“?Wanem i Mekem Ol Skripja ‘i Spesel’?,” Liahona, Jenuware 2024.
Kam Folem Mi
?Wanem i Mekem Ol Skripja “i Spesel”?
Ol skripja “oli spesel” (1 Nifae 5:21) long famli blong Lihae. Oli impoten tumas mekem se Lod i givim oda long ol boe blong Lihae blong go bak long Jerusalem blong karem buk ia we oli wokem wetem gol (luk long 1 Nifae 3:2–5), wan wok we i putum laef blong olgeta long denja. Ol skripja (speseli Buk blong Momon) oli impoten tu long yumi tedei. ?Yu bin tingting long hem se i from wanem?
|
?Wanem nao buk we oli wokem long gol i givim long famli blong Lihae? |
?Wanem nao Buk blong Momon i givim long yumi tedei? |
|
Ol toktok blong ol profet (1 Nifae 3:20) |
Wan fandesen blong wan testemoni blong Josef Smit, Restoresen mo ol profet we oli stap laef (fas pej blong Buk blong Momon) |
|
Wan histri blong Kriesen mo Adam mo Iv (1 Nifae 5:11) |
I talem moa abaot doktrin blong plan blong fasin blong sevem man (2 Nifae 2; Alma 12; 34) |
|
Ol loa blong Moses (1 Nifae 4:15–16) mo ol nara komanmen (1 Nifae 5:21) |
Doktrin blong Kraes mo ol nara komanmen (2 Nifae 31; 3 Nifae 11; 27) |
|
Wan rekod blong ol man Jiu mo witnes blong olgeta abaot Kraes (1 Nifae 5:12) |
Oli ademap ol witnes blong Kraes abaot “nara sipsip” blong Hem (3 Nifae 15:21–24) |
|
Wan rekod we i kipim lanwis blong ol papa blong olgeta (1 Nifae 3:19) mo laen blong olgeta (1 Nifae 5:14) |
Wan rekod we i save helpem yumi blong karem tugeta ol Isrel we oli bin lus (3 Nifae 21:6–7) |