O Fea e mafai ona ou liliu i ai mo le lagolago?

O le lagolago e mafai ona oo mai i faiga eseese ma mai i punavai eseese. E tele taimi e tali ai a tatou tatalo e Tamā Faalelagi i le saunia lea o le lagolago e ala mai i isi. Sa maua e le Faaola lava ia le lagolago mai soo ma uo. Na Ia maua foi le malosi mai se agelu a o puapuagatia i le Faatoaga i Ketesemane (tagai i le Luka 22:43). O le maua o le alofa ma le lagolago e taua i le fesoasoani ia faamaloloina oe.

Punavai o le Lagolago

Afai o e lagonaina le tuua toatasi, ia e iloa o loo i ai tagata o ē e alolofa ia te oe ma mananao e fesoasoani ia te oe, e aofia ai ou Matua Faalelagi, o le Faaola, o Iesu Keriso, ma le Agaga Paia. E mafai ona avea i latou ma au punaoa silisili o le lagolago. Sa feagai foi le Faaola ma ou tiga ma puapuaga uma, e oo lava i ia e mafua ona o isi tagata, ma e silafia e Ia le auala e fesoasoani ai ia te oe (tagai i le Alema 7:11–12). E mafai ona aumaia e le Agaga Paia ia i tatou le mafanafana, filemu, ma le malosi faaleagaga e agai ai pea i luma. E ala i le tatalo i lou Tamā Faalelagi, saili le fesoasoani, ma o le a taitaia oe i tagata o ē e mafai ona ofoina mai le lagolago.

O le filifiliga po o afea pe o ai o le a e talosaga i ai mo le lagolago o le filifiliga faaletagata lava ia. Muamua, atonu o le a faigata ia te oe ona aapa atu i fafo i lou aiga ma uo po o taitai o le Ekalesia mo se fesoasoani. Atonu e faigofie le faasoa atu i se vaega lagolago po o se faufautua (tagai i le “E tatau ona ou saili i fesoasoani mai e o i ai tomai faapitoa?”). O le talosaga atu mo se fesoasoani e ono fefe ai, ae a o e faia, o le a ono faate’ia ai oe i le tele o le alofa ma le taliaina e te lagonaina.

Filifili tagata o e lagolagoina mataupu faavae o le talalelei. O tagata faufautua e i ai tomai faapitoa e tatau ona i ai laisene (i nofoaga e talafeagai ai) ma agavaa e fesoasoani i tulaga o le sauaina/faatautala.

Punaoa o le Nuu ma le Ekalesia

(O nisi o punaoa o loo lisiina atu i lalo e le i fausia, tausia, pe pulea e Le Ekalesia a Iesu Keriso o le Au Paia o Aso e Gata Ai. E ui o nei anomea ua faamoemoe e avea o ni punaoa faaopoopo, ae e le faamaonia e le Ekalesia ni anotusi e le ogatusa ma ona aoaoga faavae ma aoaoga.)

• O i Ai i se Faalavelave? Talanoa Atu i le Taimi Nei.

• “Connect Directory [Taiala o Fesootaiga],” Faletutotonu o punaoa o Fesootaiga a Ē Ua Afaina

• “Vaega Lagolago,” Faalapotopotoga mo Tagata Matutua na Sao mai le Faatautala/Sauaina,” Saili Vaega Lagolago | Soifua Maloloina o Amerika healthfinder.gov

• “Saili Vaega Lagolago,” mhanational.org

• Fautuaga a le Tautua mo Aiga

Tusiga e Faatatau I Ai

• E mafai ona ou faamaloloina mai lenei mea?

• E a pe a faapea o loo ou tauivi ma le faatuatuaina [o isi]?

• E tatau ona ou saili i fesoasoani mai e o i ai tomai faapitoa?