iVurevure

Na cava na dinau mai na LVV?

Digia na itavi ka vakatovotovotaka na kena oqo.

BARACA MAI BRAZIL: Niu sa lesu i vale mai na kaulotu, au sa vinakata sara ga meu vuli. Au sa sasaga ka sasaga tale, ena yabaki veitaravi, ia au sega ni vuli rawa. Au sa vakasamataka tikoga ni na sau lailai na vuli, ia era sega ni sau lailai rawa. Sa vaka me sau levu tikoga mai, e dredre, ka dredre cake tikoga.

SISITA MAI HAITI: Ni sega na vuli, ena dredre na bula mai Haiti. Ena sega ni rawa mo bula ni ko sega ni vuli.

BARACA MAI ARGENTINA: E noqu tatadra vata talega kei ira na itabagone ena Lotu—meu tekivutaka e dua na noqu matavuvale ka veiqaravi ena Lotu. Ni gadrevi meu cakava vakadodonu na veika vakaoqo, au na gadreva e dua na cakacaka vinaka.

PERESITEDI HINCKLEY: Ena kena gadrevi me vakadodonutaki na ka oqo, keitou a vakatura e dua na ituvatuva—e dua na ituvatuva keitou vakabauta sa veivakauqeti ni Turaga. … Eda sa na vakatoka me iLavovure ni Vuli.

VANDERLEI: Niu sa lesu mai na kaulotu, e sega vei au na madigi meu vuli tale. Oti oya, a vadugu mai! Sa yaco mai na iLavovure ni Vuli, sa dua na ka na noqu marau! Au a gole ki koronivuli, kerecuru, ka sauma na noqu vuli. Au a solia na noqu vinaka taucoko kau a rawata vakavinaka. Au a gonenivuli naba dua ena noqu kalasi! Ni bera niu vuli, au dau cakacaka tu ga vakaleiba. Era dau talai au na tamata. Ni oti na noqu vuli, au a vakacakacakataki meu manidiataka e 450 na tamata, kau sa mai sau vinaka sara tu ena gauna oqo. Sa sega ni gadrevi me cakacaka tale o watiqu. Sa na qaravi iratou ga na luvei keirau, ni sa ka bibi sara vei keirau. Ka sa rawa sara meu veiqaravi ena Lotu ena loloma. Au sa rawa ni veiqaravi ena yalodina. Sa veisau dina sara ga kina na noqu bula kei na bula ni noqu matavuvale.

NADINE: Au sa saga na ka kecega meu sauma rawa kina na noqu dinau, niu kila ni na vukei ira eso mera vakaitavi kina ka rawata na nodra vuli. E dodonu mo na dina kevaka o tiki ni parokaramu oqo.

CARLOS: E vakamacalataki tu ena noqu veivakalougatataki vakapeteriaki ni na yaco vei au na madigi oqo, ka sa yaco dina sara. Kivei keda na iLavovure ni Vuli e sega ni baleta walega na veika vakayago. Kivei keda oqo e dua na parofisai. E ka tabu.

KEVIN: Au vakila ni sa raici au tiko mai na parofita, ka sa raica na kequ ituvaki au tiko kina. Kau vakila ni a kaya. “Au gadreva meu vukei iko.”

PERESITEDI HINCKLEY: Sa makare tu na noda sala ki liu, sa levu sara na noda gagadre, ka sa dusimaka mai na Turaga na kena sala. Sa na yaco me dua na veivakalougatataki ki na nodra bula ena tarai ira—kivei ira na cauravou kei na goneyalewa, ki na nodra matavuvale nimataka, ki na Lotu. Sa noda masu ena yalomalumalumu kei na vakavinavinaka ni na vakunevinakataka na Kalou na sasaga oqo.

Lesu ki na draunipepa 60

Na Cava so na Ka e Gadrevi me Tauri kina na Dinau mai na LVV?

• Vakaitavi ena dua na ilawalawa ni Vuli me Baleta na Cakacaka Vinaka; vakalewena na pepa ni cakacaka ni ituvatuva ni dinau mai na LVV.

