Stap Kam wan Witnes

Moronae i stap soem long Meri Witma ol buk we oli wokem long gol

Long spring blong 1829, Meri mo Pita Witma i welkamem Josef mo Ema Smit mo Oliva Kaodri insaed long hom blong olgeta blong mekem se translesen blong buk we oli wokem long gol i save finis. Taem blong wari blong Mary i bigwan. Hem i lukaotem naen pipol insaed long haos blong hemwan mo helpem ol pikinini blong hem we oli mared finis we oli stap kolosap.

Faef pikinini boe mo tugeta (we bae i kam ) palika boe blong hem oli kam ol witnes blong buk we oli wokem long gol long Jun 1829. Long semmak manis, Mary i kasem wan witnes blong hemwan.

Aotsaed long haos blong hem, wan man we ea blong hem i grei wetem basket biaen long solda i kam kolosap long Mary mo talem, “Nem blong mi Moronae” Yu kam taet tumas wetem evri ekstra wok we yu mas mekem.” Moronae i gohed i karemaot basket long solda blong hem, “Yu bin fetful tumas mo wok had long ol wok blong yu. Hem i stret, naoia se bae yu kasem wan witnes blong fet blong yu i save kam moa strong.” Afta hem i soem ol samting we i stap insaed long basket blong hem—buk we oli wokem long gol.¹

Mary i kam wan witnes blong buk we oli wokem long gol olsem Ol Trifala Witnes mo Ol Eit Witnes we testemoni blong olgeta i stap long fas pej blong Buk blong Momon. Fasin blong putum tingting i stap daon mo wok had i mekem hem i rere blong kam wan witnes. Testemoni blong hem oli no raetem long ol fas pej blong Buk blong Momon mo nem blong hem i no stap long ol buk, hedston, o plante Sent we oli kam afta long hem i save abaot hem (Mary). Nomata se ol wok blong hem evri dei long hom mo famli blong hem plante oli no teknot long hem, be God i save olgeta.

Elda Dieter F. Uchtdorf blong Kworom blong olgeta Twelef Aposol i tijim:

“Lod i mekem jajmen i defren long wei we yumi mekem.” Hem i glad wetem wokman we i gud, be i no hem we i stap wok blong hemwan.

“Olgeta we oli putum tingting i stap daon long laef ia bae oli putum hat blong king blong glori long nekis laef.”²

Rekod blong Moronae nao ia oli transletem insaed long Buk blong Momon mo yumi save kasem wan witnes blong trutok blong hem folem promes we Moronae i livim insaed long ol faenol pej blong hem: “Mo taem we bae yufala i kasem ol samting ia, mi wantem askem strong long yufala se bae yufala i askem God, Papa we i no Save Finis, long nem blong Kraes, sapos ol samting ia oli no tru; mo sapos bae yufala i askem wetem wan tru hat, wetem wan tru tingting blong wantem save, wetem fet long Kraes, bae hem i soemaot trutok blong ol samting ia long yufala, tru long paoa blong Tabu Spirit.” (Moronae 10:4).

?Yu yu eva filim olsem ol hevi samting blong yu oli bigwan be afta se ol efot blong yu oli no luksave? Papa long Heven i save yu mo Hem i save gudfala samting we yu mekem. Taem yu go mo stap mekem gudfala (luk Ol Wok 10:38), seves we oli no pem yu from mo stap lukaotem ol skripja, Tabu Spirit i save konfemem trutok blong gospel long yu.

Ol pikinini blong Meri mo Pita Witma Senia

Kristian Witma	Jekob Witma	Jon Witma	Deved Witma	Katrin Witma (Pej)	Pita Witma	Elisabet An Witma (Kaodri)
Wan long ol Eit Witnes	Wan long ol Eit Witnes	Wan long ol Eit Witnes	Wan long ol Tri Witnes	I maredem Haeram Pej, wan long ol Eit Witnes	Wan long ol Eit Witnes	I maredem Oliva Kaodri, wan long ol Tri Witnes