglan.”

Elder Gerrit W. Gong sa Korum sa Napulong Duha ka Apostoles, “Salig Pag-usab,” Liahona, Nob. 2021, 98.

Panaghisgotan

Unsa ang tumong sa paghinulsol? (tan-awa sa Salmo 51:10–12; Gospel Topics, “Repentance,” topics.ChurchofJesusChrist.org).