“Raet Frikwensi,” Liahona, Jenuware 2024.
Ol Voes blong Ol Lata–dei Sent
Raet Frikwensi
Mi no bin andastanem from wanem paelot ia we i lus i no bin toktok wetem mifala.
Pikja i kam long Roger Motzkusart
Wan aftenun long taem blong intensip blong mi olsem wan man blong kontrolem ea trafik long eapot long Tijuana, Meksiko, instrakta blong mi mo mi i luk se wan hip blong tik klaod blong solwota i kavremap eapot mo wan wan bigfala pat blong siti. Nomata se blong lukluk gud i stap long limit blong ol plen we oli flae i save go daon mo girap blong go.
Kwiktaem, mitufala i luk long rada wan Sesna 172 i stap kam long saot wetem kos, we i stap flae long rod blong luk ol rul blong plen. (LRP) Andanit LRP paelot olgetawan oli stap luk wetem ol refrens poen long graon blong kasem ples we oli stap go long hem.
Sore tumas, paelot i bin lus long tik klaod. I stap flae raon long sekol raon long ol eria kolosap long solwota, hem i traem blong putum hemwan long rilesen blong eapot be ae blong hem i no save luk nomo. Mi askem instrakta blong mi wanem mitufala i save mekem blong helpem hem.
Hem i ansa “hem i nid blong tanem i go long taoa eaban frikwensi mo toktok wetem yumitu” “Spos no yumitu no save mekem eni samting blong helpem hem”
Mi no bin andastanem from wanem paelot ia we i lus i no bin toktok wetem mifala. ?I gat problem wetem redio blong hem? ?Hem i filim se hem i save kamaot long denja hemwan?
Sam minit i pas. Nao ia, paelot i onem taoa frikwensi. Wetem wan voes we i wari, hem i askem help. Kwiktaem mitufala i givim daereksen long hem blong lidim hem sef i go daon long eapot fil. Hem i mas trastem ol instraksen blong mifala mo ol tul blong flaet blong hem.
Blong stap luk plen i kamdaon tru long tik klaod sam minit afta mo i go daon sef i givim mifala bigfala glad.
Taem hem i stap gobak hom, mi stap tingting hevi long wanem paelot i bin eksperiensem. I singaotem mifala long stret eaban frikwensi i mekem defren bitwin stap kasem help o stap flae long sekol—o nogud.
Olsem paelot ia, mi kam lus sam taem long “wan klaod blong tudak” (1 Nifae 8:23). Taem mi nidim gaed blong God, Hem i gat fasin blong wet long taem blong harem voes blong mi.
Olsem we mi save luk ples we i lus long rada, Papa long Heven i luk yumi mo ol jalenj blong yumi. Mi talem tangkyu Hem i givim gaed long yumi. Hem i givim help tru long prea, ol skripja, ol profet we i laef mo presen blong Tabu Spirit. Bae Hem i lidim yumi aot long denja long saed blong bodi mo spirit sapos yumi tanem yumi i go long raet frikwensi, rikwestem gaed mo lisin long voes blong Hem.