• Digitaka e dua na cakacaka, koronivuli, kei na parokaramu mai na Lisi Vakadonui ni VBR; vakadonui na gagadre tale eso ke kerei.

• Digitaka e dua na daunivakasala ni dinau me veivuke ki na veivakadeitaki ni koronivuli, cakacaka, se dinau.

• Lewena na inisitute (me baleti ira na itabagone qase cake).

• Me yabaki 18 se sivia o koya e vakaitavi.

• Me bula kilikili ki na valetabu ka tiko nona veikacivi.

• Vakadonui maivua e dua na iliuliu ni matabete.

Lesu ki na draunipepa 61

Ena Vakayagataki Vakacava na Dinau mai na LVV? E Caka Vakacava na Sausaumi Lesu?

Ena rawa ni vakayagataki na dinau mai na LVV me saumi kina:

• Na vuli kei na veituberi mena rawati kina e dua na cakacaka vinaka se bisinisi.

• iSau ni vuli, ivola, kei na iyaya tale eso (na isau ni vuli e saumi ga ki na koronivuli).

Oqo na idusidusi ni kena saumi lesu na dinau:

• Sa vakarautaki tu ena veivanua yadua na ivakasala ni levu ni ilavo kei na kena saumi.

• Na sausaumi era cokotivata kina na idole ni cakacaka vakavinaka kei na ilavoqaqa.

  • Na idole ni cakacaka vinaka ena vakalailaitaka sobu na levu ni ilavo e vo me saumi me vakaoqo:

    • Vakalailaitaki sobu ena 5 na pasede na levu ni dinau ena dua na yabaki me baleta na rawati ni maka vinaka ena veiyabaki (raica na tikidua ni LVV me baleta na ibalebale ni maka vinaka)

    • Vakalailaitaki sobu ena 10 na pasede ni sa vakacavari taucoko na parokaramu ni vuli (qeretueti)

    • Vakalailaitaki sobu ena 10 na pasede ni sa sotavi na lalawa ni ituvatuva (dua na cakacaka kei na ivakatagedegede ni isau ni cakacaka)

    • Veiraurau ni idole ena 25 na pasede me baleta na kena saumi taucoko tiko na dinau ena kena gauna.

    • Vakalailaitaki sobu tale ena 10 na pasede na vo ni ilavo me saumi ke sa saumi taucoko na dinau ni se bera na gauna a lavaki kina.

  • Sausaumi ni dinau ena gauna ni vuli

    • Gadrevi me caka na imatai ni sausaumi ni bera ni soli na ilavo ki na koronivuli

    • Na sausaumi lalai ena veivula ena gauna ni vuli me baleta na parokaramu e sau lailai ka lekaleka na kena gauna.

    • Na sausaumi lelevu ena veivula ena gauna ni vuli me baleta na parokaramu e sau levu, ka balavu na kena gauna.

  • Na sausaumi ni dinau ena veivula tekivu ena ika ono ni vula ni sa vakacavari na vuli se sa vakasukai

    • Na sausaumi e vakadeitaki ena levu ni ilavo e dinautaki kei na balavu ni parokaramu.

    • E oka kina e dua na tubu lailai vakailavo

    • E rawa ni saumi lesu taucoko ena loma ni tolu ki na va na yabaki vata kei na idole ni cakacaka vinaka

Lesu ki na draunipepa 62

O Daunivakasala ni Dinau ni LVV

O cei o daunivakasala ni Dinau ni LVV?

O daunivakasala ni dinau ni LVV sai koya e dua na uabula ena vukei iko mo rawata na nomu vuli, cakacaka, kei na saumi lesu ni dinau. O daunivakasala ni dinau ni LVV e sega ni itokani vakalawa se dauniveitaqomaki me sauma se taura e dua na ka vakailavo ki na dinau ni LVV.

Meu na digitaka vakacava e dua na daunivakasala ni dinau ena LVV?

