Хүүхэдтэй болох гэж буй ганц бие эцэг эх

Ганц бие жирэмсэн эмэгтэйчүүд өвөрмөц бэрхшээлтэй тулгарч магадгүй юм. Жирэмсний аль ч үе шатанд та энэ нөхцөл байдлын талаар мэдэж авч болох бөгөөд ганц бие жирэмсэн эмэгтэйчүүд тулгарч буй үр дагаврын талаар өөр өөр асуудал, ойлголттой байж болно. Тэд өөрсдийн ирээдүйгээс гадна хүүхдийнхээ ирээдүйг шийдэх үүрэг даалгавартай тулгардаг. Зарим нь гэрлэж, зарим нь хүүхдээ өргүүлж, зарим нь ганц бие эцэг эх болохоор шийднэ. Хүүхэдтэй болох гэж буй ганц бие эцэг эхийг тайтгаруулж, зоригжуулан, асран халамжилж, хайрлах сэтгэлээр тусал. Туслах хүсэлтэй байгаагаа илэрхийлж, танаар туслуулах хүсэлтэй байгаа хүнд таларх.

Гэр бүлийн үйлчилгээний алба нь хүүхэдтэй болох гэж буй ганц бие эцэг эхэд үнэ төлбөргүй зөвлөгөө өгдөг бөгөөд гэрлэлт, үрчлэлт, ганц бие эцэг эх байх талаар мэдээлэл өгөх боломжтой. Хүүхэдтэй болох гэж буй ганц бие эцэг эхийг бишоптойгоо уулзахад уриал мөн тэр тэднийг Гэр бүлийн үйлчилгээний албатай холбож өгөх боломжтой. Хэрэв Гэр бүлийн үйлчилгээний алба байхгүй бол зөвлөгөө өгөх нэмэлт эх сурвалж бишопт байж магадгүй юм.

Ойлгохыг эрэлхийл

Хүүхэдтэй болох гэж буй ганц бие эцэг эхтэй ярилцахдаа Аврагчийн адил хайрлах, энэрэх сэтгэлээ илэрхийлэхийг хичээ. Нөхцөл байдал болгон өөр өөр бөгөөд хүн бүрийн нөхцөл байдал харилцан адилгүй тул хүүхэдтэй болох гэж буй ганц бие эцэг эхийн асуудал, хэрэгцээг илүү сайн ойлгоход туслах дараахтай төстэй асуултуудыг эелдэг, мэдрэмжтэй байдлаар тавь.

Яг одоо танд хамгийн их эргэлзэж, санаа зовж байгаа ямар ямар зүйл байна вэ?
Та ирээдүйнхээ талаар ямар төлөвлөгөөтэй байна вэ?
Та хүүхдийнхээ ирээдүйн талаар ямар төлөвлөгөөтэй байна вэ?
Одоо та хүүхдийнхээ эх эсвэл эцэгтэй ямар харилцаатай байдаг вэ?
Хүүхдийнхээ эмээ, өвөө болон гэр бүлийн бусад гишүүнтэй ямар харилцаатай байдаг вэ?

Хэрвээ та энэ байдал нь хүчирхийлэл, бэлгийн хүчирхийллийн үр дагавар байсан гэдгийг мэдвэл, иргэний эрх бүхий байгууллагуудтай холбоо бариарай. Энэ асуудлыг шийдвэрлэх үед танай бишоп тусламжийн утас руу холбогдож болно.

Хувь хүнд тусал

Ирээдүйн талаар шийдвэр гаргахад нь хүүхэдтэй болох гэж буй ганц бие эцэг эхэд туслахдаа дараах зарим санааг ашиглах талаар бодож үз.

Хүүхэдтэй болох гэж буй ганц бие эцэг эхчүүдэд Аврагч ба Түүний Цагаатгалаар дамжуулан найдвар, эдгэрлийг олоход тусал.

Аврагч Есүс Христээс аврал, хүч чадал ирдэг гэдгийг ойлгоход түүнд тусал.
Хүүхэдтэй болох гэж буй ганц бие эцэг эхэд Тэнгэрлэг Эцэг эхийн хүүхэд гэдгээ мөн өөрийн давуу тал, авьяас, чадварыг таньж мэдэхэд тусал.
Хүүхэдтэй болох гэж буй ганц бие эцэг эхэд Бурханы өөрийг нь гэх хайрыг мэдрүүлж, Бурхан энэ хүүхдийн дэлхийн амьдралд зөвлөгөө өгч чадах түнш гэдгийг ойлгож мэдэхэд тусал.

