Vulica

Meu na vakarautaki au vakacava ki na taudaku ni kalasi?

Gauna:Vakarautaka na kaloko ki na 60 na miniti me baleta na iwasewase ni Vulica.

Wilika:Ena macawa sa oti, eda a veivosakitaka kina na sala meda vuli kina ena vakabauta vakakina noda vulica ena vuli ena kalasi. Ena macawa oqo, eda na raimatua ki na sala meda vakavakarau ena taudaku ni kalasi.

Matai ni macawa	Karua ni macawa	Katolu ni macawa	Kava ni macawa	Kalima ni macawa	Kaono ni macawa
Na mataqali cakacaka vakacava ena vukei au meu bula rawati au?	Na mataqali vuli vakacava ena ganiti au kina na noqu cakacaka?	Meu na sauma vakacava na noqu vuli?	Meu kerea beka e dua na dinau ena iLavovure ni Vuli?	Meu na qaqa vakacava e valenivuli?	Meu na qaqa vakacava ena taudaku ni valenivuli?

Wilika:Ena macawa oqo, eda na kunea na isau ni taro oqo ka da na cakacakataka yani:

Wilika:TARO NI MACAWA—Meu na rawa-ka vakacava ena taudaku ni kalasi?

CAKACAKA NI MACAWA—Vaqaqacotaka na noqu vakavakarau vakayalo ka vakatorocaketaka na noqu kila kei na itovo, oka kina na cakacaka vata kei ira na tamata ka vakacavara na ilesilesi.

Meu na vakarautaki au vakacava vakayalo?

Wilika:Eda sa kalougata cake ni da vakasaqara na vuli. Sa rawa meda muria na Yalo Tabu, ni sa kila o koya na dina ni veika kecega! E dina ga ni da osooso sara, meda vakayagataka na gauna ena veisiga meda vakavakarau vakayalo. Sa na qai vukei keda na Yalotabu meda vakavukui vakatotolo ka nanuma vakalevu.

“O iko kei au daru mai tiko ena vuravura oqo me daru vakavakarau ki na veigauna tawamudu, me daru vulica na vuli, vulica na veika vakayago e bibi ka yaga tawamudu, ka vukei ira na tamata mera vulica na vuku kei na dina [raica na V&V 97:1].”

David A. Bednar, “Learning to Love Learning,” Ensign, Fepe. 2010, 27

Sarasara:“Spiritually Prepared” (Sega na vidio? Wilika na draunipepa 112.)

Veivosaki:Eda sa rawata vakacava na veidusimaki ni Yalotabu? E vukei keda vakacava na Yalotabu meda vuli?

Wilika:Oqo eso na idola ki na vakavakarau vakayalo:

• Masu ena mataka kei na bogi; masu ni bera kei na kena oti na vuli; kerea na Tamada Vakalomalagi me vakalougatataka na noda vakasama kei na noda sasaga.

• Wilika na veiivolanikalou e veisiga.

• Talairawarawa ki na vunau; taqomaki keda meda savasava ka dodonu tiko.

• Qaravi ira na tamata; vukei ira eso mera vuli vata kei keda.

Vakatovotovo:E tiko ena jata e ra na ivakavuvuli ena vukei iko mo vakavakarau vakayalo ka rawa-ka ena nomu vuli.

Vakasamataka na veika o sa yacova tiko ena veivanua e ra. Vola na sala eso mo torocake kina.

Au vakila ni vukei au na Yalotabu ka cakacaka maivei au.
Na noqu gagadre meu vuli, noqu taleitaka na vuli, kei na noqu gugumatua meu vuli sa tubu cake tikoga.
Au sa talairawarawa ki na vunau ni Kalou kau sa vakayagataka na ivakavuvuli mana ni vuli.
Au vuli ena veisiga; au tuvana noqu gauna ka vakamuria na noqu ituvatuva; kau caka ilesilesi ena kena gauna.
Au sa tauyavutaka na itovo sa Vakarisito ka vukei ira eso mera cakava vakakina.

