“Mesej blong mi we i kam long Lod,” Liahona, Jenuware. 2024.
Ol Eksampol blong Fet
Mesej blong mi we i kam long Lod.
Mi lanem se ol tijing long Buk blong Momon i wan gud we blong faenem testemoni blong hem.
Foto i kam long Leslie Nilsson.
Long 1993, tri dei afta we mi muv i go long Pololwane, long not Saot Afrika, oli noknok long doa blong mi. Taem mi openem doa, i gat tu misinari blong Jos Ia blong Jisas Kraes blong Ol Lata Dei Sent i stanap long doa blong mi.
Mi groap wetem relijin, mo famli blong mi oltaem wonem mi blong mi stap longwe long ol misinari. Be oli naes tumas mo glad blong tokbaot relijin wetem olgeta, mekem se mi invaetem olgeta blong kam insaed.
Afta long naesfala visit, oli talem long mi, “?Mifala save givim long Buk blong Momon?”
Mi talem long olgeta, “Wet smol taem.” “Mi ting se mi gat wan.”
Taem mi soem kopi blong mi long olgeta, oli sek. Mi eksplenem long olgeta se long hom siti blong mi Cape Town plante yia i pas, ol misinari givim mi Buk blong Momon long wan taem we oli stap soem ol samting. Mi holemtaet, mo wanwan taem mi stap ridim.
Afta long visit blong olgeta, mi invaetem olgeta blong kambak. Mi bin groap long wan defren jos, be step papa blong mi i wan minista long jos ia. Tingting ia blong baptaes i kam bakegen olsem wan rod we blokem mi blong mi konvet. Be, mi stat blong go long jos long wan smol branj. Afta wan yia haf, branj presiden i singaotem mi go long ofis blong hem.
Mifala I Wantem Yu blong Gat wan Testemoni”
Branj Presiden i talem: “ David mi wantem givim yu wan jalenj. “Mifala wantem tumas blong yu kasem wan testemoni blong Buk blong Momon. Mi filim se yu save mekem sapos yu tijim Gospel Doktrin. Yu tij long wan yunivesiti, mo yu no fraet blong stanap long fored blong ol pipol.”
Tedei ol tija oli mas ol memba blong Jos.1 Be bifo, branj presiden i kasem insperesen blong askem mi blong mi tij. Mi glad from hemia.
“OK,” Mi talem.
Evri Satedei naet bae mi stadi gud lesen blong mekem se mi andastanem gud, save gud, mo mekem i go wetem Buk blong Momon. Long mi, tijim buk ia i wan gud wei blong faenem testemoni blong hem
Wan Sandei, afta we mi bin tij blong wan yia, misin presiden blong Pretoria i kam blong wan konfrens mo i kam long Sandei Skul klas blong mi.
“Tangkyu Brata Baxter,” afta hem i talem. “Hemia i wan naes lesen. ?Yu, yu blong wea?”
Taem mi talem long hem se mi blong Cape Town, hem i askem mi wanem wod mi stap go long hem.
“Mi talem long hem mi go long eni wod.”
“?Yu minim olsem wanem?” hem i askem.
“?Mi mi wanem we yufala i tokbaot olsem wan Jentael?” Mi talem. “Mi mi no wan memba blong Jos.”
Fes blong hem i waet mo i ron i go long branj presiden.
Misin presiden i askem hem, “?Yu gat wan we i no memba blong jos i tijim olgeta skripja?”
“?Wanem hem no mekem i gud?”
“No.”
?Hem i tij wetem insperesen?
“!Yes!”
“Hem i tijim tru doktrin?”
“!Yes!”
Oli letem mi blong go hed blong tij. Sam manis afta, mi go blong visitim famli blong mi long Cape Town blong Krismes holidei. Taem mi stap longwe, mama blong mi talem long mi se bae hem i lego jos blong hem afta we step papa blong mi i ded. Long sem taem ia nomo, Lod i helpem mi i filim i fri long ol filing blong harem nogud blong mi from we mi stap tru long mama blong mi mo long jos mo groap long hem.
Taem mi gobak hom, mi ringim branj presiden.
Mi talem long hem, “Mi wantem baptaes tumoro.”
“?David yu talem tru?”
“Yes,” mi talem. “Mi bin kasem wan mesej long Lod.”
“Mi Gat Wan Samting blong Givim long Yu”
Taem mi talem long stret papa blong mi se mi kam wan memba blong Jos Ia blong Jisas Kraes blong Ol Lata Dei Sent, mi no kasem nomo from wanem hem i no kros.
Hem i talem, “bae mi talem long yu abaot histri blong mi.”
Papa blong mi we i neva tokbaot relijin, hem i talem long mi se olsem wan yang man, hem i bin go long wan Jos Cumorah Wod long Cape Taon. Hem i bin plei long wan wod basket bol tim Hem i bin mekem fulap fren wetem ol Lata-Dei Sent. Wan long ol bes fren blong hem we i wan misinari, we afta long misin blong hem oli kilim hem long Vietnam.
Sapos papa blong mi i no lusum fren blong hemia, mi ting se bae hem i joenem Jos. Laef blong hem bae i wan defren stori. Sam yia afta, hem i gat bigfala respek blong ol Lata-dei Sent. Hem i no bin praktisim relijin, be hem i sapotem desisen blong mi blong joenem jos.
Sam manis i pas afta we step papa blong mi i lus, mi talem long mama blong mi abaot baptaes blong mi. Be hem i no go olsem we mi wantem. Taem we mi bin go long Netherlands blong visitim Daj famli memba long saed blong mama blong mi, mi serem konvesen stori blong mi wetem olgeta. Hemia mi bin lanem wan narafala famli koneksen long Jos.
Long taem blong visit blong mi anggel blong i kam long mi. “Mi gat wan spesel samting blong givim long yu,” hem i talem. Hem i givim mi fas kopi blong Buk blong Momon long Daj, we oli pablisim long 1890.
“Hem i blong famli blong yumi long taem finis i kam,” hem i talem. Mi wantem yu blong karem.”
Be tufala famli koneksen ia we i go long Jos i givim mi kamfot. Tedei, Buk blong Momon long Daj i kam wan tresa blong mi. Hem i rimaenem mi long ol fas misinari we oli kam visitim mi. I rimaenem mi olsem wanem ol tijing blong Buk blong Momon i pat blong konvesen blong mi. I rimaenem mi long respek blong papa blong mi long Jos mo se sam long ol bubu blong mi akseptem gospel ia we i kambak.
I rimaenem mi se Buk blong Momon i gat paoa blong winim tugeta “Mo tu, blong winim tingting blong ol Jiu mo Jentael se Jisas hem i Kraes, God we I no Save Finis, we i soemaot hemwan long evri kantri.”2