Kacivaka na Lotu na Vakavoui ni Serenilotu

Na Lotu i Jisu Karisito ni Yalododonu Edaidai sa tuvanaka tiko me tavoca na Serenilotu—me baleta na iTikotiko kei na Lotu ena vosa Vakavalagi, Sipeni, Potukali, kei na Varanise ena mua ni 2026, kei na veivosa tale eso mena tarava mai.

Na ivolanisere vou oqo ena tiko kina e rauta e 450 ki na 500 na serenilotu kei na nodra sere na lalai. Ena tabaki tiko ki na 50 na vosa ena 2030. Sa kena ibalebale oqo ni o ira na ivavakoso Yalododonu Edaidai e vuravura raraba era na sokalou ena ivolanisere cokovata ka duavata, e tautauvata na kedra naba ena veivosa e cavuti ena Lotu.

Ena gauna oqo, ena tavoca tiko na Lotu eso na sere vou vakalivaliva ena tekivu ni imatai ni veimama ni 2024. Sa rawa mera vakayagataki vata kei na serenilotu kei na sere ni Lotu sa tabaki oti tu nikua. Oqo era oka kina na sere ivakatagi taleitaki vinaka ni Lotu a buli ni cava na 1985 (me vaka na “Faith in Every Footstep”), na sereivakatagi a kerea mai na veimatalotu tale eso, kei na so vei ira na 17,000 na sere vou era solia mai na lewe ni Lotu. E vuqa, kevaka e sega ni o ira kece, na sere vou oqo ka na tavoci tiko vakatotolo na kena vakalivaliva ena laki semati ki na Serenilotu—me baleta na iTikotiko kei na Lotu.