Vulica

Na gauna au sa vuli kina, au na rawa-ka vakacava?

Gauna:Vakarautaka na kaloko ki na 45 na miniti me baleta na iwasewase ni Vulica.

Wilika:Sa toso cake sara vakavinaka na noda tuvanaka na noda vuli. Ia na gauna eda sa na vuli dina tiko kina, na cava me caka meda rawa-ka kina?

Matai ni macawa	Karua ni macawa	Katolu ni macawa	Kava ni macawa	Kalima ni macawa	Kaono ni macawa
Na mataqali cakacaka vakacava ena vukei au meu bula rawati au?	Na mataqali vuli vakacava ena ganiti au kina na noqu cakacaka?	Meu na sauma vakacava na noqu vuli?	Meu kerea beka e dua na dinau ena iLavovure ni Vuli?	Meu na qaqa vakacava e valenivuli?	Meu na qaqa vakacava ena taudaku ni valenivuli?

Wilika:Ena macawa oqo, eda na kunea na isau ni taro oqo ka da na cakacakataka yani:

Wilika:TARO NI MACAWA—Meu na rawa-ka vakacava ena kalasi?

CAKACAKA NI MACAWA—Vaqaqacotaka meu talairawarawa ki na ivakavuvuli vakayalo ka vakatorocaketaka na noqu kila ni vuli kei na itovo.

Na cava e vakasalataki keda kina na Turaga meda vulica na ka?

Wilika:Sa vakasalataki keda na Turaga kei ira na Nona parofita meda vakasaqara na vuli kei na veituberi, rawata na kila me kunei na cakacaka vinaka, ka cakacaka vakaukauwa.

Sarasara:“Education Is the Key to Opportunity” (Sega na vidio? Wilika na draunipepa 93.)

Veivosaki:Ni wase mo ni yatolu ena dua na ilawalawa. Taura e vica na miniti mo ni veivosakitaka na taro eso oqo. Mo ni qai vakalelekataka na veika o ni sa vulica vakailawalawa.

1. Cava na vuna e vinakata kina vei keda na Turaga meda vuli ka tuberi? Ena rawa beka Vua me vukei keda meda rawa-ka?

2. Ena vukei keda vakacava na vuli kei na veituberi meda “vakarabailevutaka kina na veikacivi” sa solia vei keda na Kalou?

Meu vuli vakacava ena vakabauta?

Wilika:Wilika na ivolanikalou ena imatau.

“ Ia me vaka ni sa sega ni taucoko sara na nomudou vakabauta, dou gumatua sara mo dou veivakavulici vakataki kemudou ena veika mo dou yalomatua kina; dou gumatua sara mo dou kila ka; io ena vuli kei na vakabauta.

Vunau kei na Veiyalayalati 88:118

Vakatovotovo:Digitaka e dua na ivakavuvuli ena ituvatuva ka wilika vakai iko. Tarogi iko: “Ena veisautaka vakacava na ivakarau ni noqu vuli na ka oqo?”

IVAKAVUVULI NI VAKABAUTA
Mo bula kilikili tiko. “Kevaka dou vakadinata ka vakarorogo, dou na kania na veta ni vuata” (Aisea 1:19), “Ia ni da sa muria e dua na ivakaro, e na vakalougatataki keda na Kalou ena ka sa yalataki tu kina. (V&V 130:21).
Sureta na Yalotabu. “Na Dauveivakacegui … ena vakavulici kemudou ena ka kecega kau a vosataka vei kemudou” (Joni 14:26); “Dou vakasaqaqara vagumatua ka daumasu tikoga, ena vakabauta” (V&V 90:24).
Vakarorogo, vakananuma vakatitobu, vakadinata. “Dou rogoca na vosa i Jisu Karisito, na nomudou iVakabula” (V&V 29:1); “Ia sa kaya vakaoqo na domo lailai sa rogo yani” (V&V 85:6); “Kakua ni lako sese … kakua ni vakatitiqa, ia mo dou vakabauta ga” (Momani 9:27).
Mo cakacaka; vakayagataki iko. “Kevaka e dua na tamata sa via cakava na lomai koya, ena kila” (Joni 7:17); “Au na lako ka kitaka na ka sa vakarota na Turaga” (1 Nifai 3:7); “Sa kilikili mera gumatua ena cakacaka vinaka ko ira na tamata kecega … mera kalougata kina” (V&V 58:27).

Dou veivosakitaka vakailawalwa na veika ko ni sa vulica. O na vakayagataka vakacava na va na ivakavuvuli oqo ena nomu bula? O na vakavulica vakacava na veika oqo ki na nomu matavuvale?

