« ថ្ងៃទី ២៧ ខែ កញ្ញា–ថ្ងៃទី ៣ ខែ តុលា ។ គោលលទ្ធិ និង សេចក្តីសញ្ញា ១០៩–១១០ ៖ « ដំណាក់នេះជាដំណាក់របស់ទ្រង់គឺជាទីបរិសុទ្ធភាពរបស់ទ្រង់ › » ចូរមកតាមខ្ញុំ—សម្រាប់បុគ្គលម្នាក់ៗ និងក្រុមគ្រួសារ ៖ គោលលទ្ធិ និង សេចក្ដីសញ្ញា ឆ្នាំ ២០២១ ( ឆ្នាំ ២០២០ )
« ថ្ងៃទី ២៧ ខែ កញ្ញា–ថ្ងៃទី ៣ ខែ តុលា ។ គោលលទ្ធិ និង សេចក្ដីសញ្ញា ១០៩–១១០ » ចូរមកតាមខ្ញុំ—សម្រាប់បុគ្គលម្នាក់ៗ និងក្រុមគ្រួសារ ៖ ឆ្នាំ ២០២១
ព្រះវិហារបរិសុទ្ធខឺតឡង់ ដោយ ចូន ម៉ាក់ណាត់តុន
ថ្ងៃទី ២៧ ខែ កញ្ញា–ថ្ងៃទី ៣ ខែ តុលា
គោលលទ្ធិ និង សេចក្តីសញ្ញា ១០៩–១១០
« ដំណាក់នេះជាដំណាក់របស់ទ្រង់គឺជាទីបរិសុទ្ធ ភាពរបស់ទ្រង់ »
យោងតាមដំណើររឿង គោលលទ្ធិ និង សេចក្ដីសញ្ញា ១០៩:២៤–២៨ អែលឌើរ ដេវីឌ អេ បែដណា បានមានប្រសាសន៍ថា « ខ្ញុំសូមអញ្ជើញបងប្អូនឲ្យសិក្សាអ្វីៗដែលជាប់ទាក់ទងទៅនឹងព្រះគម្ពីរទាំងនេះម្តងហើយម្តងទៀត និងពិចារណារប្រកបដោយការអធិស្ឋាននៅក្នុងជីវិតរបស់បងប្អូន និងក្រុមគ្រួសាររបស់បងប្អូន » ( « Honorably Hold a Name and Standing » Ensign ឬ Liahona ខែ ឧសភា ឆ្នាំ ២០០៩ ទំព័រ៩៩ ) ។ សូមពិចារណាអំពីការអញ្ជើញនេះនៅពេលបងប្អូនសិក្សា ។
កត់ត្រាចំណាប់អារម្មណ៍របស់បងប្អូន
ក្លោងទ្វារទៅព្រះវិហារបរិសុទ្ធខឺតឡង់មិនបើកទេរហូតដល់ម៉ោង ៨:០០ ព្រឹក ថ្ងៃទី ២៧ ខែ មីនា ឆ្នាំ ១៨៣៦ ។ ប៉ុន្តែពួកបរិសុទ្ធ ដែលរំពឹងចូលរួមនៅក្នុងពិធីឧទិ្ទសឆ្លងចាប់ផ្តើមតម្រង់ជួរចាប់តាំងពីមុនម៉ោង៧:០០ ។ នៅពេលដែលជើងម៉ា និងច្រកដើរត្រូវបានបំពេញឆាប់រហ័សដោយពួកអ្នកចង់ថ្វាយបង្គំយ៉ាងអន្ទះសា នោះយ៉ូសែប ស្ម៊ីធបានស្នើឲ្យមានទីកន្លែងលំហូរ។ នៅពេលទីតាំងនោះពេញ ផែនការសម័យប្រជុំលើកទីពីរត្រូវបានចាប់ផ្តើម ។ មិនត្រឹមតែអ្នកដែលមានជីវិតអន្ទះសាចង់មានវត្តមាននៅទីនោះទេ ។ មានសាក្សីជាច្រើននាក់បានថ្លែងទីបន្ទាល់ថា ពួកគេបានឃើញទេវតានៅខាងក្នុង និងនៅលើដំបូលព្រះវិហារបរិសុទ្ធអំឡុងពេល និងក្រោយពេលការឧទិ្ទសឆ្លង ។ វាពិតជាហាក់បីដូចជា « ពលស្ថានសួគ៌ » បានចុះមកដើម្បី « ច្រៀង ហើយ [ និង ] ស្រែកទ្រហោ » ជាមួយពួកបរិសុទ្ធដែរ ( « ព្រះវិញ្ញាណនៃព្រះ »ទំនុកតម្កើង ល.រ ២ ) ។
