iKarua ni iVola ni Vunautaka na Noqu Kosipeli sa Tiko Ena Gauna Oqo

Voleka ni ruasagavulu na yabaki ni oti na kena tabaki na Vunautaka na Noqu Kosipeli: E Dua na iDusidusi ni Veiqaravi ni Kaulotu, sa mai tabaka na Lotu na ikarua ni ivola (ka tiko kina na ivakadewa ni Na iDusidusi ni Kena Wasei na Kosipeli i Jisu Karisito).

A kacivaka o Peresitedi Russell M. Nelson na ikarua ni ivola ena semina ni Lotu me baleti ira na iliuliu vou ni kaulotu ena June. “Na ivola vou oqo e yaco mai ena dua na gauna ni sa veisau vakatotolo sara na vuravura,” e kaya o koya. “E vakaraitaka tiko na vakilai ni vuqa vei ira na veisau oqori. E tiko kina eso na ivakasala uasivi duadua au se qai bau raica me vukei ira na tamata me ra ciqoma na veisureti ni Turaga me ra lako mai Vua.”

Na ivola vou oqo sa umanaki tu kina na nodra ivakavuvuli na iliuliu ni Lotu me tekivu mai na gauna a tabaki kina na imatai ni ivola ena 2004. E salavata kei na iVoladusidusi Raraba vata kei na na lawatu vou tale eso. E oka talega kina na itataqomaki kei na idusidusi ni kena vakayagataki na tekinolaji ena kena wasei na kosipeli.

E kaya na Peresitedi Raraba ni Goneyalewa o Bonnie H. Cordon: “Na ka e totoka o ya ni o ira yadua na Le Tinikarua e tiko na nodra rai ena ka oqo. E ratou sa wilika taucoko na Mataveiliutaki Taumada. Ka sai koya dina oqo na ivola sa biuta tu kina na iVakabula na Nona sitaba.”

Na ikarua ni ivola ni Vunautaka na Noqu Kosipeli sa vakarautaki tu ena Gospel Library app kei na initaneti ena vosa Vakavalagi, Varanise, Potukali, kei na Sipeni. Sa na vakarautaki tu na kena tabaki vakaivola ena mua ni 2023. Sa na vakarautaki tu na veivosa tale eso ena itekivu ni Janueri 2024.