Sauaina
E Tatau Ona Ou Saili Fesoasoani I Ē O I Ai Tomai Faapitoa?

“E Tatau Ona Ou Saili Fesoasoani I Ē O I Ai Tomai Faapitoa?” Fesoasoani mo Ē Ua Afaina (2018).

“E Tatau Ona Ou Saili Fesoasoani I Ē O I Ai Tomai Faapitoa?” Fesoasoani mo Ē Ua Afaina.

E tatau ona ou saili fesoasoani i ē o i ai tomai faapitoa?

O le maua o le fesoasoani e mafai ona faaleleia atili lou olaga, faateleina ou lagona o le taua o oe lava, ma faamalosia au sootaga. E lē manaomia ona e tauaveina na o oe le tiga e mafua mai i sauaga, ma e le manaomia ona e tauaveina e faavavau.

Talu ai ona o le sauaga sa tupu ia te oe, atonu o le a faigata ia te oe ona lagona le olioli. Ae peitai, e finagalo Tamā Faalelagi ia e mauaina le olioli. Na saunoa mai Peresitene Dallin H. Oaks: “O le tasi o faaaliga silisili o faaaliga uma a le Atua, o le a’oa’oga lea a le Tamā o Liae faapea ‘ua i ai tagata, ina ia latou maua le olioli.’ (2 Ni. 2:25.) E sili atu le olioli nai lo le fiafia. O le olioli o le lagona faatumutumuina lea o le soifua-manuia” (“Olioli ma le Alofa Mutimutivale,” Liahona, Ian. 1992, 86).

E mafai ona maua fesoasoaniga i faiga eseese. Atonu e aofia ai puipuiga mai pulega faalemalo, taiala mai faufautua tomai faapitoa, po o le lagolago mai isi (tagai i le “O fea e mafai ona ou liliu i ai mo se lagolago?”).

Fesoasoaniga Pe Afai Ua E I Ai i Se Faalavelave

Afai sa e i ai pe o loo faatautalaina/sauaina oe pe afai e te lagona le lē saogalemu, atonu e te manaomia se fesoasoani i le taimi lava lenei mai pulega o le malo, auaunaga o puipuiga o le tamaitiiti, auaunaga o puipuiga o le tagata matua, po o tomai faapitoa faalefomai. E mafai foi ona e sailia le fesoasoani mai se loia po o se fautua o se tagata na aafia. O nei auaunaga e mafai ona fesoasoani e puipuia oe ma taofia isi sauaga (tagai i le “O i Ai i Se Faalavelave” mo se fesoasoani vave).

Fesoasoaniga ma le Mafanafana, Lagolago, ma le Faamalologa

E lē afaina po o anafea na faatautalaina/sauaina ai oe, e mafai ona e faamanuiaina mai le lagolago ma le fesoasoaniga a tomai faapitoa. O le tele lava o ē ua afaina e sili ona faamaloloina pe a talitonu se tasi ia i latou, latou te faamaonia o latou lagona, latou te lagona le saogalemu ma le puipuia, ma latou malamalama i auala ua aafia ai i latou i le sauaga. O le lagolago e mafai ona fesoasoani ia te oe e maua le filemu ma lē tuua na o oe a o e saili ia maua le faamalologa.

O le maua foi o le fesoasoani e mafai ona maua ai e oe mea ia:

  • O se fesootaiga ma isi

  • Se tasi e mafai ona faalogo ma le agaalofa

  • Se tasi e mafai ona lagolagoina oe

  • O se talitonuga e mafai ona maua le faamalologa.

  • Lagona o le alofa ma taliaina

  • Taiala e ala i le faagasologa o le faamalologa

  • O le lototele ma le gafatia e agai ai i luma e ala i le faagasologa o le faamalologa

  • Isi mafaufau lelei

O le maua o le lagolago e mafai ona fesoasoani ia te oe e amata ona lagona le faamoemoe. E mafai foi ona fesoasoani ia te oe e maua le fiafia ma le olioli.

Punaoa a le Nuu ma le Ekalesia

(O nisi o punaoa o loo lisiina atu i lalo e le i fausia, tausia, pe pulea e Le Ekalesia a Iesu Keriso o le Au Paia o Aso e Gata Ai. E ui o nei anomea ua faamoemoe e avea o ni punaoa faaopoopo, ae e le faamaonia e le Ekalesia ni anotusi e le ogatusa ma ona aoaoga faavae ma aoaoga.

Tusiga e Faatatau I Ai