Kerea e dua na uabula yalomatua me nomu daunivakasala ni dinau ena LVV. Sa rawa mo digitaka e dua e kila na nomu ituvatuva, oka kina o a vosa vei ira baleta na cakacaka se koronivuli. Ena rawa me lewe ni Lotu o koya se dua ga na lewenivanua.

Na kena laurai na draunipepa ni daunivakasala ni dinau ena LVV ena mataveilawa ni LVV, ena gadrevi vei daunivakasala ni dinau ena LVV me tiko na nona akaude ni YDE. O na gadreva na itukutuku oqo maivei nomu daunivakasala me vakacavara na nomu kere dinau ena LVV ena initaneti:

1. Yaca Vakayagataki ni Akaude ni YDE (nomu digidigi) (Sa vakarautaki tu ki na tamata kecega na Akaude ni YDE)

2. Talevoni (taumada)

3. Talevoni (tarava)

4. Imeli

Ena veitaratara yani vei nomu daunivakasala ni dinau ena LVV e dua na vakailesilesi ni LVV me ciqoma na ilesilesi ni daunivakasala.

Na cava ena gadrevi vei noqu daunivakasala ni dinau ena LVV me kila ka cakava?

Me kila o nomu daunivakasala:

• Ni sega ni okati o koya ena dua na ka baleta na ilavo baleta na nomu dinau ena LVV

• Ni na vakayaloqaqataki iko ga ka vakasalataki iko ni ko sotava na ibolebole ni vuli, cakacaka, se sausaumi lesu ka vukei iko mo maroroya na nomu veivakadeitaki mo sauma lesu na dinau mai na LVV.

• Ni gadrevi me na ciqoma na nodratou qiri mai se itukutuku vakalivaliva na vakailesilesi ni LVV kei ira na iliuliu ni matabete me veivosakitaki na nomu cakacaka sa toso tiko.

• Ni dodonu me taqomaka na itukutuku ni nomu dinau.

• Vakadonuya ka duavata ni sa rawa ki na LVV me raica, taura, ka cakacaka ena itukutuku mai na itukutuku ni lewe ni Lotu me baleta na inaki e sema ki na nona ilesilesi vaka-daunivakasala ni dinau ena LVV.

Lesu ki na draunipepa 62

iTuvatuva ni Dinau ena LVV

Vakacavara na ituvatuva oqo e vale, sega ena gauna ni bose. Vakayagataka na itukutuku mai na nomu ivola ni cakacaka Vuli me Baleta na Cakacaka Vinaka . Vakaraitaka na ituvatuva oqo vei nomu iliuliu ni matabete ena gauna ni nomu vakatarogi me vakadonui na nomu dinau mai na LVV.

Noqu Daunivakasala (mai na ika 4 ni Macawa, draunipepa 71)

Yaca:

Yaca Vakayagataki ni Akaude ni YDE (nomu digidigi)

Talevoni (taumada)

Talevoni (tarava)

Imeli:

Noqu ituvatuva ni Cakacaka (mai na imatai ni Macawa, draunipepa 14)

NA NOQU ITUVATUVA NI CAKACAKA: NA CAKACAKA CAVA ENA VUKEI AU MEU BULA RAWATI AU?
Noqu Cakacaka ena Gauna Oqo
Levu ni auwa o cakacakataka ena dua na macawa (cakacaka kece):
iTutu ni Cakacaka (eso):
iSau ena veivula:

Cakacaka ni Mataka (me tiko ena Lisi ni Cakacaka Vakadonui ena VBR se dua tale na inaki me kerei)
iTutu ni cakacaka ni mataka:
iSau ni veivula e namaki (ni vakacavari na parokaramu):

Noqu ituvatuva ni Cakacaka (mai na ikarua ni Macawa, draunipepa 34)

NA NOQU ITUVATUVA NI VULI: NA VULI SE VEITUBERI CAVA AU NA RAWATA KINA NA NOQU CAKACAKA?
Koronivuli sa digitaki (mai na Lisi ni Koronivuli kei na Parokaramu Vakadonui ni VBR):
Koroi se parokaramu (mai na Lisi ni Koronivuli kei na Parokaramu Vakadonui ni VBR):
Cakacaka vakadonui (mai na Lisi ni Cakacaka Vakadonui ni VBR):
Mai na kerei oqo ni dinau, o na tekivu vuli ena gauna cava?
Tuvanaki ni qeretueti ena kena vula kei na yabaki:

iTuvatuva ni Dinau ena LVV (tomani tale)

