Dali, Sunod Kanako

Job

Tulo ka Leksiyon gikan ni Job

Mga paghulagway pinaagi nila ni Bryan Beach ug Rachel Howell

Latas sa iyang mga pagsulay, si Job mipabilin nga usa ka ehemplo sa pagsalig sa Dios diha sa pagpailob, ug ang Ginoo miluwas kaniya gikan sa iyang mga pagsulay. Sama sa salmista nga miingon, “Ang among mga katigulangan nagsalig kanimo ug giluwas mo sila” (Salmo 22:4). Ang pagsalig sa Dios nakahatag ni Job og kahupayan gikan sa pag-antos ug paglunsay sa iyang kalag.

Paghinulsol aron Makabaton og usa ka Mas Taas ug Mas Balaan nga Panglantaw

“Human nakahinulsol si Job tungod sa pagtawag sa Dios nga dili makiangayon, gitugotan si Job nga makita ang iyang mga pagsulay sa mas taas ug mas balaan nga paagi.”

Presidente Henry B. Eyring, Unang Magtatambag sa Unang Kapangulohan, “Pagkabalaan ug ang Plano sa Kalipay,” Liahona, Nob. 2019, 102.

Salig sa Dios pinaagi sa Hugot nga Pagtuo

“Ang hugot nga pagtuo nagpasabot nga mosalig sa Dios sa maayo ug sa dautang mga panahon, bisan og naglakip kini sa mga pag-antos hangtod atong makita ang Iyang mga bukton nga ipadayag tungod og alang kanato.”

Elder Jeffrey R. Holland sa Korum sa Napulog Duha ka Apostoles, “Naghulat sa Ginoo,” Liahona, Nob. 2020, 116.

Paglahutay sa Pagpanton

“Ang kasinatian mismo nga makalahutay sa pagpanton makapalimpyo kanato ug makaandam kanato alang sa mas dagko nga espirituhanong mga pribilehiyo.”

Elder D. Todd Christofferson sa Korum sa Napulog Duha ka Apostoles, “Ako Nagabadlong ug Nagapanton sa Akong Gihigugma,” Liahona, Mayo 2011, 97.

Mga Pagsulay ni Job

• Binuhi nga mga kahayopan gipangkawat o nangamatay

• Mga sulugoon nangamatay

• Mga anak nangamatay

• Gitakboyan og hubag-hubag gikan sa ulo hangtod sa kumagko

• Asawa miawhag kaniya sa pagtunglo sa Ginoo

Sa Wala Pa ang mga Pagsulay

• 7 ka anak nga mga lalaki ug 3 ka anak nga mga babaye

• 7,000 ka karnero

• 3,000 ka kamelyo

• 500 ka baka

• 500 ka asno

Human sa mga Pagsulay

• 7 ka anak nga mga lalaki ug 3 ka anak nga mga babaye

• 14,000 ka karnero

• 6,000 ka kamelyo

• 1,000 ka baka

• 1,000 ka asno