“Գլուխ 26: Երկնային երեք արքայությունները: 16 փետրվարի 1832,” Վարդապետություն և Ուխտեր - Պատմություններ (2002), 97–103
“Գլուխ 26,” Վարդապետություն և Ուխտեր - Պատմություններ, 97–103
Գլուխ 26
Երկնային երեք արքայությունները
16 փետրվարի 1832
Մի օր Ջոզեֆ Սմիթը և Սիդնի Րիգդոնը կարդում էին Նոր Կտակարանը: Նոր Կտակարանում ասվում էր, որ բարի մարդիկ հարություն առնելուց հետո կգնան երկինք: Ջոզեֆին հետաքրքրեց, թե արդյոք բոլոր մարդկ կգնան նույն վայրը երկնքում:
Վարդապետություն և Ուխտեր 76, բաժնի խորագիր
Երբ Ջոզեֆը և Սիդնին մտածում էին այս մասին, Երկնային Հայրը նրանց մի սքանչելի տեսիլք պարգևեց: Այդ տեսիլքում նրանք տեսան երկինքը: Նրանք տեսան Երկնային Հորը և Հիսուսին, որոնց շուրջը լույս էր շողում: Ապա նրանք տեսան հրեշտակներին, որոնք երկրպագում էին Երկնային Հորը և Հիսուսին:
Վարդապետություն և Ուխտեր 76, բաժնի խորագիր
Երբ Ջոզեֆը և Սիդնին գրի առան իրենց տեսիլքի մասին, նրանք վկայեցին, որ Հիսուսն ապրում է: Նրանք տեսել էին Նրան: Եվ նրանք լսել էին ձայնը, որն ասում է, որ Նա Աստծո Որդին է: Այդ ձայնը նրանց նաև ասել էր, որ Հիսուսը եկել էր երկիր, որպեսզի բոլոր մարդկանց հնարավորություն տար վերադառնալ և կրկին ապրել Երկնային Հոր հետ:
Տեսիլքի հաջորդ մասում Ջոզեֆը և Սիդնին տեսան, թե ուր են մարդիկ գնում հարություն առնելուց հետո: Կային երեք վայր, կամ արքայություններ, որտեղ մարդիկ գնում են: Արդար Սրբերը հարություն առնելուց հետո գնում են երկնքի սելեստիալ արքայություն: Սելեստիալ արքայությունում են գտնվում Երկնային Հայրը և Հիսուսը:
Սելեստիալ արքայությունում գտնվողները երկրի վրա գտնվելիս հավատում էին Հիսուս Քրիստոսին: Նրանք մկրտվել են և ստացել են Սուրբ Հոգին:
Նրանք, ովքեր գնացել էին սելեստիալ արքայություն, շատ փորձություններ էին ունեցել երկրի վրա, սակայն նրանք հաղթահարել էին դրանք առ Հիսուս Քրիստոս հավատքի միջոցով: Նրանք աշխատել են հնազանդվել Աստծո պատվիրաններին, իսկ երբ չեն հնազանդվել, ապաշխարել են:
Արդար Սրբերը կնմանվեն Երկնային Հորը և Հիսուսին: Բոլոր բաները կլինեն իրենցը: Նրանք հավերժ կապրեն Երկնային Հոր և Հիսուսի հետ:
Այնուհետև Ջոզեֆը և Սիդնին տեսան երկնքի թերեստրիալ արքայությունը:
Թերեստրիալ արքայության մեջ գտնվող մարդիկ լավ մարդիկ են եղել երկրի վրա, սակայն նրանք խաբված են եղել չար մարդկանց կողմից: Նրանք հետևել են որոշ պատվիրաններին, սակայն համարձակ չեն եղել Հիսուսի մասին իրենց վկայության մեջ:
Թերեստրիալ արքայության մեջ մտնում են նաև մարդիկ, ովքեր չեն հավատացել ավետարանին, երբ լսել են դրա մասին երկրի վրա, սակայն նրանք հավատացել են դրան, երբ լսել են մահանալուց հետո:
Թերեստրիալ արքայության մարդիկ կտեսնեն Հիսուսին: Բայց նրանք չեն կարողանա ապրել Երկնային Հոր և Հիսուսի հետ:
Ապա Ջոզեֆը և Սիդնին տեսան երկնքի թելեստիալ արքայությունը: Թելեստիալ արքայություն գնացող մարդիկ երկրի վրա արդար չեն եղել:
Այդ մարդիկ չեն հավատացել Հիսուսին կամ Նրա ավետարանին: Նրանք չեն հավատացել մարգարեներին և չեն հետևել Աստծո պատվիրաններին:
Թելեստիալ արքայության մարդիկ չեն տեսնի Հիսուսին կամ Երկնային Հորը, և չեն կարողանա ապրել Նրանց հետ: Ինչևէ, հրեշտակները կայցելեն այդ մարդկանց և Սուրբ Հոգին կուսուցանի նրանց:
Սելեստիալ և թերեստրիալ արքայություններ գնացող մարդիկ հարություն կառնեն, երբ Հիսուսը կրկին գա երկիր: Թելեստիալ արքայություն գնացող մարդիկ հարություն կառնեն միայն Հիսուսի երկրորդ գալստից 1000 տարի հետո:
Այդ տեսիլքում Ջոզեֆը և Սիդնին տեսան նաև, թե ուր են գնում ամբարիշտ մարդիկ: Նրանք կլինեն Սատանայի հետ: Նրանք չեն կարող լինել Երկնային Հոր, Հիսուսի կամ Սուրբ Հոգու հետ:
Այն մարդիկ, ովքեր կլինեն Սատանայի հետ, իմացել են Հիսուսի և Նրա ավետարանի մասին, երբ ապրել են երկրի վրա: Սուրբ Հոգին վկայել է նրանց Հիսուս Քրիստոսի մասին: Նրանք գիտեին, որ Նա ապրել և մահացել է մեր բոլորի համար:
Բայց հետո այդ մարդիկ շատ չարիքներ են գործել: Նրանք մերժել են ճշմարտությունը և Աստծո զորությունը: Նրանք մերժել են Սուրբ Հոգին: Նրանք ասել են, որ այլևս չեն հավատում Հիսուսին: Այդ մարդիկ հավերժ կտանջվեն:
Ջոզեֆը և Սիդնին իրենց տեսիլքում տեսան այլ բաներ ևս, սակայն Հիսուսը նրանց ասաց, որ գրի չառնեն այն ամենը, ինչ տեսել են: Սուրբ Հոգու զորության միջոցով արդար Սրբերը իրենք կարող են տեսնել և իմանալ այդ բաները: Ջոզեֆը և Սիդնին շնորհակալություն հայտնեցին Աստծուն այդ հրաշալի տեսիլքի համար: