“Mi mi wan ‘Man blong Draon’ o wan ‘Man blong Daeva’?,” Liahona, Jenuware 2024.
Kam Folem Mi
?Mi Mi wan “Man blong Draon” o wan “Man blong Daeva”?
Long drim blong Lihae abaot tri blong laef (luk long 1 Nifae 8), ? from wanem yu ting se sam pipol i lego tri mo sam oli stap long saed blong tri blong tekem mo kakae frut? Sam long ol pipol we oli tekem mo kakae frut oli foldaon, oli sem long bigfala grup blong ol pipol we oli stap insaed long bigfala spes blong bilding mo oli stap jik. Wan ki we i defren bitwin ol grup ia i mas go wetem wanem oli stap mekem bifo oli kasem ples ia: olsem wanem oli holem taet aean rel—tok blong God.
Stap Hang o Stap Holem Taet
Lihae i luk olgeta we oli stap “gohed strong … oli hang long aean rel” mo olgeta we oli “gohed stret i go fored oli stap holem taet aean rel oltaem” (1 Nifae 8:24, 30; oli ademap long italik).
Elda David A. Bednar blong Kworom blong Olgeta Twelef Aposol i tekem not se tri grup oli bin stat long rod be tu grup nomo i hang long aean rel:
“[Nambatu grup] oli gat blesing tu blong rod blong aean rel, mo oli bin hang long hem! … Stap hang long rod blong rel long mi i minim ‘hariap’ blong stadi o samtaem draon be i no oltaem, stap gogohed blong tekempat long tok blong God. …
“Nambatri grup tu i bin gogohed wetem fet mo strong tingting; be, oli no tokbaot se oli bin aot long rod. … Maet nambatri grup blong ol pipol ia, oltaem oli stap ridim, mo stap stadi, mo stap luklukgud insaed long ol skripja. … Grup ia nao, yu mo mi i mas traehad blong joenem.”1
?Yumi “ol man blong draon” o “ol man blong daeva” taem i kam long taem blong stap eksperiens long toktok blong God? Nomata se tugeta man blong draon mo man blong daeva i wetwet, man blong daeva i pat moa mo oltaem gat eksperiens we i save karem glad ia we i gogohed.