iVurevure

Saumi ni Noqu Vuli

Digia na itavi ka vakatovotovotaka na kena oqo.

MEKALA: Totoka. Ena macawa oqo au a vulica e vuqa sara na veimataqali koronivuli.

CIONSUELO: Mo a raici koya mada ga. A gole sara ga o koya ka laki veivosaki kei ira na tamata e kea. Au sa bera sara tikoga.

ROBERT: O cei o sa qai digitaka rawa?

MEKALA: Sega, e rua meu na digidigi mai kina?

CONSUELO: Sa tolu tiko na noqu meu digidigi mai kina.

KWAME: Totoka qori, kemudrau. Au nanuma niu se bera tiko ni matata.

ROBERT: Na cava o tukuna tiko?

KWAME: Isa, au se veilecakayaki sara tikoga. Se rairai beka niu rere tiko. Se bera ni dua ena noqu matavuvale me sa bau sivia na imatai ni ituvatuva ni vuli. Au sa laki veivosaki kei na lima na koronivuli duidui ka sa bau totoka sara ga. Na veika e gadrevi e vaka me dredre toka kei na kena isau—au na sega ni rawata rawa na ilavo oya.

ROBERT: E sega beka ni vaka o ya na nomu nanuma ni o se qai gole ki kaulotu?

KWAME: Io, e dina, au sa qai nanuma toka oqo. A yaco.

CONSUELO: Ia o a qai gugumatua sara o iko.

KWAME: A taura e dua na gauna, ia au a vakalougatataki dina. Kau sa laki tubu kina.

MEKALA: Au sa via rere talega. Sa vaka me dredre na ilavo. Ia au qai laki veivosaki kei na dua na marama ena neitou tabanalevu ka cakava rawa na veika a rawata rawa kau dinau me saumi rawa na kena vo. Oqo na dinau mai na LVV. E rairai meda veivukei ga vakai keda, ena qai matata mai na veika kece.

ROBERT: E dua na baraca ena neitou tabanalevu a sauma na imatai ni yabaki ka rawata e dua na sikolasivi ena ikarua ni yabaki.

CONSUELO: Keirau sa saga tiko vakaveiwatini me keirau maroroi ilavo mada, ka tiko na tamaqu lailai ena rawa ni vukei keirau.

KWAME: Isa, ira na taci tamaqu era sega ni vutuniyau. Ia sa balavu mai na ilakolako kau na sega ni tagutuva na noqu tatadra oqo. E rairai dina o iko, Mekala. Au na sasaga tale me vica na macawa, mo dou qai vakayaloqaqataki au tiko mai.

Lesu ki na draunipepa 45