“Stap Faenem Evri Samting tru long Jisas Kraes” Liahona, Jenuware 2024.
Stap Kam Olfala long Wan Fetful Wei
Stap Faenem Evri Samting tru long Jisas Kraes
Wetem niu fridom, ol janis mo naes wokbaot we oli kam taem we yu gat wan emti nes,?from wanem mi no filim se mi gat sakses? ?Wanem ia i nogat?
Pikja droing i kam long Dilleen Marsh
Wota blong ae i ron taem mi prea from pis taem lasbon boe blong mi i fulumap misinari aplikesen blong hem. Mi wantem tumas blong hem i go long wan misin. Mi bin mekem. Mi gohed blong stap traem blong winim tingting blong miwan abaot hemia.
Mi lavem Sevya blong mi mo mi glad tumas long janis blong boe blong mi blong serem glad we yumi save faenem tru long Jisas Kraes. Be insaed long hat blong mi, mi fraet blong hem i go. Mi bin save se bae hem i nomo save kam hom tru bakegen afta long misin blong hem. Iven sapos hem i stap long hom, bae i nomo semmak.
Ol fren blong mi oli talem long mi abaot gudfala taem blong emti nes. Hasban blong mi mo mi i glad tumas mo stap luk fored long fridom mo ol janis we mitufala i no bin gat blong long taem, taem mitufala i stap lukaotem ol pikinini blong mitufala.
Wetem niu fridom ia we mitufala i faenem, miwan mi tekpat long plante aktiviti. Mi travel wetem hasban blong mi, lanem blong plei piano from koling blong mi, pleplei wetem ol bubu blong mi mo mekem tempol mo famli histri wok.
Mi faenem glad mo naes wokbaot. Mi faenem miwan mi stap kam gud. Mi faenem plante naesfala samting.
Be oltaem i gat wan samting i no gat. Wan samting i no gat ia yet. Taem boe blong mi i aot, hem i karem wan bigfala pis blong hat blong mi we mi no save fulumap.
Wan yia i pas afta we boe blong mi i go, mi gat wan sik blong no save kontrolem tingting wetem evri sik blong no save kontrolem tingting we ol pikinini blong mi i bin gat taem oli smol. Hasban blong mi i lukluk long mi mo talem, “Michelle, yu nid blong givim seves” Mi putum nem blong mi long wan janis blong givim seves.
yet hat blong mi i harem nogud. Mi gat wan hadtaem blong putum miwan long seves o eni narafala wok we i stap. Wetem evri pikinini blong mi we oli go, mi filim olsem se laef blong mi bae i nomo semmak fulwan bakegen.
Wan naet taem mi prea from help, Spirit i talem long mi se mi stap eksperiensem fasin blong stap emti we i kam long fasin blong lus—lus blong stamba tingting. Mi ting se mi stap fesem fasin blong sore ia taem mi stap fulumap laef blong mi wetem evri gudfala aktiviti ia.
Stap Lukaotem Ol Ansa
Taem mi lukaotem ol ansa, mi faenem toktok ia we i kam long Profet Josef Smit Histri: “Taem yumi lusum [wan samting o wan] we yumi putum hat blong yumi long olgeta bae i kam wan atensen long yumi. … Ol harem nogud blong yumi i mas go long God mo wok blong Hem moa long olgeta we yumi gat.”1
Wan pis blong laet i karemaot tudak we i stap long hat blong mi. Mi traem blong fulumap bigfala hol blong sore wetem ol samting, aktiviti mo eksperiens—stap givim seves,stap lavem, stap kam antap long ol talen. Evri gud samting, be oli no bin fulumap emti spes blong mi. Oli no bin hilim long wei we mi nidim hiling.
Mi luksave se pis ia mo blong kasem hemia i save kam nomo tru long Sevya blong yumi Jisas Kraes. Jisas i talem: “Mi nao rod ya, mo mi mi stamba blong trutok, mo mi stamba blong laef.”(Jon 14:6 Hem i tru long Hem nomo we yumi save faenem glad mo evri samting mo pis mo sakses. Sam 16:11 i talem, “Yu bambae yu soem rod ya long mi we i blong go kasem laef: Nao taem mi mi stap wetem yu, bambae mi harem we mi glad tumas, tingting blong mi bambae i glad oltaem nomo.”
Olsem Wanem Mi Jenis
Laef i no jenis kwiktaem. Hat blong mi i no bin hil kwiktaem. Be mi save wea nao lukluk blong mi i mas stap nomo long hem blong i hapen.
Ol prea blong mi i jenis. Mi stat askem Papa long Heven blong helpem mi bildim wan moa strong rilesensip wetem Sevya blong mi. Taem bae mi harem nogud, bae mi save tingbaot miwan se Jisas Kraes i stap ia from mi mo tru long bigfala sore blong paoa blong atonmen bae Hem i helpem mi. Skripja stadi blong mi i lukluk moa long stap bildim wan rilesensip wetem hem. I tekem taem, be mi gohed blong kontrolem ol harem nogud blong filing blong mi, paoa blong mi mo ol tingting blong mi i go long Jisas Kraes.
Taem mi mekem, tudak ia we i hevi i stat blong gowe. Mi faenem bigfala glad long ol smosmol aksen blong seves mo lav evri dei. Laet mo hop i givim laet long rod blong mi mo fulumap fasin blong emti insaed long hat blong mi. Stap putum Sevya i kam faswan i givim dip mining mo glad long evri saed blong laef blong mi, blong stap givim seves i go long spenem taem wetem famli, stap travel i go long stap developem ol talen blong mi. Wetem Kraes long medel evri samting oli kam moa rij.
Rod blong ol taem blong jenis blong evriwan oli no semmak. Be i nomata, blong faenem ansa blong ol harem nogud blong yumi i blong ansa bak long singaot blong Kraes taem Hem i talem se, “kam long mi wetem ful tingting blong hat, mo bae mi akseptem yu” (3 Nifae 6:32). Hem i tru long Hem we yumi save faenem tru hiling, pis, lav mo glad.
Hem we i raet i stap long Yuta, YSA.