ហេតុអ្វីបានជាមានក្តីរំភើប—ទាំងសងខាងនៃវាំងនន ? សេចក្តីសន្យាដែលថាពួកបរិសុទ្ធនឹង « បានទទួលព្រះចេស្តាមកពីស្ថានលើ » គឺជាមូលហេតុដែលពួកគេប្រមូលផ្តុំគ្នាពីដំបូងនៅរដ្ឋអូហៃអូ ( គោលលទ្ធិ និង សេចក្ដីសញ្ញា ៣៨:៣២ ) ។ ហើយរឿងដ៏អស្ចារ្យជាច្រើនត្រូវបានសន្យានាពេលអនាគត ។ ព្រះអម្ចាស់បានប្រកាសថា « ហើយនេះគឺជាការចាប់ផ្តើមនូវព្រះពរដែលនឹងបានចាក់មកលើក្បាលនៃរាស្រ្តរបស់យើង » ( គោលលទ្ធិ និង សេចក្ដីសញ្ញា ១១០:១០ ) ។ សម័យកាលដែលយើងរស់នៅបច្ចប្បន្ន—ជាមួយនឹងការពន្លឿនកិច្ចការព្រះវិហារបរិសុទ្ធ និងពិធីបរិសុទ្ធទាំងឡាយអាចធ្វើឲ្យទាំងអ្នកនៅរស់ និងអ្នកស្លាប់—មាននូវការចាប់ផ្តើមមួយនៅក្នុងក្រុងខឺតឡង់នៅពេលដែល « ស្បៃគ្របដណ្តប់ផែនដី [ ចាប់ ] ផ្តើម រសាត់ទៅ » ( ព្រះវិញ្ញាណនៃព្រះ » ) ។
សូមមើល ផងដែរ Saints « ១:២៣២–៤១ « A House for Our God » Revelations in Context ទំព័រ ១៦៩–១៧២ ។
យោបល់សម្រាប់ការសិក្សាព្រះគម្ពីរផ្ទាល់ខ្លួន
ព្រះអម្ចាស់ចង់ប្រទានពរដល់ខ្ញុំនៅក្នុងព្រះរាជដំណាក់ដ៏បរិសុទ្ធរបស់ទ្រង់ ។
តាមរបៀបមួយចំនួន ព្រះវិហារបរិសុទ្ធខឺតឡង់មានភាពខុសប្លែកគ្នាពីព្រះវិហារបរិសុទ្ធដែលយើងស្គាល់នាសព្វថ្ងៃនេះ ។ គ្មានអាសនា និងគ្មានអាងពិធីបុណ្យជ្រមុជទឹកទេ ហើយពិធីបរិសុទ្ធដូចជាពិធីបុណ្យជ្រមុជទឹកសម្រាប់មរណជន និងពិធីផ្សារភ្ជាប់មិនទាន់បានស្តារឡើងវិញនៅឡើយទេ ។ ប៉ុន្តែពរជ័យដែលបានពិពណ៌នានៅក្នុង កណ្ឌទី ១០៩ ការអធិស្ឋានឧទ្ទិសឆ្លងសម្រាប់ព្រះវិហារបរិសុទ្ធខឺតឡង់ គឺជាពរជ័យដែលយើងបានទទួលនៅក្នុងដំណាក់របស់ព្រះអម្ចាស់នាសព្វថ្ងៃនេះ ។ សូមមើលខគម្ពីរខាងក្រោមឡើងវិញដើម្បីរកមើលពរជ័យទាំងនេះ ។ អំឡុងពេលដែលអានអំពីខគម្ពីរទាំងនេះ សូមពិចារណាពីមូលហេតុ ដែលវាមានសារៈសំខាន់បំផុតចំពោះអ្នក និងគ្រួសារអ្នក ។