Veivosaki:Na veivakadeitaki cava eda rawa ni cakava meda vakatorocaketaka kina na noda vakavakarau vakayalo? Eda na veivukei vakacava vakai keda meda maroroya kina na veivakadeitaki oqo?

Meu na qaqa vakacava ena taudaku ni valenivuli?

Wilika:Oqo e va na idola ni rawa-ka ni da vakavakarau e taudaku ni kalasi. Eda na vulica na kena vakayadua.

Vulica ena vuli: vakavakarau e taudaku ni kalasi

Tuvanaka na vuli e mana

Cakacaka ka vuli vata kei ira eso.

Wiliwili mo kila vinaka ka nanuma tiko.

Vakacavara na ilesilesi ena gauna yalataki

Meu na tuvanaka vakacava na vuli e mana?

Veivosaki:Na cava e bibi kina mo tuvanaka na vanua kei na gauna o na vuli kina? Na cava e bibi kina mo vakatulewataka vakavinaka kina na nomu gauna?

Vakatovotovo:Gole vua e dua tale na lewe ni ilawalawa. Mo drau veivukei ena vakatulewataki na gauna kei na vanua ni vuli ni sa tekivu.

1. O rawa ni kunea beka e dua na vanua ni vuli ena veisiga e savasava ka vakanomodi? O na laki vuli evei?

2. O rawa ni tuvanaka mo vuli ena dua na gauna ena veisiga?

Moni. Tusi. Vukelulu

Lotu. Vakaraubuka Vakarauwai

Vakatovotovo:Vata kei na dua tale na lewe ni ilawalawa, vola na veileqa eso ena rawa ni vakataotaki iko mo vuli ena veisiga. Mo lewa oqo na sala me vakavinakataki kina na leqa oqo.

NA CAVA BEKA ENA VAKATAOTAKI AU MEU VULI?	MEU NA WALIA VAKACAVA NA LEQA OQO?
Era kosakosa tiko na neiba.	Kerea vakavinaka vei ira mera muduka mai na 3-5 na kaloko ena yakavi.

Meu na qaqa vakacava ena taudaku ni kalasi?

Wilika:Eso era vuli vakavinaka cake vakailawalawa. Sa ivakaraitaki levu na noda ilawalawa ni bula rawati koya!

Veivosaki:E yaco vakacava na ilawalawa ni bula rawati koya me vanua vinaka ni vuli? Ena veivuke vakacava na noda ilawalawa mo cakacaka ka vakailesilesi kina?

Wilika:Ni da vuli tiko e koronivuli, era tiko voliti keda na lewe ni kalasi. Era sa saga tale tikoga mera vuli. Kevaka eda sa raici ira rawa na tamata digitaki, era rawa ni vukei keda ka rawa meda vukei ira.

Veivosaki:Veivosakitaka na idola oqo me baleta na vuli vakailawalawa e mana. Veivosakitaka e dua na gauna o a rawa-ka vakalevu mai na dua na ilawalawa ni vuli. Veivosakitaka na gauna o a sega ni rawa-ka sara. Na cava na kena duidui?

• Vakasaqarai ira na gonenivuli vinaka duadua mo ni cakacaka vata—vakabibi o ira era sa vakadeitaki ira me vakataki iko.

• Tuvanaka na gauna tudei ni vuli vata.

• Me tekivu na gauna ni vuli yadua, mo vakadeitaka e dua na lalawa digitaki.

• Vakacavara na gauna ni vuli yadua ena nomu cakava na veivakadeitaki—na veika cava o drau na cakava yadua kei na gauna me caka kina?

• Mo drau marautaka ia mo drau raimatua tiko.

• Mo tu vakarau ka cakava na nomu itavi. Vukei ira nomu lewe ni ilawalawa mera vuli. Vuli vakalevu sara maivei ira ena kena levu.

