“ʻE Fakahaofi Fēfē Nai Au ʻe he Fakamoʻuí mei he Ngaahi Faingataʻá?” Liahona, ʻAokosi 2023.
Haʻu, ʻo Muimui ʻIate Au
ʻE Fakahaofi Fēfē Nai Au ʻe he Fakamoʻuí mei he Ngaahi Faingataʻá?
Paula mo e Ngatá, © Classic Bible Art Collection / laiseni mei he GoodSalt.com
Lolotonga e tafu ʻe Paula ha afí, “naʻe haʻu mei he mafaná ʻa e ngata fekai, ʻo piki ʻi hono nimá” (Ngāue 28:3). Ka naʻá ne “tupeʻi ʻe ia ʻa e manú ki he afí, pea naʻe ʻikai ongoʻi ʻe ia ha kovi” (veesi 5). ʻOku tau fehangahangai kotoa pē mo e ngaahi faingataʻa, ʻahiʻahi, mo e ngaahi vaivai ʻi he moʻui fakamatelié, pea hangē ko Paulá, ʻi he tui kia Sīsū Kalaisí mo e talangofua ki Heʻene ngaahi fekaú, te tau lava ʻo “tupeʻi” hotau ngaahi ʻahiʻahí pea maʻu ha fiemālie ʻi heʻetau falala ki he mālohi ʻo e ʻOtuá ke fakahaofi kitautolú.
ʻE Founga Fēfē Nai ʻEku Ikunaʻi ʻa e …
Ngaahi Faingataʻá?
“Ko e tui ki he Huhuʻí ko ha tefitoʻi moʻoni ia ʻo e ngāue mo e mālohi. ʻI heʻetau ngāue ʻo fakatatau ki he ngaahi moʻoni ʻo ʻEne ongoongoleleí, ʻoku tāpuekina kitautolu ʻaki ʻa e malava fakalaumālie ke vilitaki atu ʻi he lotolotonga ʻo e ngaahi pole fakamatelié, lolotonga hono tukutaha ʻa e tokangá ʻi he ngaahi fiefia ʻoku foaki mai ʻe he Fakamoʻuí maʻatautolú.”1
Ngaahi ʻahiʻahí?
“Te ke lava ʻo tuʻu maʻu ʻi he taimi ʻoku hoko mai ai ʻa e ngaahi faingataʻa ʻi he moʻuí, koeʻuhí he ʻoku fakavaʻe hoʻo fakamoʻoní mo hoʻo tuí ʻia Sīsū Kalaisi. ʻE tākiekina koe ʻe he tui ko iá ki he fakatomala fakaʻaho mo hono tauhi maʻu pē ʻa e fuakavá. Pea te ke manatuʻi maʻu pē Ia. Pea ʻi he ngaahi faingataʻa ʻo e fehiʻanekiná mo e angakoví, te ke ongoʻi malu pē mo maʻu ha ʻamanaki lelei.”2
Ngaahi vaivaí?
“ʻOku fakaʻatā ʻe hono tauhi ʻetau ngaahi fuakavá ʻa e mālohi ʻo e Fakamoʻuí ke fakamaʻa kitautolu ʻi heʻetau akó ʻo fakafou ʻi heʻetau ngaahi aʻusiá—ʻo tatau ai pē pe ko ha kiʻi fehalaaki siʻi pe lahi. ʻE hapai kitautolu ʻe hotau Huhuʻí ʻi heʻetau toó kapau te tau tafoki kiate Ia.”3