Stamba Man insaed long Buk blong Momon

Plante yia i pas, ol givhan brata blong mi oli invaetem mi blong stadi gud Buk blong Momon. Taem we oli givim mi invitesen ia, mi luksave se, nomata we mi ridim smosmol long Buk blong Momon evri dei,mi no stap stadi gud long hem.

Oli serem wan promes long mi we i kam long ol toktok blong Presiden Esra Taf Benson: “I gat paoa insaed long Buk blong Momon, we bae i stat blong kam insaed long laef blong yu taem yu statem wan gud stadi long buk ia. Bae yu faenemaot se i gat paoa blong winim ol temtesen … no lisin long giaman toktok … blong stap long smol mo stret rod” (Teachings of Presidents of the Church: Ezra Taft Benson [2014], 141).

Mi akseptem invitesen blong olgeta, mo ol manis we i kam afta mi luk se ol promes blong olgeta i stap kam tru. Hem i jenisim laef blong mi.

Wan mein risen i we Buk blong Momon i givim long yumi paoa long saed blong spirit i blong yumi kam moa kolosap long Jisas Kraes. Long atikol blong Presiden Henry B. Eyring long pej 4, hem i raetem, “Olgeta we oli ridim Buk blong Momon wetem truhat mo laef folem ol tijing blong hem, mo prea blong save trutok bae oli filim Tabu Spirit mo fet mo testemoni blong olgeta bae i kam moa strong long Sevya.

Jisas Kraes i Stamba Man insaed long Buk blong Momon. Olsem mi mo Madison Sinclair i tokbaot long atikol blong mitufala ia, “Jisas Kraes insaed long Buk blong Momon” (pej 10), i gat moa bitim 7000 nem we i tokbaot Jisas Kraes.

Mi save se taem yumi stadi long Kam Folem Mi, long yia ia bae yumi kam moa kolosap long Jisas Kraes.

Wetem lav,

John Hilton III

Profesa blong Relijin Edukesen, Brigham Yang Yunivesiti