Kequ iSau kei na Vakayagataki iLavo (mai na ikatolu ni Macawa, draunipepa 47)

WILIKA VATA NA ISAU ENA VEIVULA (oka kina na isau nei watimu, ke o vakamau)
iSau ni cakacaka
Cau ni matavuvale baleta na isau ni vuli
iSau tale eso
iSau tale eso (veivula)
“A” iSau Taucoko ena Veivula

WILIKA VATA NA VAKAYAGATAKI ILAVO ENA VEIVULA
iKatini, isolisoli
Maroroi ilavo
Kakana
Vale
Wai
iSau ni veiqaravi vakavuniwai
Sala ni veilakoyaki
Vakayagataki ilavo ena vuli
Saumi ni dinau
iSulu
Livaliva
Talevoni
Eso tale
“B” Levu Taucoko ni iLavo e Vakayagataki ena Veivula

Ia, oqo mo cakacakataka na levu ni ilavo o sauma kina na nomu vuli ena veivula:

“A” Levu Taucoko ni iSau ena Veivula – “B” Levu Taucoko ni iLavo e Vakayagataki ena veivula = “C” x 12 na (vula) = “D” .

Noqu ituvatuva ni Cakacaka (mai na imatai ni Macawa, draunipepa 48)

NA NOQU ITUVATUVA VAKAILAVO NI VULI (me baleta e dua na yabaki)	Koronivuli sa Digitaki
Sau ni Vuli (dua na yabaki)
Wilika vata na isau ni veitarogi kei na isau tale eso (curucuru, laiseni, setivikiti, iotioti ni veitarogi, kei na isau tale eso—dua na yabaki)	+
Wilika vata na ivola kei na iyaya (dua na yabaki)	+
Kauta laivi na sikolasivi se veivuke vakailavo (ke dua—dua na yabaki)	-
“E” iSau ni Noqu Vuli (dua na yabaki)	=
“D” Na cava e rawa ni da sauma (ena dua na yabaki)	-
“F” Kena vo mo sauma (dua na yabaki)	=

Veivakadonui nei Dauveivakarautaki

Sa mai vakacavara o (yaca) e va na lesoni ni Vuli Me Baleta na Cakacaka Vinaka ka sa tu vakarau me kere dinau mai na LVV.

Yacai koya na dauveivakarautaki

Saini nei Dauveivakarautaki

Tikinisiga

Veivakadonui nei iLiuliu ni Matabete

Sa vakarautaki tu na fomu oqo ena nomuni valenivolavola ni bula rawati koya ni iteki se ena initaneti ena srs.lds.org/pef. Kauta mai na nomu ituvatuva ni dinau ena LVV (draunipepa 73–74) ki na nomu veivakatarogi ni veivakadonui maivei iliuliu ni matabete.

iVakavuvuli Yaga ni Bula Rawati Koya me Baleti Ira na iLiuliu ni Matabete kei Ira era Kerekere

Vakabauti Jisu Karisito V&V 104:15; Ica 12:27	Nuitaka tiko ni sa inaki ni Kalou me vakarautaka na veika yaga vakayago vei ira na Nona Yalododonu ka sa tu Vua na kaukauwa kecega me cakava vakakina.
Talairawarawa V&V 130:21; Maciu 7:21	Na veivakalougatataki ni bula rawati koya ena vakatau ki na talairawarawa ki na lawa kei na cakacaka tabu sa virikotori kina na bula rawati koya.
Me Cakacaka na Tamata Yadua 2 Nifai 2:16, 26	Na bula rawati koya o ya na vukei iko vakai iko, sega ni soli. Mo na cakacaka. E dodonu mo cakacaka vakai iko, ka sega ni sagai mo cakava.
Duavata kei na Veiqaravi Mosese 7:18; V&V 56:16–17	E dodonu mera duabau na vutuniyau kei ira na dravudravua. E dodonu mera veilomani vakai ira.