Wilika:Eda rawa ni vuli ena vakabauta baleta ni da sa kila na dina! O Koya e noda Kalou ka da sa Nona tamata. E vinakata o Koya meda vakataki Koya. Sa rawa Vua na iVakabula meda tamata-yaco ena Nona kaukauwa. Sa rawa vua na Yalo Tabu me vakalevutaka na noda kila ka vukea meda daunanuma tiko. Baleta ni da sa kila na dina oqo, sa rawa ni yaco vei keda na vakabauta meda tamata cecere ena vuli-ka!

Meu na vulica vakacava ena vuli?

Wilika:Me ikuri ni vuli ena vakabauta, sa dodonu meda vulica ena vuli. Na vuli e oka kina na veika eda cakava ena loma ni kalasi kei na sala eda vakavakarau kina e taudaku ni kalasi. Na vo ni gauna ni bose oqo eda na raicamatua mada na idola kece oqo meda rawa-ka kina ena kalasi. Ena macawa mai oqo eda na veivosakitaka na vakavakarau ena taudaku ni kalasi.

Vulica ena vuli: ena loma ni kalasi

Toboka ka nanuma tiko na veika au sa vulica

Vakaitavi vagumatua, ka cau ena kalasi

Vulica ka sotava na nanamaki eso

Vulica mo ciqoma vagumatua na veivakayadrati eso

Meu na vola vakacava na vuli au sa toboka rawa?

Wilika:Eda volavola meda toboka na veika eda raica ka rogoca ena kalasi. Eda na raicalesu na itukutuku oqori meda nanuma kina na veika eda sa vulica.

Vakatovotovo:Digitaka e dua me wilika na “Vuli ni Bula Dina” ena draunipepa 94. O ira na vo ni ilawalawa mera na vakarorogo ka raica na itukutuku e ra. Sa toboka beka na itukutuku oqo na veika a kaya o Peresitedi Eyring?

1. Vola na ulutaga, yacai koya e vosa.

2. Ni ra sa vosa, vola na veika momona ena vanua lala oqo; me rawarawa toka ga.

3. Ni oti ga na kalasi, vakalelekataka na ka o vola ena vanua lala oqo.

4. Lewa na veika bibi mo nanuma tiko ka laki cakava.

VULI NI BULA DINA: HENRY B. EYRING
E vinakata na Turaga meu vuli; ena vukei au na Nona loloma soliwale	Na saumaki mai ena kauta mai na gagadre meda vuli
	E gadreva na Turaga meda vuli ka veiqaravi.
	Ena vukei keda na Nona loloma soliwale me totolo, ka vinaka cake na noda vuli
Na vuli e vakavuna meu veiqaravi	Na veika me vakaliuci o ya na vuli vakayalo
Na bula dina sai koya na bula tawamudu!	E kila na Turaga na cava e gadrevi meda cakava
	Na bula dina sai koya na bula tawamudu
	Na veika eda vulica ena tiko vata kei keda
	E vinakata na Kalou meda vuli, ka veiqaravi
	Masulaka vakalevu na vuli, ka vakararavi ga ki na Yalo Tabu

Veivosaki:Na cava o sa vulica ni ko vola na veika vinaka?

Vakatovotovo:Ia mo digitaka e dua me wilika na “Na Vuli kei ira na Yalododonu Edaidai” ena draunipepa 95. Vakarorogo ka volavola ena vanua lala e ra.

1. E cake, vola kina na ulutaga, o koya e vosa, kei na tikinisiga.

2. Ni ko sa vakarorogo tiko, vola sara na ivakavuvuli bibi ena imatau (vanua lala levu).

3. Ni oti nomu wiliwili, taura e rua na miniti mo vakalelekataka ena imawi.

4. E ra, vola na veika o gadreva mo veisautaka se cakava vakavinaka cake.

Veivosaki:Vakatauvatana na veika o vola kei na nodra na lewe ni ilawalawa. O a vola beka na veika vinaka? O na vakatovotovotaka vakacava na ka oqo me sa nomu itovo tudei?

Wilika:Meda nanuma na veika oqo meda toboka rawa na veika eda sa vulica:

• Vola na laini ena noda pepa ni volavola me vidai kina; vakamuria na ituvatuva.

• Toboka na ulu ni vakasama; qai vola malua na kena matailalai.

• Mo vakasamataka, nomu sa semata na itukutuku vou ki na dua na ka o sa kila oti tu.

Meu nanuma tiko vakacava na veika au sa vulica?

Wilika:Kevaka eda sa kilikili, sa rawa me veivuke na Yalo Tabu me “vakavulici [keda] ena ka kecega [ka] a vosataka vei [keda] (Joni 14:26). Eda na rawa ni vakalevutaka na veika meda nanuma ni da railesuva ena veitiki ni gauna. Era sa vakaraitaka na sainitisi ni sa rawa meda nanuma tiko na veika kece eda sa vulica kevaka eda na vakamuria na iwalewale e ra:

iTukutuku Vou	Oti e 1 na auwa	Oti e 1 na siga	Oti e 1 na macawa	Oti e 1 na vula
Wilika se vulica e dua na ka ena kalasi ka vola na veika eso	Taura e 10 na miniti mo railesuva na veika o vola	Taura e 10 na miniti mo railesuva tale; vakalelekataka na veika o vola	Taura e 10 na miniti mo railesuva tale	Taura e 10 na miniti mo railesuva tale; o na sega ni guilecava!

