Ana Iteraniba te Aono
Kawain te Ataeinaine ae Uarereke nakon te Tembora
Ririki aika mwaiti n nako, te ataeinaine ae uarereke ae maeka i Vanuatu ae arana Marsela Tokalolo, e taua raoi inanona ana taeka tamana: “Kaniko nakon Ana Euangkerio Iesu Kristo ao mwannanoa te reirei.”
E bon rangi ni kakawaki te reirei iroun tamana ngaia are e kanakoa ngke 12 ana ririki n nako n reirei i Biti, ni kabane mwane ibukina ao n raroanako ma natina te aine. Imwiin banen ana reirei n te kauarinan ao imwiina kabanean te koraki are iaona riki i Biti, e okira mweengan Marsela i Vanuatu.
I Biti, e nora Marsela te ota n tamnei irouia ana tia reirei, ae angiia a bon tia ni bane aia tai mai BYU–Hawaii.
Imwiin ana mwakuri ni mitinare ibukin te Ekaretia i Biribin, nanona ni kan nako BYU–Hawaii e kaungaa nanona ni mwakuri ao ni kabanea ana tai ibukin reireina n aron are e tuanga ana karo.
Mariella Kaun, ae kaain te Ekaretia i Vanuatu, e riki bwa te tia kakairi nakon Marsela ngkai e karikirake ibukin reireina. E karao kariki ao ni kabonakoa te banana pies Marsela, te custard pies ao te Laplap, te amwarake ae e kinaaki i Vanuatu.
E taku Marsela, “Kaain [Ana Ekaretia Iesu Kristo ibukiia Aika Itiaki ni Boong aika Kaitira] a rangi ni iraorao ao n tatauraoi ni buokai n ataia ae e na buokai n nako n reirei.”
E koro nanon ana kouru Marsela. E anga beeba mai BYU–Hawaii, e kaitibo ma kainabana, ao e mareaki n te Laie Hawai Tembora.
“Ana Auti te Uea bon [te] auti ae tabu,” e taku. “E nakonako te Uea ma ngaira ni maiura ni borau.”
Ae e a kateaki te tembora i Port Vila, Vanuatu.
Ni kaineti ma te tembora ae boou, e taku Marsela, “Bon te kaeka nakon tataro bon nakoiu. Aio te kakoaua bwa te Atua e bon tabe ibukiia Natina. Te tembora ni koauana bon te oota nakon abara.”