Хүүхэдтэй болох гэж буй ганц бие эцэг эхийг бишоптой уулзахад уриал.

Тохиромжтой бол хүүхэдтэй болох гэж буй эцэг эхийг патриархын адислалаа уншиж, удирдамж, тайтгарал авахад урь.

Тохиромжтой бол түүнд ганц бие эцэг эх байх, үрчлэх, гэрлэх зэрэг сонголтуудыг авч үзэхэд тусал.

Сүмийн удирдагчид, найз нөхөд нь хүүхэдтэй болох гэж буй эцэг эхэд хүүхдээ өөрөө өсгөхөд эсвэл хүнд өргүүлэхийг сонгоход уриалах, шахахаас зайлсхийвэл зохино.
Хүүхэдтэй болох гэж буй ганц бие эцэг эхийг сонгох сонголт тус бүртэй нь холбоотой эерэг, сөрөг талуудыг бичихэд, ялангуяа хүүхдэд тохиолдох сонголт бүрийн үр дагаврыг үнэлж үзэхэд уриал.
Эдгээр сонголтыг сайтар бодолцож үзэхэд тусалж чадах хүмүүсээс зөвлөгөө авахыг хүүхэдтэй болох гэж буй ганц бие эцэг эхэд зөвлө.
Тэднийг санваарын адислал авахад уриал.
Бурханаас хувийн урам зориг, сэтгэгдэл, удирдамж авч чадна гэдгийг ойлгоход гишүүдэд тусал.

Гэр бүлийг дэмж

Хүүхэдтэй болох гэж буй ганц бие эцэг эхийн туршлага түүний гэр бүлийн гишүүдийн амьдралд нөлөөлдөг. Гэр бүлд үзүүлэх нөлөөллийг тодорхойлж, гэр бүлийг эдгээр асуудлыг хэлэлцэхэд уриал.

Тойргийн зөвлөлийн бүх удирдагчийг хүүхэдтэй болох гэж буй эцэг эх, тэдний гэр бүлд идэвхтэй үйлчлэхэд уриал.

Шийдвэрийн талаар хамтдаа зөвлөлдөөд, эцэст нь хүүхэдтэй болох гэж буй ганц бие эцэг эхийн шийдвэрийг хүндэтгэхийг гэр бүлд уриал.

Гэр бүлийн зарим гишүүн хүүхэдтэй болох гэж буй ганц бие эцэг эхийн гаргасан шийдвэрийг хүлээн зөвшөөрөхгүй байж магадгүй. Шийдвэр нь гэр бүлийн гишүүдэд хэрхэн нөлөөлж байгааг ярилцаж, шаардлагатай бол тэдгээр асуудалд анхаарахыг гэр бүлд уриал.

Гадас, тойргийн эх сурвалжуудыг ашигла

Тойргийн удирдагчид юм уу итгэлтэй бусад хүнээс тасралтгүй дэмжлэг, удирдамж, туслалцаа үзүүлэхийг хүсэх талаар бодож үз. Нөхцөл байдлыг бусадтай ярилцахаас өмнө тухайн хүнээс зөвшөөрөл ав.

Хүүхэдтэй болох гэж буй ганц бие эцэг эхийн зөвлөгч болох итгэлтэй хүнийг олж тогтоон, тэднийг тогтмол уулзалдахад уриал.

Зөвлөгч нь тухайн хувь хүний хувьд хамт байхад тааламжтай хүн байх ёстой ба тохинуулагч ах, эгч нь байж болно.

Сайн мэдээний зарчмуудын дагуу үйлчилгээ үзүүлдэг орон нутгийн эх сурвалжуудыг олж мэд.

Эх сурвалжид мэргэжлийн зөвлөх, хөтөлбөрүүд эсвэл төвүүд болон бусад агентлаг багтаж болно.

Хэрэв хүүхэдтэй болох гэж буй ганц бие эцэг эх хүүхдээ өөрөө өсгөх тухай бодож байгаа бол тэднийг Strengthening the Family, Marriage and Family Relations гэсэн хичээлүүдийг уншихад эсвэл хичээлүүдэд оролцоход эсвэл эдгээр хичээл байхгүй бол холбогдох материалыг уншихад уриал.