iVurevure
Digitaka e Dua na Koronivuli se Parokaramu ni Veituberi
Digia na itavi ka vakatovotovotaka na kena oqo.
KWAME: Vinaka, au vakabauta niu sa kila vinaka tiko oqo e vica na cakacaka vinaka meda saga yani.
CONSUELO: Era na vukei iko beka mo rawata na nomu takete ni bula-rawati iko?
KWAME: Au vakabauta. Ia se bera tikoga na kila meu rawati ira kina.
MEKALA: Io. Au sa yaco tale tikoga kina.
ROBERT: Meda sa na kuria tale na noda vuli se tuberi.
CONSUELO: Ia ena digitaki ni koronivuli, eda na kila vakacava na vanua meda gole kina? Era sa tu ena veivanua na kedra isau. Ka da na kila vakacava ni ra sa ka vinaka?
KWAME: E dua mai na neimami tabanalevu sa gole tiko i New Age. E koronivuli ni matai. E rairai au na gole kina.
MEKALA: Au sa raica e levu na posita e tukuni kina ni univesiti ni yasana e vinaka duadua. Ia au sega ni rawa ni curu kina.
ROBERT: Au rogoca ni na rawa mo cakacaka vinaka ke o vuli cakacaka se vuli veiliutaki.
CONSUELO: Meda sa na qai kila vakacava?
KWAME: Eda rawa beka ni laki veivosaki kei ira eso e koronivuli? Se o ira era sa qeretueti?
MEKALA: Ena dredre qori. Au dau taqataqaya sara ga.
ROBERT: Ia sai koya beka ga qo na ka meda cakava. Meda na laki veivosaki kei ira meda kilai ira nodra gonevuli sa qeretueti kera sa cakacaka vinaka tiko. Io vakacava beka na icurucuru kei na sikolasivi—na veika vakailavo kece qori? Au vakabauta meda sa laki veivosaki ga kei ira. Vakakina vei ira era a vuli ena koronivuli qori.
CONSUELO: Au na gole vata kei kemudrau, Mekala. Medatou cakava vata yani.
MEKALA: Totoka sara ga qori!
KWAME: Oqo e dua na vakatulewa levu—na nodatou ilavo kei na nodatou veisiga nimataka. Au vakabauta medatou sa na masulaka talega. Se me tou masulaki me tou dusimaki kina. Au a vulica ena kaulotu ni sa rawa meda dusimaki mai vua na Turaga.
MEKALA: Au vakabauta talega oqori. E rairai ni dua na tiki levu ni ka oqo na vakabauta. Na vakabauta na inuinui kei na noda sasaga. Au sa tekivu vakila ni gadreva na Tamada Vakalomalagi me vakalougatataki kedatou ena ka oqo.
ROBERT: Medatou kakua ni guilecava na Lisi ni Koronivuli kei na Parokaramu Vakadonui. E tiko kina na veivakasama vinaka ni koronivuli kei na kila me vukei kedatou me tou rawata na cakacaka vakadonui. E rairai qo beka na vanua me tou tekivu kina— ketou gadreva na dinau mai na LVV se sega.
Lesu ki na draunipepa 29