Lesu ki na draunipepa 62

Sema ki na Initaneti ni Kere Dinau ena LVV

Ni ko via kere dinau mai na LVV, e dodonu mo na vakalewena na fomu ni kere dinau ena initaneti ena srs.lds.org/pef ena nomu vakayagataka na nomu Akaude ni YDE.

Sa rawa vei ira na daunivakasala ni dinau ena LVV e tiko na nodra Akaude ni YDE mera raica na nodra draunipepa ni daunivakasala ni dinau ena LVV e tiko ena mataveilawa ni LVV.

Ke o se qai lesu oti beka mai ena kaulotu, ka sa tiko na nomu Akaude ni YDE. Ke sega, sa rawa mo taura e dua na nomu Akaude ni YDE ena ldsaccount.lds.org.

Taro Raraba

1. Na cava na Akaude ni YDE?

   Na Akaude ni YDE sai koya na parokaramu ni nomu saini-e-loma (yaca vakayagataki kei na vosanicuru) me baleta e vuqa na mataveilawa ni Lotu, oka kina na ldsjobs.org, tuva kawa, kerecuru ni kaulotu ena initaneti, kei na mataveilawa ni tabanalevu se iteki.

2. E dodonu beka meu lewe ni Lotu i Jisu Karisito ni Yalododonu Edaidai meu qai vakayagataka kina na Akaude ni YDE?

   Sega, e sega ni gadrevi. Me vaka ni ra sa vakayagataka tiko na lewe ni Lotu na ikuri ni ivurevure e baleta tiko na nodra lewena na Lotu (e gadrevi ena dinau mai na LVV), sa rawa vua e dua na lewenivanua me rejisita ena dua na akaude ni “itokani” (oka kina o ira na daunivakasala ni dinau era sega ni lewenilotu).

3. Na itukutuku cava au na gadreva meu na rawata kina e dua na noqu Akaude ni YDE?

   Ke o lewe ni Lotu, o na gadreva na nomu naba ni lewenilotu, nomu tiki ni siganisucu, kei na imeli e bula tiko. Ena rawa mo raica na nomu naba ni lewenilotu ena nomu ivolatara ni valetabu se taroga vei nomudou vunivola ni tabanalevu se tabana. Ke sega ni lewe ni Lotu o nomu daunivakasala ni dinau, ena gadrevi vua me solia mai na yacana, tiki ni siganisucu, tagane se yalewa, kei na nona vanua.

   Ni gadrevi me raici na fomu ni kere dinau ena LVV ena initaneti, ena gadrevi na:

   1. iTukutuku taumada baleti iko kei na matavuvale

   2. Veivakadonui kei na saini nei iLiuliu ni Matabete

   3. Sa vakacavari na “iTuvatuva ni Dinau ena LVV”

      • iVakamacala baleti daunivakasala

      • iTuvatuva ni cakacaka

      • iTuvatuva ni Vuli

      • iTuvatuva Vakailavo Baleta na Vuli

      • Veivakadonui nei Dauveivakarautaki

Lesu ki na draunipepa 62

E Rua na Ligaqu ni Cakacaka

Mo ni dui wilika yadua na italanoa oqo nei Arturo, e dua na lewe ni Lotu mai Peru.

E sega ni ka rawarawa ni sa biu mai na buturara ni kaulotu. E levu sara ga noqu lalawa kei na tatadra; ia niu sa lesu mai au sa mai sotava na veika dina ni bula. A sega vei au na kila ni cakacaka ka takiveiyaga sara na isau. E dredre toka na kena laurai e dua na cakacaka.

E muri, au sa qai volitaki vuata, kau sauma mai na ilavo qori na vuli, veivuke e vale, ka sauma na noqu ikatini kei na isolisoli.

