Mai, pe’e mai

Mataio 3 ; Mareko 1 ; Luka 3

Nō te aha te bāpetizora’a e fa’a’itera’a nō te ha’apa’o ?

Tō tātou Fa’aora te hi’ora’a maita’i roa nō te ha’apa’o i te parau a te Metua i te ao ra ma te parau ē : « ’Aore ho’i au i ’imi i tō’u iho hina’aro, ’o te hina’aro rā o te Metua ’o tei tono mai iā’u nei ra » (Ioane 5:30).

’Ua bāpetizohia te Fa’aora nō te fa’a’ite i tōna ha’apa’o maita’i i te Metua i te ao ra. ’Oia ato’a, ’ia fa’a’ite ana’e tātou i tō tātou ha’apa’o nā roto i te bāpetizo-ra’a-hia, e fafau tātou i te Atua ’ia riro ’ei mau pipi itoito ’e te ha’apa’o nā Iesu Mesia. (Hi’o 2 Nephi 31:5–13.)

E ’itehia te hō’ē fa’ahōho’ara’a nō te ha’apa’o o te Fa’aora i roto i te ’ā’amu o tōna bāpetizora’a :

« ’Ua haere maira Iesu i loridana mai Galilea mai ia bāpetizohia ’oia e Ioane.

Fa’a’ore atura rā Ioane iāna nā ’ō atura, ’o vau ho’i tā ’oe e bāpetizo e ti’a ai, ’e tē haere mai na ’oe iā’u nei ?

« ’Ua parau maira Iesu iāna nā ’ō maira, ’A tu’u noa mai na : e nā reira ho’i tātou i te fa’ati’a i te mau parau ti’a ato’a e au ai » (Mataio 3:13–15).

John Baptizing Jesus [Tē bāpetizo ra Ioane ia Iesu], nā Harry Anderson

Fa’a’ī i te vāhi vata

Nāhea ’oe i te fa’a’ī i te fa’ahitira’a parau i muri nei ? Te bāpetizora’a, ’o te _____________. Nō te mau mana’o, hi’o 2 Nephi 31:17–18 ; hi’o ato’a J. Devn Cornish, « The Gate Called Baptism », Liahona, Fepuare 2015, 17.

’Āparaura’a

’Ei ’utuāfare ’aore rā ’o ’outou iho, ’a hi’o fa’ahou i te fafaura’a tā ’outou i rave i te bāpetizora’a (hi’o Mosia 18:8–10 ; Te Ha’api’ira’a Tumu ’e te mau Fafaura’a 20:37). E aha te mau mea tā ’outou e nehenehe e rave nō te ha’apa’o i teie fafaura’a i roto i tō ’outou orara’a i te mau mahana ato’a ?