Lipōtí—Taimi Lōloa Tahá: Miniti ʻe 25

Kapau ko hoʻo fuofua vahe ʻeni ʻo e uiké, fakakakato ʻa e “Lipōtí.” Ka ʻikai, hiki ki he peesi 172.

Ngaahi Tukupā ʻo e Uike Kuo ʻOsí

Feinga ke ʻiloʻi fakaʻaho e ngaahi maʻuʻanga tokoní
Fai ha ngaahi fetuʻutaki fakaʻaho
Fetuʻutaki mo poupouʻi hoku hoa ngāué.
Akoako mo vahevahe ʻa e tefitoʻi moʻoni ʻo e Ko Hoku Fakavaʻe ʻo e ʻaho ní.
Akoako e ngaahi taukei kumi ngāué.

Sitepu 1: Fakafuofuaʻi pē ʻe Kita ʻa Kita _{(miniti ʻe 5)}

Fakaʻaongaʻi ʻa e saati “Ko Hono Vakaiʻi ʻEku Ngaahi Ngāué” ʻi he peesi ii–iii ke toe vakaiʻi hoʻo ngaahi tukupā mei he fakataha fakaʻosí. ʻUluakí, hiki ʻa e mataʻifika totonu ʻo e ngaahi maʻuʻanga tokoni naʻá ke maʻú mo e ngaahi fetuʻutaki naʻá ke fakahokó. Fakafuofuaʻi fakafoʻituitui leva hoʻo ngāue ke tauhi e tukupā takitaha, ʻaki hono fakaʻilongaʻi kulokula, engeenga, pe lanu mata.

Sitepu 2: Vahevahe mo e Kulupú _{(miniti ʻe 10)}

Mou takitaha lipooti e tuʻunga homou ngaahi tukupaá ʻaki hono vahevahe hoʻomou ngaahi taumuʻá mo e ngaahi fika totonú, pea fakaʻilongaʻi “kulokula,” “engeenga,” pe “lanumata” hoʻo ngāué. Vahevahe ʻa e meʻa naʻe ola leleí mo e founga naʻe tokoniʻi ai koe ʻe he Tamai Hēvaní.

Sitepu 3: Fili ʻo e Ngaahi Hoa Ngāué _{(miniti ʻe 2)}

Fili ha hoa ngāue mei he kulupú ki he uike ka hokó. Ko e ngaahi hoa ngāué ʻi he angamahení, ko ha ongo tangata pe ongo fafine ia ʻoku ʻikai ko ha mēmipa ʻo ha fāmili pē taha.

Tuku ha kiʻi miniti ke ke fakafeʻiloaki ai koe ki ho hoa ngāué. Mo fefakafeʻiloaki ʻaki mo aleaʻi e founga ke mo fetuʻutaki ai he lolotonga ʻo e uiké.

Hingoa ʻo e hoa ngāué

Fakamatala ki he Fetuʻutakí

Hiki ʻa e founga mo e taimi te mo fetuʻutaki ai he uike ní.

Sāpate	Mōnite	Tūsite	Pulelulu	Tuʻapulelulu	Falaite	Tokonaki

Fakakakato ʻa e ʻekitivitī ʻi he peesi hono hokó.