“Tera te Bwai ae Kabwara Nanom man Ataakin te Atua?,” Riaona, Turai 2024.
Nakomai, Iriirai
Tera te Bwai ae Kabwara Nanom man Ataakin te Atua?
E kainnanoaki te nano n tituaraoi n maiuakianan te euangkerio. E tua nakoira Tamara are i karawa bwa ti na kanakoi anuara n aomata bwa ti aonga ni karekea te kakabwaia ae bati: wanawanan te Atua ao kakabwaia aika akea kabotauaia are E na anganiko.
E kabwarabwara te nano n tituaraoi taman te Uea ae Ramonaai ngke e tataro, “Ngkana bon iai te Atua, ao ngkana ngkoe te Atua; ko kona ni kaotiko nakoiu, bwa I aonga n anganako au bure ni kabane, bwa I aonga ni kateirakeaki man te mate, ma ni kamaiuaki n te kabanea ni bong” (Aramwa 22:18; e kairaki ma katuruturana).
E taekinna Beretitenti Russell M. Nelson bwa te tokanikai man bwaikorakin te aonaaba aei ao karikirakean ara reitaki ma Tamara are i karawa ao Iesu Kristo e bon irekereke ma “ara rinerine n totokoi bwaai ake a na kabirinakoa te Tamnei ae raoiroi” ao “te nano ni kan ‘kanakoa’ ara bure ake ti rang tatangiria ni kan karaoi.”
Kakabwaia
Raon ana kakabwaia taman te Uea ae Ramonaai bon kaotakin, te mangauti ao te kamaiuaki, e karinani kakabwaia aika a bati riki Beretitenti Nelson man ara kekeiaki n riki n ai aron Iesu Kristo ao te teimatoa ni kawain ara berita aika tabu. A irekereke bwaai aikai ma:
-
Bitakin nanora ma anuara ni maiu
-
Tangira ae Kororaoi
-
Nanorinano
-
Te tituaraoi
-
Akoi
-
Tabeakinan-arou
-
Raoi
-
Nano ae Koaua
-
Kimwareirei
-
Motirawa
-
Korakora n te Tamnei
-
Te Kaotioti ae Onoti
-
Kakorakoraan te onimaki
-
Aia Mwakuri n Ibuobuoki Anera
-
Kakai
Ngkana ko rawawata ni kan tokanikai i aon te bure, tai bwara n nano. E kauringiira Beretitenti Neslson bwa, “te tokanikai i aon te aonaaba e aki nanonaki bwa te riki ni kororaoi n te maiu aei, ke tao a nang bua am kangaanga n te aro ae kamiimi—bwa bukina ae a bon aki kona. Ma e bon aki nanonaki bwa e a toki karaoan te bure. Ma e nanonaki bwa te tokanikai i aon bwaikorakin te aonaaba aei e na bon karikirakea nanom bwa ko na aki manga karaoa te bure.”
Ngkana ti kekeiaki ni kanakoi ara bure ai aron taman te Uea ae Ramonaai, ao ti na kunea bwa ataakin te Atua e bon kainnanoa te nano n tituaraoi. Man karaoan aei, e na tabe n rikirake maiura nakon are mai i mwaina.