Haʻu, ʻo Muimui ʻIate Au

Luke 10

Te U Fakaʻaongaʻi Fēfē Hoku Taimí?

Fefolofolai ʻa Sīsū kia Mele mo Māʻatá

Mele Mo Māʻata, tā fakatātā ʻa Harold Copping © Providence Collection / laiseni mei he GoodSalt.com

Naʻe hoko ʻa Māʻata ko ha ākonga mateaki ʻa Kalaisi (vakai, Sione 11:27). ʻI he ʻaʻahi ʻa Sīsū Kalaisi ki he ʻapi ʻo Māʻatá, naʻe ngāue mālohi ʻa Māʻata ke fakapapauʻi naʻe tokangaʻi lelei ʻene kau fakaafé. Naʻe nofo hono tokoua ko Melé ʻi he “vaʻe ʻo Sīsū, ʻo fanongo ki heʻene leá” (Luke 10:39). Hili e lōmekina ʻa Māʻata ʻi he ngāué, naʻe ʻoange ʻe Kalaisi ha fakamanatu angaʻofa ke ne toe tokanga ange ki he meʻa naʻe mahuʻinga taha he taimi ko iá. Naʻe fai ʻe Māʻata ha ngāue lelei, “ka ko e meʻa pē taha ʻoku ʻaongá: pea kuo fili ʻe Mele ʻa e meʻa leleí” (veesi 42).

Hangē ko ia ʻoku fokotuʻu ʻe he tohi lēsoni Haʻu, ʻo Muimui ʻIate Aú, ʻe lava ke poupouʻi kitautolu ʻe he fakamatala ko ʻení ke tau fakafuofuaʻi e founga ʻoku tau fakaʻaongaʻi ai hotau taimí. Ko ha ngaahi fehuʻi ʻeni te ke lava ʻo kamata ʻaki:

1. ʻOku ou hohaʻa nai ʻi heʻeku feinga ke fai ha ngaahi meʻa lelei lahi?

2. ʻOku tekeʻi nai ʻe he ngaahi meʻa lelei ko ʻení ha ngaahi meʻa lelei mo māʻoniʻoni ange?

3. Ko e hā ha ngaahi meʻa fakamafasia te u lava ʻo taʻofi mei heʻeku moʻuí?

4. Ko e hā ha ngaahi meʻa lelei te u lava ʻo tānaki lahi ange ki heʻeku moʻuí?

5. Te u tuku fēfē ha taimi ke fanongo ai ki he Fakamoʻuí?

“ʻOku ʻikai ʻuhinga ha lelei ʻo ha meʻa ko ha ʻuhinga lelei ia ke fai ai ʻa e meʻa ko iá. ʻOku lahi ʻaupito e ngaahi meʻa lelei ʻe lava ke tau faí ʻi he taimi ʻoku tau maʻu ke fakahoko ai kinautolú. ʻOku ʻi ai ha ngaahi meʻa ʻoku mahulu ange ia ʻi he leleí pea ko e ngaahi meʻa ia ʻoku totonu ke tau fuofua tokanga ki aí.

Palesiteni Dallin H. Oaks, Tokoni ʻUluaki ʻi he Kau Palesitenisī ʻUluakí, “Lelei, Lelei Ange, Lelei Taha,” Liahona, Nōvema 2007, 104.