Veika Vakasakiti mai na ika 193 ni Koniferedi Raraba Vakayabaki

A lala tu ga na idabedabe nei Peresitedi Russell M. Nelson ena koniferedi raraba, ia era a rekitaka na lewe ni Lotu na ivakasala kei na ivakadinadina mai vua na nodra parofita yabaki 99 ena iotioti ni soqoni ena iotioti ni gauna ena dua na itukutuku a katoni taumada.

E kaya o Peresitedi Nelson ni mosi e salavata ena mavoa ni dakuna a vakalevutaka cake na nona “vakavinavinakataki Jisu Karisito kei na isolisoli sega ni vakamacalataki rawa ni Nona Veisorovaki.” Ena nona vakayaloqaqataki ira na lewenilotu me ra “vakasamataka na silesitieli,” e wasea o koya na veika sa vulica me baleta na “ituvatuva uasivi sara”:

“Na veika sara ga ena vakavuna na nomu bula vakayago me kena vinaka duadua sa rawa ni tautauvata ena veika me na cakava na nomu bula ena gauna tawamudu me kena e vinaka duadua!”
“Na nomu digidigi nikua ena vakatulewataka e tolu na ka: na vanua o na bula tiko kina ena gauna tawamudu taucoko, na mataqali yago o na tucaketale kina, kei ira o na laki bula tawamudu vata kaya” (tabana e 117).

A vakadinadinataka o Dallin H. Oaks na bula vakacerecerei e waraki ira tu na Yalododonu yalodina (raica na tabana e 26). A vakadinadinataka o Peresitedi Henry B. Eyring na veidusimaki ni Yalo Tabu sa yalataki vei ira na Yalododonu bula kilikili (raica na tabana e 92; raica talega na Elder Stevenson, tabana 42). A wasea vakakina o Peresitedi M. Russell Ballard e dua na ivakadinadina kaukauwa me baleta na Parofita o Josefa Simici ni nona “ilesilesi lagilagi me yaco me parofita ni … itabagauna ni taucoko ni gauna (tabana e 74).

Era vakatavulica o ira era vosa ena koniferedi ni noda digidigi bibi duadua ena bula oqo sa kena usutu na Turaga o Jisu Karisito kei na talairawarawa ki na Nona ivakaro, oka kina na lawa ni ikatini (raica na Peresitedi Nelson kei Elder Andersen, tabana e 117 kei na 32). Era vakavulica talega ni da kunea na marau, veivakabulai, kei na inuinui mai vua na iVakabula ni da toso ki liu ena salatu ni veiyalayalati (raica na Elders Bednar, Godoy, Choi, kei Cook, tabana 6, 16, 46, kei na 82; Baraca Newman, tabana e 36; kei na Sisita Wright, Freeman, kei Runia, tabana e 9, 76, kei na 62) ka “vakaraitaka na noda yalayala ni sakaramede vei Jisu Karisito ka vakai keda ena noda veikacivi ena Lotu, veitokani, veimaliwai, kei na veiqaravi” (Elder Gong, tabana e 111).

Era vakayaloqaqataki ira na lewenilotu na iliuliu ni Lotu me ra ciqoma na “isolisoli ni veivutuni” (Elder Renlund, tabana e 96; raica talega na Peresitedi Eyring kei Elder Uchtdorf, tabana e 92 kei na 86). Era vakatavulica ni Veivakalesuimai sa sovaraka na rarama ena noda “ituvaki vakalou, na noda ivotavota, kei na noda gugumatua” (Elder Soares, tabana e 70; raica talega na Elders Phillips, Giraud-Carrier, kei Sabin, tabana e 49, 114, kei na 56). Ka ra veivakananumi vei ira na Yalododonu Edaidai “ni gadrevi meda vakasoqoni ira vata na Isireli eda gadreva na daukaulotu—me levu cake vei ira era veiqaravi tiko nikua,” vakabibi o ira na veiwatini qase (Elder Rasband, tabana e 52; raica talega na Elder Parrella, tabana e 80).

Ena nona kacivaka na ituvatuva me tara e 20 na valetabu vou, a kaya kina o Peresitedi Nelson, “Na nomu veiqaravi kei na sokalou ena valetabu ena vukei iko mo vakasamataka na silesitieli” (tabana e 117; raica talega na Elders Christofferson kei Esplin, tabana e 19 kei na 108).