Vulica

Meu kerea beka e dua na dinau ena iLavovure ni Vuli?

Gauna:Vakarautaka na kaloko ki na 30 na miniti me baleta na iwasewase ni Vulica.

Wilika:Eda sa vakasamataka na sala eso me saumi kina na noda vuli. E dua me digitaki o ya na dinau mai na iLavovure ni Vuli (LVV).

Matai ni macawa	Karua ni macawa	Katolu ni macawa	Kava ni macawa	Kalima ni macawa	Kaono ni macawa
Na mataqali cakacaka vakacava ena vukei au meu bula rawati au?	Na mataqali vuli vakacava ena ganiti au kina na noqu cakacaka?	Meu na sauma vakacava na noqu vuli?	Meu kerea beka e dua na dinau ena iLavovure ni Vuli?	Meu na qaqa vakacava e valenivuli?	Meu na qaqa vakacava ena taudaku ni valenivuli?

Wilika:Ena macawa oqo, eda na kunea na isau ni taro oqo ka da na cakacakataka yani:

Wilika:TARO NI MACAWA—Meu kerea beka e dua na dinau ena iLavovure ni Vuli?

CAKACAKA NI MACAWA—Au na vakatulewa vata kei na noqu matavuvale meu na dinau se sega mai na LVV. Ke sa vinaka vei au na dinau mai na LVV, au na vakalewena na fomu ni kerekere.

Na cava na dinau mai na iLavovure ni Vuli?.

Sarasara:“Na cava e dua na dinau ni LVV?” (Sega na vidio? Wilika na draunipepa 68.)

Veivosaki:

Na vakasama se nanuma cava e yaco vei iko ni ko sarava na vidio?

Vakatovotovo:Mo ni yarua se yatolu ena dua na timi. Oi kemuni yadua mo ni wilika na vosa oqo nei Peresitedi Gordon B. Hinckley baleti ira era taura na dinau mai na LVV.

“[Era] na vulica … na kila sa gadrevi tu vakalevu. … Ni sa tu vei ira na kila ni cakacaka, era na lako tani mai na dravudravua, … o ira na cauravou kei na goneyalewa oqo. … Na vuli sa idola ki na veigauna vinaka” (“Na iLavovure ni Vuli,” Ensign, Me 2001, 52–53).

“Era na vakamau ka toso ki liu ena kila vakacakacaka ka na rawa kina ni rawa ka vakavinaka ka ra tu ena veitutu vakaitikotiko me ra cau kina vakalevu sara,” (“The Church Goes Forward,” Ensign, Me 2002, 6–7).

“Era na yaco mera iliuliu ena cakacaka cecere oqo ena nodra dui vanua. Era na sauma na nodra ikatini kei na isolisoli, ka sa na rawa kina vua na Lotu me vakalevutaka na nona cakacaka ena veiyasai vuravura” (“Reaching Down to Lift Another,” Ensign, Nove. 2001, 53–54).

“[Era] na sauma lesu na ilavo, ni ra sa cakava oqo, era na vakila na yalo e veivakacegui baleta ni ra sa vakatorocaketaka na nodra bula. … Era na rai cake ena yalo ni bula galala” (“Na iLavovure ni Vuli,” Ensign, Me 2001, 53).

Veivosaki:Na yalayala cava e cake e bibi vei iko? Ena duatani vakacava na bula kivei iko kei na nomu matavuvale kevaka era na vakayacori na yalayala oqo?

O cei e rawa me ciqoma e dua na dinau mai na LVV?

Wilika:Taumada, a vakarautaki tu na dinau ni LVV me baleti ira walega na kaulotu oti yabaki 18 ki na 30. Ia ena gauna oqo sa rawa kivei ira kece na lewe ni Lotu vakailavaki yabaki 18 ka sivia. Meda raica mada na veika e gadrevi kina. (Na vakadonui ni veika tale eso baleta na ka e gadrevi ena vakadonui mai vei ira na iliuliu ni matabete me sotavi kina na gagadre e duidui sara.)

Vakatovotovo:Vukica na nomu idabedabe me donuya e dua na lewe ni ilawalawa. Mo ni wilika vata na veika e gadrevi ena imawi ni kato e ra. Mo qai vola e dua na laini ki na vosa ena imatau e vakatawana na tikina e lala toka. Oqo e dua na kena ivakaraitaki.

E DODONU VEI KOYA E DINAU MAI NA LVV ME:
E gugumatua tiko na nona lewena na Lotu ka veiqaravi tiko ena veikacivi ni .	inisitute
Vakadonui mai vei ira na nona iliuliu ni matabete ni sa kilikili, na nodra gadreva na veivuke vakailavo, ka yalodina ni ra na rawata na nodra inaki.	18 se qase cake
Yabaki .	veikacivi
Vuli tiko ena dua na parokaramu kei na koronivuli e .	Vuli me baleta na Cakacaka Vinaka Cake
Vakavakarau tiko ena vakaitavi ena dua na ilawalawa ka vakacavara na ituvatuva ni dinau mai na LVV.	valetabu
Vakaitikotiko, cakacaka, ka vuli tiko ena koronivuli ena vanua e .	ena Lisi ni Koronivuli kei na Parokaramu Vakadonui
Vakadeitaki koya ena bula dodonu kei na bula rawati koya mai .	daunivakasala
iTokani kei na dua na , a vukei ira na vakaitavi mera gugumatua ena vuli, cakacaka, kei na saumi lesu ni dinau.	Sa vakadonui na dinau mai na LVV
Tiko ena , kevaka e itabagone qase cake.	sauma taucoko tiko na dinau

Yalovinaka mo rai ki na draunipepa 69 me vukea na kena kilai vinaka na veika e gadrevi.