Vakatovotovo:O na vakayagataka vakacava na ilawalawa ni vuli me vakalevutaka na nomu vuli me mana? Vola na nomu vakasama ka mo qai cakava.

Meu kila vinaka ka nanuma tiko vakacava na veika au sa wilika?

Wilika:Ena rairai na levu beka na wiliwili e koronivuli. E levu sara na veika eda rawa ni cakava meda kila vinaka ka nanuma tiko na veika eda sa wilika.

Veivosaki:Veivosakitaka na veikalawa oqo ena vukea mo kila vinaka, nanuma tiko, ka vakayagataka na veika o sa wilika.

1. Mo ni masu. Kerea na Yalotabu me vukei iko mo kila vinaka ka nanuma tiko.

2. Cakava e dua na ituvatuva. Vola na ulu ni vakasama o sa wilika oti. Mo qai kuria kina na vakasama veitokoni, dina, kei na fika. Raicalesu tale na itukutuku oqo ena siga o ya, ni oti e dua na macawa, kei na dua na vula.

3. Ke nomu na ivolavakarau, lainitaka se makataka na veivosa bibi kei na veitikina vou; vola na kedra ibalebale ena kedra maliwa.

4. Volavola ena kedra maliwa; vakaraitaka na isema kei na cakacaka; cokota vata na itukutuku ki na veika o sa kila tu.

5. Vakatarogi iko mada, vakasaqra na sala mo vakayagataka ka bulataka na itukutuku oqo.

Vakatovotovo:Me raica vata na ilawalawa na itukutuku oqo. E vakayagataka vakacava o koya a wiliwili na vakasama e cake? Raicalesu na ituvatuva ni vuli nei koya e wilika ena draunipepa e tarava. Na cava o vulica baleta na wiliwili e mana?

NA TOLU NA D NI DIGIDIGI

Peresitedi Thomas S. Monson

Au a vakasamataka tiko walega oqo na digidigi kei na kena revurevu. … Niu vakasamataka voli tiko na veimataqali gacagaca ni digidigi, au sa biuti ira kina ena tolu na iwasewase: iMatai, na dodonu ni digidigi; ikarua, na dodonu ni ilesilesi ni digidigi; kei na ikatolu, na revurevu ni digidigi. …

Au a tukuna taumada na dodonu ni digidigi. Au sa vakavinavinaka ki na Tamada Vakalomalagi dauloloma ena vuku ni Nona isolisoli ni galala, se na dodonu mo digidigi. … Eda kila vinaka tu ni a soli vei keda na galala ni bera na vuravura oqo ka a saga o Lusefa me kauta tani maivei keda. … Oi keda eda a digitaka na ituvatuva ni iVakabula eda kila tu ni da na lakova mai e dua na ilakolako tawamacala, ka dredre, ni da sa lako tu ena sala kei vuravura kei na ivalavala ca ka da lutu kina, ka tagutuvi maivua na Tamada. Ia na Ulumatua ena Yalo a soli Koya me isoro me sorovaka na noda ivalavala ca na tamata kecega. … Kemuni na taciqu, se cava ga na veika eda sa kovuti tu kina, ena tiko ga vei keda na dodonu ni digidigi.

Masu: Au vakila niu gadreva na itukutuku oqo.

“Galala” sai koya na dodonu ni digidigi.

Na Veisorovaki ena rawa me vakavinakataka na digidigi cala kevaka au veivutuni.

