2023
Te mau ’utuāfare ’e te māramarama o teie nei ao
Tēnuare 2023

« Te mau ’utuāfare ’e te māramarama o teie nei ao », Liahona, Tēnuare 2023.

Nā te mau metua

Te mau ’utuāfare ’e te māramarama o teie nei ao

E ’utuāfare e putuputu ’āmui ’e e ’ata’ata ra

E te mau metua here,

E tuha’a faufa’a rahi te ’utuāfare nō te fa’anahora’a nō te ’oa’oa a te Metua i te ao ra nō tāna mau tamari’i. E nehenehe te mau parau pāpa’i i roto i te ve’a nō teie ’āva’e e tauturu ia ’outou ’ia ha’amaita’i atu ā i te ’āparaura’a i roto i te mau ’utuāfare ma te tauturu i te rātererera’a nā roto i te mau fifi e tupu i roto i tō tātou mau tā’amura’a ’utuāfare. E nehenehe ato’a ’outou e fa’a’ohipa i teie ve’a nō te tauturu ia ’outou ’ia ha’api’i i te mau tamari’i i te tahi mau ha’api’ira’a faufa’a rahi nō roto mai i te Faufa’a ’Āpī.

Te mau ’āparaura’a ’evanelia

’O Iesu Mesia tō tātou māramarama mau

’A fa’a’ite i tō ’outou ’utuāfare i te tahi mau ha’api’ira’a i roto i te parau pāpa’i a te peresideni Ballard i te ’api 4 nō ni’a i te ’ohipa a Iesu Mesia ’ei māramarama o te ao nei. ’Ei ’utuāfare, ’a hāmani i te hō’ē tāpura nō te mau puna huru rau o te māramarama i roto i tō ’outou ’utuāfare ’e ’a ’āparau i te mau mea rau tā te māramarama e rave nō tātou. Nāhea Iesu Mesia i te tauturu ia tātou, i roto i tona tiaraa ’ei puna rahi roa a’e nō te māramarama pae vārua ?

Te ’āparaura’a matara i roto i te mau ’utuāfare

E mea faufa’a ’ia vai ineine i te pae vārua nō te mau tāmatara’a o te orara’a. I te ’api 12, ’a tai’o i te tahi mau a’ora’a nō roto mai i te hō’ē tauturu ea i te pae ferurira’a e nāhea ’ia fāri’i i te mau ’āparaura’a faufa’a rahi ’e te ha’apūai ’e tā ’outou mau tamari’i. E aha i roto i teie mau mana’o ’e te mau mana’o tauturu tā ’outou e nehenehe e fa’a’ohipa ’e tō ’outou iho ’utuāfare ?

Fa’aineine i tō tātou ’ā’au nō te parau

’A tai’o i te parau pāpa’i a te taea’e Camargo i te ’api 38 no ni’a i te parabole nō te ueue huero. Paraparau ’e tō ’outou ’utuāfare e aha te fa’ahōho’ara’a o te mau repo ta’a ’ē i roto i te parabole. E nehenehe te mau tamari’i ’āpī a’e e pāpa’i hōho’a i te mau tao’a i roto i te parabole ’e ’ia paraparau nō ni’a i te reira, ’e e nehenehe te mau tamari’i pa’ari e tai’o i te parabole i roto i te Mareko 4:3–20 ’e e fa’a’ite mai i tō rātou mau mana’o ’aore rā mau uira’a.

Te ’ārearea nō te Mai, pe’e mai i te ’utuāfare

Te ravera’a i te mau mea pa’ari ma te tauturu a te Atua

Mai ia Maria ’e tōna tuahine feti’i o Elisabeta i roto i te Faufa’a ’Āpī (hi’o Luka 1:5–55), i te tahi taime, e anihia ia tātou ’ia rave i te mau mea pa’ari ’e ’ia uiui ē, e nehenehe ānei tātou.

  1. ’A tu’u i te hō’ē fa’ari’i pau, mai te hō’ē pātete ’aore rā hō’ē ’āfata, i te hō’ē hope’a o te piha.

  2. ’A hōro’a i te hō’ē huruhuru i te melo tāta’itahi o te ’utuāfare.

  3. I te tahi a’e pae o te piha mai roto mai i te fa’ari’i, ’a ani i te melo tāta’itahi o te ’utuāfare ’ia tāmata i te tu’u i tā rātou huruhuru i roto i te fa’ari’i ma te pupuhi noa i te reira ’ia vai noa i roto i te aore ’a haere ai rātou nā roto i te piha.

  4. Nō te ha’afifi atu ā i te reira, ’a vaiiho noa e 30 noa tetoni, ’e ’a fa’a’ohipa i te hō’ē ’ote’ote pape nō te pūpuhi i te mata’i i ni’a i te huruhuru. ’A tāmau noa i te fa’atopa i te taime i hōro’ahia ē tae roa atu e’ita te ohipara’a e tupu.

’Āparaura’a : ’A ha’amana’o ē e’ita paha te tahi mau tāmatara’a e tātarahia i roto i teie orara’a, ’a fa’a’ite i te hō’ē ’itera’a o tei ha’apūai i tō ’outou ’itera’a pāpū ē « te mau mea e ’ore e ti’a i te ta’ata nei, e ti’a i te Atua » (Luka 18:27) E aha te mau ta’ahira’a na’ina’i o tā ’outou e nehenehe e rave i te mau mahana ato’a nō te fa’aoti i te mau ’ohipa i roto i tō ’outou orara’a o te ’ore e noa’a i te rave ?