ខទី ៥, ១២–១៣ ( សូមមើលផងដែរ គោលលទ្ធិ និង សេចក្តីសញ្ញា ១១០:៦–៨ ) ៖ នៅក្នុងព្រះវិហារបរិសុទ្ធ ព្រះអម្ចាស់អាចបង្ហាញព្រះកាយទ្រង់មកកាន់យើង ហើយយើងអាចទទួលអារម្មណ៍ពីព្រះចេស្តារបស់ទ្រង់ ។
ខទី ៩, ១៧–១៩, ២៦, ៧៨–៧៩ ៖ នៅក្នុងព្រះវិហារបរិសុទ្ធយើងលើកដាក់មកលើខ្លួនយើងនូវព្រះនាមរបស់ព្រះអម្ចាស់ ។
ខទី ២២–២៣ ៖ នៅពេលយើងចុះនិងគោរពតាមសេចក្តីសញ្ញានៃព្រះវិហារបរិសុទ្ធ នោះព្រះអម្ចាស់នឹងប្រទានព្រះចេស្តាដល់យើងដើម្បីធ្វើកិច្ចការរបស់ទ្រង់ ។
ខទី ២៤–៣៣ ៖ នៅពេលយើងចូលរួមព្រះវិហារបរិសុទ្ធដោយមានភាពស័ក្តិសម នោះយើងអាចទទួលការការពារពីព្រះអម្ចាស់ ។
ពរជ័យផ្សេងៗទៀត ៖
តើព្រះវិញ្ញាណបំផុសគំនិតអ្នកឲ្យធ្វើអ្វីខ្លះ ដើម្បីទទួលពរជ័យទាំងនេះ ?
ការអធិស្ឋានឧទ្ទិសឆ្លងព្រះវិហារបរិសុទ្ធខឺតឡង់អាចបង្រៀនខ្ញុំអំពីការអធិស្ឋាន ។
កណ្ឌទី ១០៩ គឺជាការអធិស្ឋានឧទ្ទិសឆ្លងដែលបានប្រទានឲ្យយ៉ូសែប ស្ម៊ីធតាមរយៈវិវរណៈ ( សូមមើល ក្បាលកណ្ឌ ) ។ តើយើងបានរៀនអ្វីខ្លះអំពីការអធិស្ឋានចេញមកពីកណ្ឌនេះ ? នៅពេលបងប្អូនអានអំពីវា បងប្អូនអាចគិតអំពីការអធិស្ឋានផ្ទាល់ខ្លួនរបស់បងប្អូន ។ តើចំណាប់អារម្មណ៍អ្វីខ្លះដែលបងប្អូនបានទទួល ដែលអាចជួយបងប្អូនឲ្យកែលម្អទំនាក់ទំនងរបស់បងប្អូនជាមួយព្រះវរបិតាសួគ៌ ? ឧទាហរណ៍ តើព្យាការីបានអធិស្ឋានអំពីអ្វីខ្លះនៅក្នុងការអធិស្ឋានេះ ?
គោលលទ្ធិ និង សេចក្តីសញ្ញា ១១០:១–១០
ព្រះអម្ចាស់អាចបើកសម្តែងព្រះអង្គទ្រង់ដល់ខ្ញុំនៅក្នុងព្រះវិហារបរិសុទ្ធ ។
តើបងប្អូនមានអារម្មណ៍ដូចម្តេចអំពីព្រះអង្គសង្គ្រោះ បន្ទាប់ពីអាន គោលលទ្ធិ និង សេចក្ដីសញ្ញា ១១០:១–១០ ហើយ ? តើទ្រង់សម្ដែងព្រះអង្គទ្រង់ដល់បងប្អូននៅក្នុងព្រះវិហារបរិសុទ្ធយ៉ាងដូចម្ដេច ? តើទ្រង់ជួយបងប្អូនឲ្យដឹងថាទ្រង់ទទួលយកកិច្ចខំប្រឹង និងការលះបង់របស់បងប្អូនតាមរបៀបណា ?