NA TOLU NA D NI DIGIDIGI (TOMANI)

Tarava, ena dodonu ni digidigi ena yaco mai kina na kena ilesilesi ni digidigi. … E biuti keda mai ena bula oqo na Tamada Vakalomalagi kei na iyaragi meda rawa kina ni ciqoma mai Vua na veidusimaki va-Kalou mena vukea na noda lesu bula tale ni cava na bula ena vuravura oqo. Au tukuna tiko qo na masu. Au tukuna talega eke na vakasolokakana ni domo lailai rogo vinaka e tiko e lomada yadua, kau sega ni raibaleta na ivolanikalou savasava, era vola o ira na dausoko era sokota bula yani na veiwasawasa e dodonu talega meda kosova. … Na vakatulewa ena vakadeitaka na icavacava. …

Kena iotioti … au tukuna eke na macala ni digidigi. Na noda digidigi kece e tiko na kena revurevu. … O ni sucu turaga. Na bula tawamudu ena matanitu nei Tamada sa nomu lalawa. Na lalawa vakaoqo ena sega ni rawati ena dua ga na gauna ia e rawa ena ivalavala dodonu ni bula taucoko, na kena vakasokomuni tiko ni digidigi vuku. …

Meda sa qai vakasinaiti ena vakavinavinaka ena vuku ni digidigi dodonu, ciqoma na ilesilesi ni digidigi ka vakasamataka tiko na macala ni digidigi. O keda na nona mata na Turaga o Jisu Karisito. O keda, me vakataki ira ena gauna makawa, eda sa rogoca na Nona kaci. Eda sa Nona italai. (Ensign se Liaona, Nove. 2010, 67–70)

Au na gadreva meu vakarorogo vakavinaka niu dau masu.

Au vulica na ka oqo ena noqu kaulotu.

E semati vakacava oqo ki na noqu lalawa?

ITUVATUVA NI VULI (ENA IVOLANIVEISIGA NI VULI)

1. Dodonu ni Digidigi

   Sa tu vei keda na galala; sa solia vei keda na Turaga na digidigi.

2. Galala ni Digidigi

3. Macala ni noda digidigi

   Sotavi ni lalawa ni da vakayacora na digidigi vinaka ena veigauna

4. Macala ni noda digidigi

   Sotavi ni lalawa ni da vakayacora na digidigi vinaka ena veigauna

Vakatovotovo:Vakai iko ga, raica na draunipepa 113 ka wilika na “Vakasaqara na Vuli ena Vakabauta.” Cakacaka kaukauwa mo kila vinaka ka nanuma tiko. Cakava na lima na ikalawa ena draunipepa 104.

Kakua ni lesu ki na itukutuku, ia mo vakatarogi mada ena veika o sa wilika. O a wiliwili beka mo kila vinaka ka nanuma tiko?

1. Na cava eda gadreva meda cakava meda vuli ena vakabauta?

2. Na cava e bibi kina meda dui vakasaqara na vuli ena vakabauta?

3. A vakaraitaka vakacava o Josefa Simici ni a vinakata me vuli ena vakabauta?

Veivosaki:O na vakayagataka vakacava na lima na ikalawa ni vuli oqo mo nanuma tiko kina vakavinaka na itukutuku?

Meu na vakacavara vakacava na ilesilesi?

Wilika:Meda na kila vinaka ka vakacavara vakacava na noda ilesilesi ena kena gauna yalataki? Meda cakava vakacava na noda vinaka duadua? Oqo na vakatataro era sotava tiko na gonenivuli yadua.

Veivosaki:Na cava o sa bau cakava mo kila vinaka na ilesilesi? Na cava e sa vukei iko mo vakacavara vakavinaka kina na ilesilesi ena kena gauna?

Wilika:E veivuke ki na kena nanumi tiko ni itekitekivu vinaka ena laki cava ga ena vinaka. Ni da sa ciqoma e dua na ilesilesi, e vinaka sara meda tuvanaka ka tekivu totolo sara!

Vakatovotovo:Dikevi iko mada ena itaviqaravi oqo. Makataka na “x” ena dua na kato e toka tikiva na kena itukutuku yadua me vakaraitaka na nomu ivakatagede ena tikina yadua oqo. Cakava tiko oqo ena veimacawa e tarava mo torocake kina.

