“Taiaoka Buoka Neienne,” Riaona, Turai 2024.
Bwanaaia Aika Itiaki ni Boong aika Kaitira
“Taiaoka Buoka Neienne”
Rongorongon te utu ao te mwakuri n te tembora e bon buokai n tokanikai i aon te namakin ni kabwaka ao n te titiku ma arou.
Tamnein te Manila Philippines Tembora iroun Russell Sun De La Cruz
N te bong teuana n au tabo ni mwakuri, ao I namakina te uruaki n nano ma te katukaki ma arou. I kakoaua bwa I kabwaka ni mwakuria au riki ibukina bwa e a rangi ni mwaiti te kaairua ae I a tia ni karaoia. I bubutia Tamau are i karawa te korakora.
Uoua te wiiki i mwiina, temanna te tari te aine ae nakoiu i mwiin te taromauri ao n tuangai ngkana ngai Jenny Casama ke tiaki. E kabwarabwara nakoiu bwa ngaia Michelle (Mich) Baustista, temanna ara tia mwakuri n te tembora ao n rongorongon te utu n ara uoote. E tuangai bwa e miia aine teniman aika a bwai mainaina ao aia kabanea n ara bon Casama ao a roko bwa a kainnanoa buokaia. A bubuti nakon te tari Baustista ni kangai, “Taiaoka Buoka Neienne.”
E oota Titita Mich bwa aine aikai a bon bubuti nakoina bwa a na buoka aia koraki are bon—ngai—bwa N nang riai n reiakina riki taekan te tembora ao mwakurian au riki.
E taku nakoiu Titita Mich, “Ti a nooria ngkana ti kona n kuneiia aine aikai n am riki n utu.”
I aon te FamilySearch webutiaite, ti kunea tibu te unaine ae Damasa Casama; tarina ae Emiliana Casama; ao ai tibutoru ae Eugenia Casama. Akea te raraoma, bwa ti a bon koaua naba bwa ngaia bon aine ake a kaoti n te mii. E roko irou namakinan te rau, ao I namakina aia tangira au bakatibu n te tai anne. Ti bon tang ibukina bwa ti namakina te kukurei inanora. I namakinna bwa a rangi n tabeakinai, ao ngai naba, e korakora au tangira ibukiia.
I ataa ngkanne tabeu bwa N na buokiia n raonaki ma au bakatibu ake tabeman bwa a aonga ni karekei otenanti n te tembora. A kaman tataninga ara bakatibu—tabeman a rangi ni maan n—tataningaira bwa ti na karaoi taian otenanti aika tabu aikai ibukiia.
N te ririki anne, ao I bwabetitoaki n te tembora ibukiia au bakatibu aika teniman aikai. I kakoaua bwa mwakurian ara riki n utu e bon uota te korakora inanon maiu.
N aron are e reireia Beretitenti Russell M. Nelson: “Ngkai te mwakuri n te tembora ao rongorongon te utu iai mwaakaia ni kakabwaiaia naake a mena n iteran te rabuna, iai mwaakaia ni kakabwaiaia aika a maiu. Iai te rikirake nakoia ake a kakaraoia. A bon buokiia aia utu ni karekea te karietataaki.”
I ataia bwa e koaua te Ekaretia ao ti bon aki kona n riki ni kakororaoaki n akeaia ara bakatibu.