នៅជ្រុងនីមួយៗនៃព្រះវិហារបរិសុទ្ធខឺតឡង់មាននូវវេទិកាសម្រាប់ថ្នាក់ដឹកនាំបព្វជិតភាព ។
គោលលទ្ធិ និង សេចក្តីសញ្ញា ១១០:១១–១៦
កូនសោបព្វជិតភាព ដែលត្រូវការដើម្បីសម្រេចកិច្ចការរបស់ព្រះគឺមាននៅក្នុងសាសនាចក្រនាសព្វថ្ងៃនេះ ។
ដើម្បីយល់អំពីកូនសោបព្វជិតភាពដែលម៉ូសេ អេលីយ៉ាស និងអេលីយ៉ា បានប្រគល់ឲ្យយ៉ូសែប ស្ម៊ីធ និងអូលីវើរ ខៅឌើរី នៅក្នុង ព្រះវិហារបរិសុទ្ធខឺតឡង់ បងប្អូនអាចអានសារលិខិតរបស់អែលឌើរ ឃ្វីនថិន អិល ឃុក « ត្រៀមខ្លួនទៅជួបព្រះ » បាន ( Ensign ឬ Liahona ខែ ឧសភា ឆ្នាំ ២០១៨ ទំព័រ ១១៤–១៧ ) ។ អែលឌើរ ឃុក បានពិពណ៌នាអំពីរបៀបដែលកូនសោទាំងនេះទាក់ទងនឹងកិច្ចការសាសនាចក្រនាសព្វថ្ងៃនេះ ។ បងប្អូនក៏អាចពិចារណារៀនអំពីព្យាការីពីបុរាណតាមរយៈការសិក្សាអំពី « ម៉ូសេ » « អេលីយ៉ាស » និង អេលីយ៉ា » នៅក្នុង សេចក្ដីណែនាំដល់បទគម្ពីរទាំងឡាយ ( នៅលើគេហទំព័រ scriptures.ChurchofJesusChrist.org ) ។ សូមពិចារណាអំពីអ្វីដែលបងប្អូនអាចធ្វើបានដើម្បីជួយនៅក្នុងកិច្ចការដែលជាប់ទាក់ទងនឹងកូនសោទាំងនេះ ។
សូមមើលផងដែរ « Priesthood Keys»» ពិតចំពោះសេចក្ដីជំនឿ, ១២៦-២៧ ហិនរី ប៊ី អាវរិង , « He Goes before Us » Ensign ឬ Liahona, ខែវិច្ឆិកា ឆ្នាំ ២០២០ ទំព័រ ៦៦-៦៩ ។
យោបល់សម្រាប់ការសិក្សាព្រះគម្ពីរជាគ្រួសារ និងរាត្រីជួបជុំក្រុមគ្រួសារ
-
គោលលទ្ធិ និង សេចក្តីសញ្ញា ១០៩ ។សូមស្វែងរកខគម្ពីរជាក្រុមគ្រួសារនៅក្នុងកណ្ឌទី ១០៩ ដែលបំផុសគំនិតបងប្អូនឲ្យចង់ចំណាយពេលកាន់តែច្រើននៅក្នុងព្រះវិហារបរិសុទ្ធ ( ឧទាហរណ៍ សូមមើលខគម្ពីរដូចមានចែងខាងក្រោម « យោបល់សម្រាប់ការសិក្សាព្រះគម្ពីរផ្ទាល់ខ្លួន » ) ។ សូមនិយាយអំពីរបៀបដែលបងប្អូនអាចធ្វើតាមអ្វីដែលប្រធាន ប្រធាន រ័សុល អិម ណិលសុន បានផ្តល់យោបល់ជូន ៖ « ស្វែងរករបៀបមួយដើម្បីធ្វើការណាត់ជួបនឹងព្រះអម្ចាស់ជាទៀងទាត់—ដើម្បីនៅក្នុងព្រះដំណាក់ដ៏បរិសុទ្ធរបស់ទ្រង់— បន្ទាប់មកបន្តការណាត់ជួបនោះដោយត្រឹមត្រូវ និងអំណរ » ( « ការក្លាយជាពួកបរិសុទ្ធថ្ងៃចុងក្រោយគំរូ » Ensign ឬ Liahona ខែ វិច្ឆិកា ឆ្នាំ ២០១៨ ទំព័រ ១១៤ ) ។ ប្រសិនបើបងប្អូន ឬគ្រួសាររបស់បងប្អូនមិនទាន់បានទៅព្រះវិហារបរិសុទ្ធទេ បងប្អូនអាចចូលទស្សនាគេហទំព័រ temples.ChurchofJesusChrist.org ដើម្បីជួយបងប្អូនឲ្យរៀបចំខ្លួនដើម្បីទៅ ។
-
គោលលទ្ធិ និង សេចក្តីសញ្ញា ១០៩:៧៨–៨០ ។ទំនុកតម្កើង « ព្រះវិញ្ញាណនៃព្រះ » ( ទំនុកតម្កើង ល.រ ២ ) ត្រូវបាននិពន្ធឡើងសម្រាប់ការឧទ្ទិសឆ្លងព្រះវិហារបរិសុទ្ធខឺតឡង់—ហើយវាត្រូវបានគេយកមកច្រៀងនៅគ្រប់ពេល ដែលមានការឧទ្ទិសឆ្លងព្រះវិហារបរិសុទ្ធចាប់តាំងពីពេលនោះមក ។ អ្នកអាចច្រៀងទំនុកតម្កើងនេះជាមួយគ្នា ហើយស្វែងរកឃ្លា ដែលបង្កើនអំណរគុណរបស់អ្នកចំពោះព្រះវិហារបរិសុទ្ធថ្ងៃចុងក្រោយ ។ តើទំនុកតម្កើងនេះទាក់ទងនឹងសារលិខិតនៃ គោលលទ្ធិ និង សេចក្ដីសញ្ញា ១០៩:៧៨–៨០ ដោយរបៀបណា ?