Veivosaki:O na veisautaka vakacava na ivakarau kei na gauna ni nomu vuli me oka kina na railesu oqo? O na cakava?

Meu na vakaitavi vagumatua vakacava ena kalasi?

Veivosaki:Na cava e bibi kina na vakaitavi ena kalasi se ilawalawa? Na cava o vakaraitaka vei qasenivuli ni ko vakaitavi tiko?

Vakatovotovo:Vakadikeva na ivakatagedegede ni nomu vakaitavi ena nomu sauma na taro oqo.

Makataka na “x” ena dua na kato e toka tikiva na kena itukutuku yadua me vakaraitaka na nomu ivakatagede ena tikina yadua oqo.
E na neimami ilawalawa ni bularawati koya, au sa vakarau. Au dau saumi taro ka vakaitavi vakawasoma.	Kakua sara ni	Eso na gauna	Vakawasoma	Ena veigauna
Niu tiko ena dua na kalasi ni vuli, au sa tu vakarau. Au cakava na noqu itavi, saumi taro, ka cakava na itaviqaravi e gadrevi.	Kakua sara ni	Eso na gauna	Vakawasoma	Ena veigauna
Au dau saga meu vukei ira ena noqu ilawalawa se kalasi ena noqu vakarorogo ka vuli vagumatua tiko se cakacaka vata kei ira.	Kakua sara ni	Eso na gauna	Vakawasoma	Ena veigauna
Au vuli ena veisiga; au tuvana noqu gauna ka vakamuria na noqu ituvatuva; kau caka ilesilesi ena kena gauna.	Kakua sara ni	Eso na gauna	Vakawasoma	Ena veigauna
Au saga meu vukei noqu qasenivuli se dauveivakarautaki ena noqu vakarorogo ka cakacaka vakalevu mai na kena e namaka tiko o koya.	Kakua sara ni	Eso na gauna	Vakawasoma	Ena veigauna

Veivosaki:O na vakatorocaketaka vakacava na nomu vakaitavi vagumatua ena veisiga?

Meu na gugumatua vakacava ena veitarogi?

Wilika:Ena rawa me dredre toka na veitarogi. Ia era sa gadrevi dina meda vakaraitaka kina na ivakatagedegede ni veika eda sa vulica. Sa noda ilesilesi kina—ia e ka vinaka kevaka eda gadreva meda rawa-ka!

Veivosaki:Vakailawalawa, mo ni wasea na nomuni vakasama baleta na taro oqo:

1. Na cava o sa bau cakava mo gugumatua ena veitarogi?

2. Na cava o rerevaka ena gauna ni veitarogi? O na valuti ira vakacava?

3. O na veisautaka vakacava na nomu vakavakarau ki na veitarogi?

Wilika:Oqo e so tale na ka e rawa ni da vakayacora meda gugumatua ena veitarogi:

• Masu ena vakabauta! Masu ni se bera na vuli kei na veitarogi.

• Cakacaka vakaukauwa mo vakavakarau kina; cakava ga na nomu veitarogi ni se bera na gauna.

• Vakayagataki gauna vinaka ena veitarogi; lewa na balavu ni gauna mo vakayagataka ena dua na taro se iwasewase ni ko sa tekivu.

• Wilika vakavinaka ka wilika tale na ivakasala: na cava sara e gadrevi tiko kina?

• Vakaotia mada e liu na taro rawarawa mo yalodei kina, ka qai lesu ki na kena vo.

• Taroga ena musu na kemu maka ni ko sauma cala; ke sega, vakasamataka ga.

Meu na cakava vakacava na ka e gadreva o qasenivuli?

Veivosaki:Na cava e bibi kina mo kila ka cakava na ka e namaka o qasenivuli?

Vakatovotovo:Vuki ki na dua tale na lewe ni ilawalawa. E dua me qasenivuli ka dua vei kemudrau me gonenivuli. O gonenivuli me tarogi qasenivuli ena taro e ra. O qasenivuli me qara na kena isau. Drau qai veisau ka tomani tale.

1. Meu na qaqa vakacava e valenivuli?

2. Na cava o gadreva me keimami vulica ka cakava?

3. O na vakatagedegedetaka vakacava na noqu cakacaka?

4. Na cava o vakabibitaka cake vakalevu? Vakaitavi, totolo, vakavakarau? Dua tale na ka?

Veivosaki:Ia oqo ni o sa mai vakatovotovotaka, o na cakava beka vei ira nomu qasenivuli dina? O na cakava beka ena gauna cava?