?Mi Stap Tanem Mi i Go long Lod Faswan?

Yumi save aot long 1 Nifae 2:16 se taem Nifae i fesem ol hadtaem, hem i tanem hem i go long Lod mo Lod i mekem hat blong hem i sofsof. Long wan saed, taem Leman mo Lemyul i fesem hadtaem, tufala i raorao wetem wanwan long tufala mo dipen long brata blong tufala Nifae blong kasem ansa nomata se blong dipen long Lod (luk long 1 Nifae 15:8–9).

Leman mo Lemyul i soem wan paten blong wanem i save hapen taem yumi dipen long ol narawan blong kasem trutok be i no blong stap tanem i go long Lod. Nifae i kam strong long saed blong spirit mo stap fetful long God truaot long laef blong hem, be Leman mo Lemyul i sakemaot ol tijing blong Lod we papa blong tufala i bin tijim. Nomata se Nifae i wan ones disaepol, iven hem i save se hem i no riplesem wan blong stap lukaotem trutok stret i go long Lod (luk long 1 Nifae 15:6–11).

Taem yu luklukgud dipen blong yu long Lod fesem nara pipol, ?ol wanem joes nao yu yu semmak wetem?

Ol Risos blong Wol	Ol Risos blong Gospel
Plante taem mi foget blong tingting hevi mo luklukbak long wanem oli tijim long taem blong jeneral konfrens.	Oltaem mi stadi long ol toktok blong jeneral konfrens blong kipim ol toktok i fres long maen blong mi.
Taem mi gat ol kwestin, mi jekem sosol media o ol fevret podkas blong mi blong faenem ol ansa.	Taem mi gat ol kwestin, mi lukaotem help long ol skripja o ol toktok blong ol profet blong tedei.
Plante taem mi foget blong prea mo stadi ol skripja.	Prea mo skripja stadi i wan oltaem pat blong laef blong mi.
Nara pipol oli gat moa gud advaes long ol Jos lida o ol skripja.	Mi faenem pis taem mi lisin long ol toktok blong ol lida blong Jos mo ol skripja.
Ol tingting blong ol nara man i gat valiu long mi moa long ol tijing blong gospel.	I gat valiu long ol tijing blong gospel mo insperesen blong Tabu Spirit long mi.