អ្នកក៏អាចរកមើលការអធិស្ឋានឧទ្ទិសឆ្លងសម្រាប់ព្រះវិហារបរិសុទ្ធដែលនៅជិតអ្នកបំផុតតាមរយៈគេហទំព័រ temples.ChurchofJesusChrist.org ផងដែរ ។
-
គោលលទ្ធិ និង សេចក្តីសញ្ញា ១១០ ។នៅពេលដែលសមាជិកគ្រួសារអ្នកអានកណ្ឌទី ១១០ និងរកមើលរូបភាពដែលនៅខាងចុងគម្រោងមេរៀននេះ សូមអញ្ជើញពួកគេឲ្យសញ្ជឹងគិតថា តើពួកគេមានអារម្មណ៍បែបណា ប្រសិនបើពួកគេមានវត្តមាននៅជាមួយនឹង យ៉ូសែប ស្ម៊ីធ និងអូលីវើរ ខៅឌើរី នៅក្នុងព្រះវិហារបរិសុទ្ធខឺតឡង់នោះ ។ សូមផ្តល់ឱកាសឲ្យគ្រួសាររបស់បងប្អូនចែកចាយអារម្មណ៍របស់ពួកគេអំពីព្រះអង្គសង្គ្រោះ ។
-
គោលលទ្ធិ និង សេចក្តីសញ្ញា ១១០:១៥ ។តើអ្វីទៅដែលអាចជួយ « បង្វែរចិត្ត » កូនចៅរបស់បងប្អូនទៅរកបព្វការីជនរបស់ពួកគេ ? អ្នកអាចស្វែងរកគំនិតរីករាយនៅក្នុងគេហទំព័រ FamilySearch.org/discovery ។ បងប្អូនអាចធ្វើការជាមួយគ្នាដើម្បីស្គាល់បព្វការីជនដែលត្រូវការពិធីបរិសុទ្ធក្នុងព្រះវិហារបរិសុទ្ធ ហើយរៀបចំការធ្វើដំណើរទៅព្រះវិហារបរិសុទ្ធដើម្បីធ្វើពិធីបរិសុទ្ធទាំងនោះនៅក្នុងព្រះវិហារបរិសុទ្ធ ។ បងប្អូនក៏អាចនិយាយអំពីរបៀបដែលកិច្ចការដែលត្រូវបានស្តារឡើងវិញដោយ អេលីយ៉ានៅក្នុងព្រះវិហារបរិសុទ្ធខឺតឡង់នោះ បានបង្កើនសេចក្តីស្រឡាញ់របស់បងប្អូនចំពោះបុព្វការីជនរបស់បងប្អូនផងដែរ ។
សម្រាប់គំនិតបន្ថែមពីការបង្រៀនដល់កុមារ សូមមើល គម្រោងមេរៀនប្រចាំសប្ដាហ៍នេះនៅក្នុងសៀវភៅ ចូរមកតាមខ្ញុំ—សម្រាប់អង្គការបឋមសិក្សា ។
ចម្រៀងដែលបាន ផ្តល់យោបល់ ៖ « ព្រះវិញ្ញាណនៃព្រះ » ទំនុកតម្កើង ល.រ ២ ។
សំឡេងនៃការស្ដារឡើងវិញ
ការបើកសម្ដែងខាងវិញ្ញាណ និងព្រះវិហារបរិសុទ្ធខឺតឡង់
ដូចជាភ្លើងកំពុងឆេះ ដោយ គ្លីន អេស ហបគីនសុន
