“ʻE Fakamālohia Fēfē Nai ʻe he Fakahaá ʻEku Fakamoʻoní?,” Liahona, ʻEpeleli 2023.
Haʻu, ʻo Muimui ʻIate Au
ʻE Fakamālohia Fēfē Nai ʻe he Fakahaá ʻEku Fakamoʻoní?
Tā fakatātaaʻi ʻe Paul Mann e fefolofolai ʻa Kalaisi mo Pita
Naʻe fiemaʻu ʻe he kau Fālesí mo e kau Sātusí ke fakahaaʻi ange ʻe Sīsū Kalaisi ha fakaʻilonga, ka naʻa mo e ngaahi mana lahi naʻe fakahoko ʻe Kalaisí naʻe ʻikai feʻunga ia ke liliu ai honau lotó. ʻI he tafaʻaki ʻe tahá, naʻe langa e fakamoʻoni ʻa Pita ki he Fakamoʻuí ʻi he fakahā mei heʻetau Tamai Hēvaní.
Ko e hā ʻokú ke ako fekauʻaki mo e fakahaá mei he ngaahi folofola ko ʻení?
Naʻe akoʻi ʻe Palesiteni Lāsolo M. Nalesoni e founga ke tau kumi ai ki he fakahaá: “Lotu ʻi he huafa ʻo Sīsū Kalaisí fekauʻaki mo hoʻo ngaahi hohaʻá, manavasiʻí, mo ho ngaahi vaivaí—ʻio, ʻa e ngaahi fakaʻānaua ʻo ho lotó. Peá ke fakafanongo leva! Tohi e ngaahi fakakaukau ʻoku haʻu ki ho ʻatamaí. Hiki e ngaahi meʻa ʻokú ke ongoʻí pea fakahoko ʻa e meʻa naʻe ueʻi koe ke ke faí” (“Fakahā maʻá e Siasí, Fakahā ki Heʻetau ʻEtau Moʻuí,” Liahona, Mē 2018, 95).