Au na taro tiko me yacova niu sa kila vinaka e dua na ilesilesi.	Kakua vakadua	Eso na gauna	Vakawasoma	Ena veigauna
Niu dau ciqoma e dua na ilesilesi se cakacaka, au dau vola ena volanivula na tikinisiga me oti kina kau tuvanaka na veikalawa meu vakacavara kina.	Kakua vakadua	Eso na gauna	Vakawasoma	Ena veigauna
Au sa vakadeitaka meu kila na noqu ivakatagedegede, ka vulica meu cakava taucoko na veika e gadrevi meu rawa-ka kina.	Kakua vakadua	Eso na gauna	Vakawasoma	Ena veigauna
Au cakacakataka meu vakacavara vakatotolo na noqu ilesilesi. Au sega ni lokuyara.	Kakua vakadua	Eso na gauna	Vakawasoma	Ena veigauna
Ke rawa, au na wasea na noqu tubu vua e dua na qasenivuli ka kere veivuke ke gadrevi ni bera ni cava na gauna ni ilesilesi.	Kakua vakadua	Eso na gauna	Vakawasoma	Ena veigauna

Veivakadeitaki kei na gugumatua

Wilika:Eda sa vakadeitaka beka meda vulica “ena vuli kei na vakabauta” (V&V 88:118)? Eda sa vakadeitaka tiko meda sasaga tikoga ka kakua vakadua ni soro?

Eda vakabauta li ni Yalo Tabu ena rawa me vakatataki keda kevaka eda sa kilikili? Eda sa vuli tiko beka meda laki veiqaravi yani?

Veivosaki:Meda veivukei vakacava meda rawa-ka kina?

Vakatovotovo:E vale, raica na nomu vakavakarau mo rawa-ka ena draunipepa 114.

Au sa bularawati au tiko beka vakalevu?

Gauna:Vakarautaka na kaloko ki na 15 na miniti me baleta na draunipepa walega oqo.

Wilika:Na noda lalawa meda bula rawati keda, ena ka vakayago kei na ka vakayalo. Na rawati ni vuli kei na dua na cakacaka sa tiki walega ni lalawa oqo. Na vakalevutaki ni noda vakabauta kei na tubu vakayalo sa dua tale na tikina.

Veivosaki:O sa bula rawati iko beka vakalevu ena nomu cakava ka vakavulica na ivakavuvuli ni Noqu Yavu?

Vakatovotovo:O sa bularawati iko tiko vakacava kei na nomu matavuvale nikua? Dolava na nomu ivola lailai Noqu Sala ki na Bularawati Au ki na dua na tikina lala ni Vakadikevi ni Bularawati Au. Cakava na kalawa oqo. Taura e tolu na miniti mo vakananuma vakatitobu kina na veika oqo:

O sa kila tiko beka vakavinaka na nomu vakayagataki ilavo? E rawa mo sauma ena “vakawasoma” se “ena veigauna” ki na vuqa na taro oqo? O sa yalonuidei ena levu ni ilavo o sa tuvanaka me kemu isau ni bula rawati iko? O sa voleka beka mo rawata na kemu isau ni bula rawati iko?

Wilika:Na noda lalawa meda bula rawati keda, ena ka vakayago kei na ka vakayalo. Na rawati ni vuli kei na dua na cakacaka sa tiki walega ni lalawa oqo. Eda sa bula rawati keda talega ena noda bulataka tiko na ivakavuvuli e tiko ena Noqu Yavu kei na rawati ni cakacaka vinaka cake.

Me baleta na ono na bose e tarava, eda na tomana tiko na vakatovotovotaka na ivakavuvuli ni Noqu Yavu. Eda na vakacavara na vo ni ivakavuvuli ka vakaotia na iotioti ni cakacaka.

Eda na vakatovotovotaka ni da sa cakacaka vinaka cake ena noda vakayagataka na ivola lailai Noqu Vakasaqara Cakacaka.