E cakacaka vakacava na dinau mai na LVV?

Veivosaki:Wilika vakalekaleka na tikidua ni LVV ni nomu vanua, e oka kina na idusidusi ni dinau ni LVV ni nomu vanua. Na cava o sa vulica?

Wilika:Ni da cakava vakavinaka, sa rawa me torosobu na noda saumi dinau. Na levu taucoko ni dinau me saumi ena rawa me vakalailaitaki ena gauna eda (1) rawata kina na maka vinaka, (2) qeretueti, (3) sotava na inaki ni noda cakacaka, kei na (4) noda sauma tiko noda dinau ena kena gauna donu. Kevaka eda na vakayacora na veika oqo, eda na dolei ena noda cakacaka vinaka, ka na vakalailaitaki na levu ni ilavo e dodonu meda sauma lesu.

Me baleta na ikuri ni ivakamacala ni dinau ni LVV, raica na draunipepa 70. Mo wilika tale vakavinaka e vale na ivakamacala oqo. Sa rawa talega mo tarogi iratou na valenivolavola ni bula rawati koya.

Veivosaki:E tiko tale eso na nomu vakatataro e rawa ni sauma na ilawalawa?

Me’u na kerekere vakacava?

Wilika:Oqo na veikalawa ni kere dinau mai na LVV. Me dua na nomu itokani mo drau vulica vata na ivakamacala e gadrevi ki na veikalawa yadua. Gole ki na draunipepa me baleta na veikalawa yadua mo drau qai dui wilika (ia me kakua ni vakaleweni na itukutuku era tiko ena draunipepa ka dua). Mo qai gole ki na draunipepa oqo ka tikitaka na kato ena ikalawa o ya.

Veivosaki:Sa tu kece beka vei iko na itukutuku e gadrevi mo vakacavara kina na veikalawa oqo? Ke sega, mo na taura mai vakacava?

Na cava ena yaco niu sa kerekere oti?

Wilika:Ni da sa vakalewena oti na fomu ni kere dinau, oqo na ka ena yaco.

¹O sa na vakauta yani na nomu kerekere

²Era na vakadikeva na vakailesilesi ni LVV kei ira na iliuliu na nomu kerekere.

³Ke sa vakadonui mai na nomu kerekere, o na vakadonuya na lawa ni dinau ena mataveilawa ni LVV ena initaneti.

⁴Ena vakatarogi iko ena talevoni e dua na kenadau ena LVV ka vakatarogi nomu daunivakasala talega ena talevoni

⁵O na rejisita ena koronivuli ka kerea me na saumi ga na koronivuli

Veivosaki:E dua beka na taro? Ke o sega ni kila na isau ni taro, gole ki na valenivolavola ni bula rawati koya e voleka duadua.

Ni oti na bose, ke tiko vei nomu dauveivakarautaki na Initaneti, sa rawa vua me dolava na mataveilawa ni kere dinau ni LVV ka vakaraitaka na kena vakayagataki.

Au na sausaumi vakacava?

Wilika:Na dinau mai na LVV e sega ni iloloma ka sa gadrevi meda na sauma lesu. Eda sa vakadeitaka ni da na sauma lesu. Eda cakava na veivakadeitaki oqo ena gauna eda a vakatarogi kina mai vei ira na noda iliuliu ni matabete me vakadonui na noda dinau ni LVV kei na noda vakacavara na kerekere ena initaneti.

Na noda sausaumi lesu ni dinau ena vakarautaka na ilavo vei ira eso tale mera dinau ki na LVV ena veisiga ni mataka, oka kina o ira na lewe ni noda iteki se tikina. Kevaka eda na sega ni sausaumi lesu, sa na sega na ilavo ni dinau mai na LVV e ni mataka.

Wilika na vosa ena imatau.

Veivosaki:Na cava e bibi kina na kena saumi lesu na dinau ni LVV? Vakasamataka mada na vuna oqo:

Doka na veika sa vakadeitaki ka toroi cake na gugumatua ni kena maroroi na veiyalayalati.
Vakarautaki ira eso tale ki na madigi mera taura e dua na dinau.
Ciqoma na veivakalougatataki sa yalataki tu me baleti iko kei na nomu matavuvale.
Vakalevutaka na nomu vakabauti Jisu Karisito ka yaco mo bula rawati iko.

Wilika:Ena kena vakadeitaki meda kila na sala meda sauma lesu kina na dinau, sa dodonu meda cakava na imatai ni noda sausaumi ni bera ni taura na noda koronivuli na ilavo.

Me kila o dauveivakarautaki: Veisoliyaka na ivakasala baleta na sausaumi ena nomu vanua.

Mo ni raica vata vakalekaleka na ivakasala ni sausaumi ena nomuni vanua.

Na cava me na caka me rawati kina na dinau mai na LVV?

Sarasara:“I Have Two Hands to Work” (Sega na vidio? Wilika na draunipepa 78.)

Veivosaki:Digitaka e dua na vosa mo vakamacalataka kina na lomamu baleta na vidio oqo. Wasea na nomu vosa o ya.

Mai na veika o sa kila rawa, o na digitaka beka mo dinau mai na LVV? Na cava o rawa ni cakava ena loma ni macawa mo vakatulewa vakavinaka sara ena digidigi oqo?

Wilika:Ni da sa tubu cake tiko, eda sa sega ni tiko duadua. Meda qai nanuma tiko: “Au sa rawata na ka kecega ena vuku i Karisito o koya sa vakaukauwataki au” (Filipai 4:13).