Sauaina
E Faapefea Ona Ou Saogalemu Pea?

“E Faapefea Ona Ou Saogalemu Pea?” Fesoasoani mo Ē Ua Afaina (2018)

“E Faapefea Ona Ou Saogalemu Pea?” Fesoasoani mo Ē Ua Afaina

E Faapefea Ona Ou Saogalemu Pea?

O lou saogalemu o le iloiloga sili ona taua i se tulaga o le faatautalaina/sauaina. E leai se tasi e faamoemoeina e onosaia amioga sauā faatautala. E mafai ona e aapa atu i auaunaga mo se fesoasoani ma atinae se fuafuaga saogalemu e fesoasoani e tausisia lou saogalemu mai nisi sauaga. E i ai tulaga e fautuaina oe e tatau ona e alu ese mai ai.

Auaunaga

O loo tele vaega ma auaunaga e mafai ona fesoasoani e puipuia oe ma taofia isi sauaga. O nei auaunaga e mafai ona aofia ai:

  • Pulega Faalemalo

  • Auaunaga o puipuiga o le tamaitiiti

  • Auaunaga o puipuiga o le tagata matua

  • Faufautua mo ē ua afaina

  • Tagata tomai faapitoa faafoma’i pe faafaufautua

  • Fale mo puipuiga

“Afai e te le o mautinoa po o le fea punaoa e faafesootai, tagai i le O i Ai i se Faalavelave? Talanoa Nei po o le faafesootai le Tautua mo Aiga. E mafai foi ona e mafaufau e aapa atu i lou epikopo.

Fuafuaga o le Saogalemu

O se fuafuaga mo le saogalemu o se fuafuaga faaletagata lava ia e fesoasoani ia te oe e iloa le mea e fai pe a feagai ma tulaga o sauaga. E mafai ona taiala e lenei fuafuaga oe ma tagata o lou aiga i tulaga e ono oo i ai ina ia faaitiitia ai le lamatia i le faamanualia.

O fuafuaga o le saogalemu e mafai ona aofia ai, ae le na o le pau ia:

  • Iloa aiga ma uo e mafai ona e faatuatuaina

  • Ao mai numera o telefoni o punaoa i le tulaga o faalavelave faafuase’i (pulega faalemalo, aiga, po o uo)

  • Malupuipuia alagā tupe e talafeagai ma mea manaomia masani

  • Fuafuaina pe faapefea ona maua auala femalagaai e alu ai i se nofoaga saogalemu, pe a manaomia.

  • Iloa nofoaga e mafai ona e alu ese i ai, pe a manaomia (e pei o aiga, uo, po o se fale mo puipuiga)

  • Iloa po o le a lau mea e fai i tulaga lē saogalemu

  • Talanoa i lau fanau ma isi tagata o aiga e uiga i mea e mafai ona latou faia i tulaga lē saogalemu

O punaoa ia e i lalo e mafai ona fesoasoani ia oe e aoao atili e uiga i fuafuaga o le saogalemu ma atinae ai se fuafuaga e talafeagai ma ou tulaga ma manaoga patino.

Punaoa a le Nuu ma le Ekalesia

(O nisi o punaoa o loo lisiina atu i lalo e le i fausia, tausia, pe pulea e Le Ekalesia a Iesu Keriso o le Au Paia o Aso e Gata Ai. E ui o nei anomea ua faamoemoe e avea o ni punaoa faaopoopo, ae e le faamaonia e le Ekalesia ni anotusi e le ogatusa ma ona aoaoga faavae ma aoaoga.

Tusiga e Faatatau I Ai