ខាងក្រោមនេះគឺជាពាក្យពេចន៍នៃពួកបរិសុទ្ធថ្ងៃចុងក្រោយ ដែលនៅក្នុងព្រះវិហារបរិសុទ្ធខឺតឡង់ក្នុងអំឡុងពេលពិធីឧទ្ទិសឆ្លង និងនៅក្នុងការប្រជុំផ្សេងបន្តបន្ទាប់ទៀត ។ មនុស្សជាច្រើនបានប្រៀបប្រដូចបទពិសោធន៍របស់ពួកគេទៅនឹងបទពិសោធន៍ ដែលពួកបរិសុទ្ធកាលពីបុរាណមាននៅពេល « ព្រះចេស្តាពីស្ថានលើបានមកគ្របដណ្តប់ » នៅថ្ងៃនៃបុណ្យថ្ងៃទី ៥០ ( លូកា ២៤:៤៩; សូមមើលផងដែរ កិច្ចការ ២:១–៤; គោលលទ្ធិ និងសេចក្ដីសញ្ញា ១០៩:៣៦–៣៧ ) ។
អេលីស្សា អ័រ ស្នូ
« ពិធីឧទ្ទិសឆ្លងនោះអាចហាត់សម ប៉ុន្តែមិនមានភាសាខាងសាច់ឈាមណាអាចពិពណ៌នាពីការបើកសម្តែងស្ថានសួគ៌នៃថ្ងៃដ៏គួរចងចាំនេះបានឡើយ ។ ពួកទេវតាបានបង្ហាញព្រះកាយដល់មនុស្សមួយចំនួន ខណៈដែលការទទួលអារម្មណ៍ពីវត្តមានរបស់ព្រះត្រូវបានដឹងដល់អស់អ្នកដែលចូលរួម ហើយដួងចិត្តនៃបុគ្គលម្នាក់ៗពោរពេញដោយអំណរដែលពុំអាចថ្លែងបញ្ជាក់បាន និងដោយសិរីល្អ › » ។១
ស៊ីលវ៉ា ខាត់លឺ វែប
« ការចងចាំមួយក្នុងចំណោមការចងចាំកាលពីក្មេងរបស់ខ្ញុំគឺការឧទ្ទិសឆ្លងព្រះវិហារបរិសុទ្ធ ។ ឳពុករបស់ខ្ញុំបានលើកយើងដាក់លើភ្លៅរបស់គាត់ ហើយបានប្រាប់យើងពីមូលហេតុដែលយើងត្រូវទៅ និងពីអត្ថន័យនៃការឧទ្ទិសឆ្លងព្រះរាជដំណាក់ដល់ព្រះ ។ ទោះបីជាពេលនោះយើងនៅក្មេងយ៉ាងណាក្តី ក៏ខ្ញុំនៅចងចាំពីឱកាសដ៏ពិសេសនោះយ៉ាងច្បាស់ ។ ខ្ញុំអាចក្រឡេកមើលទៅព្រឹត្តិការណ៍នាពេលនោះ ហើយឃើញវាដូចពេលខ្ញុំបានឃើញយ៉ូសែប ដែលជាព្យាការី នៅពេលនោះ ដែលកំពុងឈរដោយលើកដៃរបស់លោកឆ្ពោះទៅស្ថានសួគ៌ មុខរបស់លោកស្លេកស្លាំង ទឹកភ្នែកលោកហូរកាត់ថ្ពាល់ ហើយលោកបានមានប្រសាសន៍នៅក្នុងថ្ងៃដ៏គួរឲ្យចងចាំនោះ ។ មនុស្សស្ទើរគ្រប់រូបហាក់បីដូចជាកំពុងហូរទឹកភ្នែក ។ ព្រះរាជដំណាក់អ៊ូអរខ្លាំងណាស់ ហើយកូនក្មេងភាគច្រើនអង្គុយលើភ្លៅមនុស្សចាស់ បងស្រីខ្ញុំអង្គុយលើភ្លៅឱពុកខ្ញុំ ខ្ញុំអង្គុយលើភ្លៅម្តាយខ្ញុំ ។ សូម្បីតែសម្លៀកបំពាក់ដែលយើងស្លៀកពាក់ក៏ខ្ញុំនៅចាំដែរ ។ ខួរក្បាលរបស់ខ្ញុំនៅក្មេងពេក នៅពេលនោះក្នុងការចាប់យកអត្ថន័យដ៏សំខាន់ពេញលេញរបស់វា ប៉ុន្តែកាលពេលវេលាបានកន្លងផុតទៅ ខ្ញុំចាប់ផ្តើមយល់កាន់តែច្បាស់បន្តិចម្តងៗ ហើយខ្ញុំមានអំណរគុណយ៉ាងខ្លាំងចំពោះឯកសិទ្ធិ ដែលអាចនៅទីនោះ » ។២
