“Lukaotem Gud mo Bae Yu Faenem,” Liahona, Jenuware 2024.
Lukaotem Gud mo Bae Yu Faenem
Lod i soem olsem wanem blong yumi save lukaotem trutok mo daereksen long laef blong yumi.
Taem we waef blong mi, Regina mo mi i kambak long hom long Brasil afta blong givim seves long Angola Luanda Misin long 2016 kasem 2019, mitufala i gat wan impoten desisen blong mekem. Mitufala i bin salem haos blong mitufala bifo long misin blong mitufala. Afta wan yia we mitufala i kambak long hom, mitufala i mas jusum se blong pem wan haos o rentem wan haos. ?Olsem wanem nao bae mitufala i jusum wanem we i stret blong mitufala?
Ol kaen desisen olsem i wan long ol plante wok, ol aktiviti, mo ol wari blong evri dei long laef we i kam long yumi evriwan. Samtaem, oli save mekem yumi stap longwe long ol gudfala blesing mo janis we gospel ia blong Jisas Kraes we i kambak nomo i givim long yumi. Long medel blong plante komitmen mo responsabiliti, i save kam wan jalenj blong save wanem i tru mo wanem rod yumi sud tekem. Hemia i save mekem yumi i filim ol samting ia oli tumas.
Wetem tangkyu, Papa long Heven i no lego yumiwan blong yumi faenem aot wanem i tru o wanem yumi mas mekem.
Stamba blong evri trutok
Bifo Hem i lego wol ia, Sevya blong yumi, Jisas Kraes i promesem ol disaepol blong Hem se Papa bae i sendem Kamfota , o Tabu Spirit blong blesem olgeta. Jisas i talem, Kamfota: “bae i save tijim yufala long evri samting, mo bae hem i save mekem yufala i tingbaot olgeta samting ya bakegen” (John 14:26).
Stamba wok blong Tabu Spirit i blong soemaot trutok (luk long Mosaea 16:13). Papa blong yumi long Heven i stamba blong soemaot evri trutok, nomata we i kamtru long ol profet, ol sia, mo ol reveleta o long yumi wanwan tru long Tabu Spirit. Taem yumi traehad blong gat kompanionsip blong Tabu Spirit, Papa blong yumi long Heven bae i lidim yumi i gotru iven long ol hadtaem we oli strong.
Askem, Lukaotem, mo Noknok
From Papa blong yumi long Heven i wantem blong givim insperesen, tijim, givim instraksen, mo bildimap yumi, oli invaetem yumi blong: “Sapos yufala i wantem samting, yufala i mas askem, mo yufala i mas … lukaot, nao bambae yufala i faenem, mo yufala i mas kilkilim doa, nao bambae doa i save open ” (Matiu 7:7).; luk tu long Luk 11:9; 3 Nifae 14:7).
Taem Nifae, i bin harem ol toktok blong papa blong hem, long saed blong visen blong tri blong laef, Nifae i talem … mi bin wantem tu se bae mi save luk, mo harem, mo save long ol samting ia, tru long paoa blong Tabu Spirit.”(1 Nifae 10:17).
Blong lukaotem trutok i nidim blong wok strong. Taem yumi wok strong, yumi traehad oltaem, wetem tru tingting blong save trutok mo wanem Lod i wantem long ol laef blong yumi. Wok strong blong faenem trutok long Lod bae i mekem yumi kam moa kolosap long Hem long evri pat long laef blong yumi.
Profet Josef Smit i lanem eli long laef blong hem se wan long ol wei we i wok gud blong faenem wei blong faenem trutok i blong lukaotem gud ol ansa blong ol kwestin (luk long Josef Smit—Histri 1:10, 18). Bae yumi save askem ol kwestin ia taem yumi stap lukaotem trutok. Ol ansa oli givim wan paten blong yumi save folem blong kam blong save trutok.
?Huia Nao Bae Yumi Tanem Yumi i Go long hem from Trutok?
Long en blong Buk blong Momon, profet Moronae i invaetem yumi evriwan blong askem God wetem wan tru hat, wetem tru tingting mo fet long Jisas Kraes, “sapos ol samting ia i no tru.” Moronae i testifae se God “bae i soem trutok blong [Buk blong Momon] long yu tru long paoa blong Tabu Spirit. “Mo tru long paoa blong Tabu Spirit, yufala i save gat save long saed blong trutok blong evri samting” (Moronae 10:4–5
God, Papa blong yumi We I No Save Finis, i bin putum wan wei blong ol pikinini blong Hem oli save askem Hem (luk long Jemes 1:5) mo kam moa kolosap long Hem evri dei, evri aoa—iven long evri taem. Hem i simpol yet hem i gat paoa we hem i blong prea.
Ol tijing blong Alma i go long boe blong hem Hileman i kam fulwan tu long yumi: “Askem long God blong givim evri sapot long yu.” “Letem evri wok blong yu mo eni ples we yu go, letem evri tingting blong yu i go long Lod; yes, letem ol filing blong hat blong yu i stap long Lod blong oltaem.”(Alma 37:36) Alma i tijim: “Askem advaes long Lod long evri wok blong yu, mo bae hem i lidim yu blong gud (Alma 37:37). Yumi no nidim wan stret taem o ples blong prea. Iven we oltaem yumi no save stap prea laod, be yumi save prea insaed long ol hat blong yumi (luk long Alma 34:27).