Au a cakava tiko mai me yacova na Sepiteba o ya. Niu sa volitaki vuata tiko, a cici mai dakuqu e dua na lori ni waini ka coqai au. A coqai au vata yani kei na lalaga ka vakaramusutaka vakaca na yavaqu imatau. Sa mai kau tani kina na yavaqu ka boko e dua na mataqu. A mavoa talega na ligaqu imatau kei na yavaqu imawi.

Ni sa oti kece oqori, au a rogoca na parofita ni kaya me sa vakawabokotaki na dravudravua, ka sa rawa vei ira na kaulotu oti e sega tu na nodra ivurevure ni ilavo mera na vuli tale. Ena tauyavutaki na iLavovure ni Vuli me baleti ira na itabagone era sa maqusa cecere tiko. E dina ni sa mai yali na yavaqu kei na mataqu ia e sega ni yali na noqu gagadre meu bula se tomana tiko na noqu tatadra. Au sa lewa meu vala ena vuku ni noqu lalawa.

Au sa vakavinavinakataka kina na iLavovure ni Vuli, niu a vakacavara na noqu vuli tara ena tolu na yabaki, kau sa gadreva eso tale. Au a kerecuru ka ciqomi mai na univesiti.

Sa dua tiko na noqu cakacaka ga vakai au meu mata-dauveivukei. Au dau vakarautaka na nodra qaravi na kasitama kei na veivuke ni gacagaca ni kompiuta ena vukudra eso na kabani mai na mataka me yacova na 4 na kaloko ena yakavi. Au dau ripeataka talega e vale na kompiuta. Ena yakavi au dau laki vuli. Au biubiu ena lima ka tekivu kalasi ena ono. E laki yacova sara na 11:00 na kaloko ena bogi na kalasi. Au qai vodo tekisi ena veimama ni 11:00 meu gole ki vale ena tadrua ni bogilevu kei na veimama ni 12:00. Au kana vakalailai, talevalesu noqu cakacaka ni vuli ka laki moce. Au yadra vakatotolo ena mataka e tarava meu laki cakacaka se vaqara cakacaka. Au cakacaka me yacova na 2:00 se 3:00 na kaloko ena yakavi ka gole yani ki univesiti.

Au sa vakavinavinaka vakalevu vua na Kalou ena vuku ni veika sa tu vei au. Au gadreva meu saumi Koya lesu ena so na sala ena vuku ni veika kece sa cakava o Koya vei au. E sega ni levu na ka au cakava ia au na dinau tu ga Vua. Au veiqaravi tiko vakavolodia ena valenivolavola ni veiqaravi ena valenivolavola ni Lotu ni iLavovure ni Vuli.

Ena rua veimama na yabaki mai oqo au raica niu sa na qeretueti meu idinia ni veiparokaramu. Ena lima na yabaki mai qo, au sa na cakacaka tiko ena dua na kabani levu meu tokoni iratou noqu matavuvale vakakina na noqu matavuvale e nimataka kei na luvequ.

Sa noqu inaki meu vakamau e valetabu. Oqo na vuna au laki vuli tiko kina, kei na vuna au cakacaka tiko kina. Oqo na vuna au vala tiko kina ena veisiga.

Au kila ni na sega ni rawarawa, ia au sa vulica ni Turaga ena sega ni solia vei keda e dua na vunau ke sega ni vakarautaka kina na kena sala.

Sa solia vei au o Koya na bula. Sa solia maivei au o Koya na iLavovure ni Vuli. Sa solia vei au e rua na ligaqu meu cakacaka kina, e dua na mona meu vakasama kina, e dua na gusu meu vosa kina, kei na dua na uto meu vakila na veika ka mua yani ki liu ena noqu tatadra.

Au kila ni sa rawa me yaco na ka kecega, me vaka a kaya o Paula: “Ia niu sa malumalumu au sa qai kaukauwa.” A vukei au na Turaga.

Na veika kece e tu vei au—noqu matavuvale, noqu koronivuli, vakakina na noqu bula—au sa dinau tu ga kina vua na Turaga. Na veika kecega e lako mai na Ligana kau sa vakavinavinaka kina.

Lesu ki na draunipepa 64