អូលីវើរ ខៅឌើរី
« នៅល្ងាចមួយខ្ញុំបានជួបជាមួយអ្នកកាន់តំណែងនៃសាសនាចក្រក្នុងដំណាក់របស់ព្រះអម្ចាស់ ។ ព្រះវិញ្ញាណបានចាក់ស្រោចចុះមក—ខ្ញុំបានឃើញសិរីល្អរបស់ព្រះ ដូចជាដុំពពកមួយយ៉ាងធំ បានធ្លាក់ចុះមកចំពីលើព្រះរាជដំណាក់ និងហាក់បីដូចជាខ្យល់បក់គំហុកយ៉ាងខ្លាំង ។ ខ្ញុំក៏បានឃើញដូចជាអណ្តាតភ្លើង ដូចជាភ្លើង ធ្លាក់មកលើមនុស្សជាច្រើន … ខណៈពេលដែលពួកគេនិយាយ និងព្យាករក្នុងភាសាមួយផ្សេងទៀត » ។៣
បេនយ៉ាមីន ប្រោន
« មានការនិមិត្តជាច្រើន [ ត្រូវបាន ] មើលឃើញ ។ មនុស្សម្នាក់បានឃើញសសរ ឬដុំពពកធ្លាក់ចុះចំលើព្រះរាជដំណាក់ ភ្លឺដូចជាពន្លឺព្រះអាទិត្យលើមេឃដូចជាមាស ។ មនុស្សពីរនាក់ផ្សេងទៀតបានឃើញតួរអង្គបី សំកាំងក្នុងបន្ទប់ ជាមួយនឹងកូនសោដ៏ភ្លឺក្នុងព្រះហត្ថ និងច្រវាក់ដែលមានពន្លឺក្នុងព្រះហត្ថផងដែរ » ។៤
អួរសុន ប្រាត្ត
« ព្រះមានវត្ថមាននៅទីនោះ ទេវតា ព្រះវិញ្ញាណបរិសុទ្ធ គឺនៅក្នុងចំណោមរាស្រ្តរបស់ទ្រង់ … ហើយពួកទ្រង់ពាក់មកុដមួយ តួខ្លួនទ្រង់ ពោរពេញដោយព្រះចេស្តា និងការបំផុសគំនិតមកពីព្រះវិញ្ញាណបរិសុទ្ធ » ។៥
ណានស៊ី ណាអូមី អាឡិចសាន់ឌឺ ត្រេស៊ី
« [ នៅពេល ] ដែលព្រះវិហារបរិសុទ្ធបានបញ្ចប់ និង ធ្វើពិធីឧទ្ទិសឆ្លងរួចមក … វាគឺជាពីរថ្ងៃដ៏រីករាយបំផុតក្នុងជីវិតរបស់ខ្ញុំ ។ ទំនុកតម្កើងដ៏ពិរោះ ដែលសក្តិសមសម្រាប់ឱកាសនោះគឺ ‹ ព្រះវិញ្ញាណនៃព្រះ ដូចជាភ្លើងកំពុងតែឆេះ › ។ វាគឺជាការពិតណាស់ដែលឥទ្ធិពលរបស់ព្រះវរបិតាសួគ៌ បានចុះមកគ្របដណ្ដប់ព្រះរាជដំណាក់នោះ … ។ ខ្ញុំបានមានអារម្មណ៍ថា ស្ថានសួគ៌នៅលើផែនដី » ។៦
ម៉ូសេ អេលីយ៉ាស និងអេលីយ៉ាបង្ហាញកាយនៅក្នុងព្រះវិហារបរិសុទ្ធខឺតឡង់ ដោយ ហ្គែរី អ៊ី ស្ម៊ីធ