Polokalama o le Toe Faaleleia o Olaga mai le Tagofia o Mea ua Fai ma Vaisu

O Se Taiala i le Toe Faaleleia o Olaga mai le Tagofia o Mea ua Fai ma Vaisu ma le Faamalologa

Na saunia e le
Tautua a le AAG mo Aiga

Lolomiina e
Le Ekalesia a Iesu Keriso o le Au Paia o Aso e Gata Ai
Aai o Sate Leki, Iuta

O le Polokalama o le Toe Faaleleia o Olaga mai le Tagofia o Mea ua Fai ma Vaisu a le Tautua a le AAG mo Aiga, ua fetuunaia uluai Laasaga e Sefululua a le Alcoholics Anonymous World Services, Inc. i se auivi o aoaoga faavae, mataupu faavae ma talitonuga o Le Ekalesia a Iesu Keriso o le Au Paia o Aso e Gata Ai. O uluai Laasaga e Sefululua ua lisiina atu i lalo, ma o Laasaga e Sefululua e pei ona faaaogaina ai i lenei polokalama o loo i le itulau e iv.

Ua toe lolomi ma fetuunai ia Laasaga e Sefululua i le faatagaga a le Alcoholics Anonymous World Services, Inc. (A.A.W.S.) O le faatagaga e toe lolomi ma fetuunai ia Laasaga e Sefululua e le faapea ai ua iloiloina pe faamaonia e le A.A.W.S. ia anotusi o lenei lomiga pe faapea foi ua malilie le A.A.W.S. i manatu o loo faaalia ai. O le A.A. o se polokalama o le toe faaleleia o olaga mai le na o le tagofia o le ava malosi—o le faaaoga o Laasaga e Sefululua e faatatau i isi polokalama ma gaoioiga o loo mamanuina i le A.A., ae o loo talanoaina ai isi faafitauli, po o se isi lava matalalaga e le ā le A.A., ua le faatatau i ai. Ma le isi, e ui o le A.A. o se polokalama faaleagaga, ae o le A.A. e le o se polokalama faalelotu. O lea, e le faifai mea faatasi ai pe au faatasi ai le A.A. ma soo se vaega, aulotu, po o se faatuatuaga faalelotu faapitoa.

O Laasaga e Sefulu Ma Le Lua a le Faalapotopotoga Mo E Ua Afaina i le Inu ‘Ava

1. Ua matou ta’utino atu ua matua faatoilaloina i matou e le ‘ava ua le mafai e i matou ona pulea o matou olaga.

2. Ua matou talitonu o loo i ai se Malosi e sili atu i lo i matou, e toe aumaia le toafilemu.

3. Faia le faaiuga e liliu ma suia loa le loto ma le ola, i lalo o le vaaiga a le Atua e pei ona matou malamalama ia te Ia.

4. Faia se suesuega ma le lototele i o tatou lava tagata lilo.

5. Ta’utino i le Atua, ia te i matou ma se isi uso a tagata le uiga moni o o matou sese.

6. Ua matou matua sauni lava e talia le aveeseina e le Atua o nei faaletonu o le olaga.

7. Tagi atu ma le faamaulalo ia te Ia, ina ia aveeseina e Ia o tatou vaivaiga.

8. Tusia uma suafa o e ua afaina, ona matou o lea ma toe galueaina auala e faaleleia ai ma i latou.

9. Faia tuusa’o faaleleiga ma ia tagata, vagana ua e iloa o le a afaina ai o ia ma nisi tagata.

10. Faaauau pea le suesuega o le olaga, ma afai ua tatou sese, ta’utino loa lava.

11. Saili e ala i le tatalo ma mafaufauga loloto ina ia maua le fesootaiga ma le Atua pei ona tatou iloa o Ia, tatalo pea ia iloa Lona finagalo mo i tatou, ma le malosi e tauaveina ai pea Lona finagalo.

12. Ina ua matou maua le malosi fou lea faaleagaga ona o nei laasaga ua matou taumafai e tauaveina pea lenei feau mo nisi o loo aafia pea i le ‘ava oona, ma ia faia pea nei laasaga i ala eseese uma i o matou olaga.

Alcoholics Anonymous World Services, Inc.^®

© 2005 e le Intellectual Reserve, Inc.
Ua taofia aia tatau uma
Lolomiina i le Iunaite Setete o Amerika

Faamaonia le FaaPeretania: 6/02
Faamaonia le faaliliuga: 6/02
Faaliliuga o le Addiction Recovery Program – A Guide to Addiction Recovery and Healing
Samoan