Ol ansa we yumi kasem long ol prea blong yumi oltaem bae oli no wanem we yumi wantem. Samtaem, bae hem i go agens wanem yumi wantem. Ol prea blong yumi i save tekem long taem tu blong oli ansarem afta yumi stap tingting. Samtaem i nid blong i kwaet blong samtaem. Be Papa long Heven i save long ol nid blong yumi. Ol ansa blong Hem i oltaem i blong gud blong yumi. Yumi jes nid blong muv i go fored wetem fet long Jisas Kraes. (Luk long Luk 11:9–13.)1
Sevya mo Ridima blong yumi i talem se bae yumi no save kasem Papa long Heven be bae hem i tru long Hem nomo Jisas i talem se: “Mi nao rod ya, mo mi mi stamba blong trutok, mo mi stamba blong laef.” “ I no gat man i save kam long Papa blong mi, sapos mi mi no tekem hem i kam” (Jon 14:6). Hemia i karemaot eni narafala wei, o iven eni samting we i blokem rod long storian blong yumi wetem God. Hemia i from wanem evri prea, ol toktok, ol testemoni, ol klas mo ol narafala samting yumi mekem—long jos, long hom wetem ol famli blong yumi, o yumi wan—oli mekem long nem blong Jisas Kraes.
?Bae Fasin blong Yumi Bae I Olsem Wanem?
Blong faenem trutok, yumi mas tru long wanem yumi wantem. Taem yumi singaot long Papa long Heven wetem tingting i stap daon, yumi mekem yumiwan i rere blong mekem aksen folem ol ansa we yumi kasem mo mekem moa long hemia yumi save mekem.
Strong tingting mo tru tingting i save mekem yumi blong mekem ol samting we Papa long Heven i wantem yumi blong mekem, be i no wanem yumi wantem blong mekem. Yumi soem klia tras blong yumi long Papa long Heven taem yumi “we i stap lisin,i no stap flas, i putum tingting blong yumi i stap daon, i save wet longtaem, i gat plante lav,i glad blong stap biaen long evri samting we Lod i tingting blong putum long [yumi]” (Mosaea 3:19). Tru long ol fasin ia, bae yumi kam blong andastanem mo trastem se Papa long Heven bae i oltaem mekem wanem hem i gud blong yumi.
Foto i kam long Lee Michael Ragsdale
?Hao Nao Bae Ol Ansa Oli Kam?
Blong disaed blong pem wan haos o rentem wan haos, waef blong mi mo mi i bin prea, tingting hevi mo toktok plante abaot hemia. Mo long en, filing i kam long ol maen mo hat blong mitufala se bae mitufala i no pem wan haos. Mitufala i folem wetem fet long ansa we mitufala i bin kasem, mitufala i no save wanem bae i hapen long laef blong mitufala.
Afta long 18 manis i pas, long Epril 2022 , oli bin singaotem mi olsem Jeneral Atoriti Seventi Afta long Epril 2022 jeneral konfrens, mifala gat tri wik nomo blong lego Brasil blong Fas asaenmen blong mitufala. Stap long wan rent haos i mekem proses blong muv i isi. Tedei Regina mo mi i save luk gud se Lod i lidim mitufala long desisen blong mitufala.
Nifae tu i kasem folem wanem we hem i wantem. Taem yumi stap traehad blong lukaotem trutok mo stap biliv mo trastem se Papa long Heven bae i soem trutok long hem, Nifae i kasem blesing taem hem i luk ol samting we papa blong hem i luk. Hem i luk tri blong laef, we i ripresentem lav blong God—lav ia we evri man i wantem moa i bitim evri narafala samting, …mo hem i wan glad we i bigwan olgeta long sol” (1 Nifae 11: 22, 23).
Tru long Tabu Spirit, Papa blong yumi long Heven i soemaot trutok we i stap blong evri pikinini blong Hem. Lod i rivilim tru long Profet Josef Smit se Tabu Spirit bae i save toktok long ol maen blong yumi mo long ol hat blong yumi (luk long Doktrin mo Ol Kavenan 8:2), “i stap pusum strong long ol filing blong [yumi]” (Doktrin mo Ol Kavenan 128:1), bambae mi mekem jes blong yu i gat wan filing we i hot insaed” (Doktrin mo Ol Kavenan 9:8), bambae mi soemaot smol nomo, Spirit blong mi, we bambae i givim laet long maen blong yu, o toktok pis long trabol hat blong yumi luk long Doktrin mo Ol Kavenan 11:13; 6:14–15, 22–23).
Mi testifae se trutok blong God i seraotem fasin blong gat tu tingting mo fraet mo i mekem testemoni blong yumi i kam moa strong. Wetem Nifae, mi talem: “From hem we i wok strong wetem strong tingting oltaem blong stap luklukgud, bae i faenem” (1 Nifae 10:19). God bae i soemaot trutok sapos yumi lukaotem gud, from Hem i “ wan man i wantem kam long God, hem i mas bilif we God i stap, mo we i stap mekem i gud long olgeta we oli stap traem faenem hem” (Hibrus 11:6). Mo bae Hem i mekem i klia se bae yumi nogat tu tingting se bae han blong Hem i lidim ol laef blong yumi