« Nāhea vau e nehenehe ai e riro ’ei ’ite nō Iesu Mesia ? », Liahona, Tēnuare 2023.

Mai, pe’e mai

Nāhea vau e nehenehe ai e riro ’ei ’ite nō Iesu Mesia ?

I te fānaura’ahia Iesu Mesia, e rave rahi pupu ta’ata tei ’ite ē, ’o ’oia te Fa’aora i fafauhia mai. Ta’a ’ē noa atu ia Maria ’e ia Iosepha, teie mau ta’ata ’o te mau tīa’i māmoe ïa, ’o Simeona, Anna, ’e i muri iho, te mau ta’ata pa’ari. ’Ua fa’a’ite pāpū rātou i te ti’ara’a hanahana o Iesu Mesia.

Tō tātou mau ’utuāfare ’e mau hoa te tahi ’o te mau ta’ata faufa’a roa a’e tā tātou e nehenehe e fa’a’ite i tō rātou ’itera’a pāpū nō te Fa’aora. « Tē paraparau nei tātou i te Mesia, ’e tē ’oa’oa nei tātou i te Mesia, ’e tē a’o nei tātou i te parau a te Mesia, ’e tē tohu nei ho’i tātou i te Mesia, ’e tē pāpa’i nei ho’i tātou i tā tātou mau tohu, ’ia ’ite tā tātou mau tamari’i i te tumu e hi’ohia atu e rātou nō te matarara’a i tā rātou mau hara » (2 Nephi 25:26).

’Ātivite

’A tai’o e mea nāhea teie mau ’ite i te pāhonora’a i tō rātou ’ite-mātāmua-ra’a ia Iesu Mesia. I muri iho ’a feruri ’ia fa’a’ite i tō ’outou ’itera’a pāpū i tō ’outou ’utuāfare ’aore rā i te tahi mau hoa, ’aore rā ’a pāpa’i i tō ’outou ’itera’a pāpū i roto i tā ’outou buka ’ā’amu.