Ripote

Au maroroya tiko beka na noqu veivakadeitaki?

Gauna:Tuvanaka na kaloko ki na 20 na miniti ena draunipepa ga oqo (sega ni iwasewase taucoko ni Ripote).

Vakatovotovo:Meda ripotetaka na noda veivakadeitaki. O ira kece era a maroroya na nodra veivakadeitaki, yalovinaka ni tucake. (Vakasausau.)

Wilika:Ni tucake taucoko. E dodonu meda maroroya na noda veivakadeitaki taucoko. Oqo e dua vei ira na nodra itovo tudei na bula rawati ira. Meda cavuta vata na noda itoko.

“Raica sa noqu inaki meu vakarautaka na veika oqo me yaga vei ira na noqu tamata, ia au sa lewa na ka kecega.”

Vunau kei na Veiyalayalati 104:15

Ni da sa vakabauta na Turaga, eda sa na cakacaka vata tiko meda bula rawati keda.

Wilika:Meda dabe sobu tale.

Veivosaki:Na cava o sa vulica ena nomu maroroya tiko na nomu veivakadeitaki ena macawa oqo? O gadreva beka me vukei iko na ilawalawa?

Noqu tubu cake

Gauna:Vakarautaka na kaloko ki na 15 na miniti me baleta na draunipepa walega oqo.

Wilika:Meda ripotetaka na noda tubu cake eda sa rawata toka. Na vidio oqo ena vukei keda meda raica na sala meda cakava kina oqo.

Sarasara:“Ripotetaka na Noqu Tubucake” (Sega na vidio? Wilika na draunipepa 92.)

Vakatovotovo:Ena gauna oqo era na wasea na lewe ni ilawalawa na nodra tubu cake ena vica na macawa sa oti. Wilika mada e liu na ivakasala oqo.

1. Taura e dua na miniti vakai iko mo vakasamataka na isau ni taro bibi e ra. Na itukutuku e dodonu me sa tiko ena nomu ivola ni cakacaka ni veimacawa sa oti.

2. Ni sa vakarau taucoko na tamata, mo ni qai dui vakamacalataka na nomuni isau ni taro vei nomuni itokani ni cakacaka. Raica mo kerea na nodra nanuma.

NOQU TUBU CAKE KI NA VULI ME BALETA NA CAKACAKA VINAKA CAKE

Na cava au gadreva kina meu bula rawati au cake kina vakalevu? Na isau cava au gadreva meu na bula rawati au kina? Na mataqali cakacaka cava e nimataka au sa digitaka meu taura kina na isau o ya? Na veituberi se vuli cava au gadreva meu rawata kina na noqu cakacaka e nimataka? Na koronivuli se parokaramu cava au sa digitaka? Na cava na vuna? Au sa kila tiko beka na isau ni noqu vuli? Au na sauma beka vakacava? Cakacaka? Matavuvale? Dinau? Ena gadrevi beka meu kere dinau mai na LVV me saumi kina? Ke sa vakakina, au sa raica beka e dua na daunivakasala ka veitaratara kei noqu iliuliu ni matabete? Ke sa vakakina, au sa vakalewena beka na fomu ni kere dinau? Oqo na ka au leqataka tiko vakalevu se vakataroga tiko: Dua beka na vakasama se ivakasala?